മോഹൻലാലിന്റെ വിശദീകരണം ചീറ്റിപ്പോയി!! താരത്തിനെ വായടപ്പിച്ച് ആക്രമിക്കപ്പെട്ട നടി, കാണൂ

വാക്കലുള്ള പരാതി

മോഹാൻലാലിന്റെ വാർത്ത സമ്മേളനത്തിനു ശേഷം അവളുമായി താൻ സംസാരിച്ചതായി രമ്യ പറഞ്ഞു. അവൾ തന്നോട് പറഞ്ഞത് ഇങ്ങനെയായിരുന്നു. അമ്മ തന്റെ കുടുംബമാണെങ്കിൽ വാക്കാലുളള പരാതി മതിയാരുന്നില്ലേ? ഒരാളും മറ്റൊരാൾക്കെതിരെ പൊതുസമക്ഷത്തിൽ ആരോപണം ഉന്നയിക്കകയോ എന്തിനെങ്കിലും വേണ്ടി നേരിട്ട് സമീപിക്കുകയോ ചെയ്യാറില്ല. അവർ തന്നോട് പറഞ്ഞത് സംഭവത്തെ കുറിച്ച് അന്വേഷിച്ച് പരിഹാരം കണ്ടെത്താം എന്നായിരുന്നു. ചിലപ്പോൾ അവർ വിഷയത്തെ കുറിച്ച് അന്വേഷിക്കുകയും അപ്പോൾ ആരോപണവിധേയൻ അത് തള്ളിക്കളഞ്ഞു കാണുമെന്നും നടി പറഞ്ഞു.

പരാതി നൽകിയിട്ടും കാര്യമില്ല

പരാതി എഴുതി കൊടുത്തിട്ടും കാര്യമില്ലെന്ന് എഎംഎംഎയുടെ പ്രസിഡന്റിന്റെ ന്യായികരണത്തിൽ നിന്ന് മനസിലായെന്നും താരം പറഞ്ഞു.അയാൾക്കെതിരെ ഒരു നടപടിയും സ്വീകരിക്കില്ലെന്നും മനസിലായെന്നും താരം പറഞ്ഞതായി രമ്യ പറ‍ഞ്ഞു

ചിലർക്ക് വേണ്ടി പ്രത്യേക നിയമം

എഴുതി നൽകിയ പരാതി ലഭിച്ചിട്ടില്ല എന്ന് പറഞ്ഞ് ഒരാൾ നേരിടുന്ന പ്രശ്നത്തെ ഇങ്ങനെ എഴുതി തള്ളുന്നത് അനീതിയാണെന്ന് രമ്യ പറഞ്ഞു. സംഘടനയിൽ ചിലർക്ക് വേണ്ടി മാത്രം പ്രത്യേകം നിയമം കൊണ്ടു വരുകയാണെന്നും താരം പറ‍ഞ്ഞു.

പെട്ടെന്ന് ജനറൽ ബോഡിൽ വന്ന വിഷയം

അമ്മയുടെ ജനറൽ ബോഡി അജണ്ടയിൽ ഇക്കാര്യം ഉണ്ടായിരുന്നതായി മോഹൻലാൽ പറഞ്ഞിരുന്നു. എന്നാൽ അജണ്ടയുടെ പ്രിന്റ് കോപ്പിയിൽ ആകെ ഏഴ് വിഷയങ്ങളായിരുന്നു ഉണ്ടായിരുന്നത്. എന്നാൽ‌ ഇതിൽ നടനെ തിരിച്ചെടുക്കുന്നതുമായി ബന്ധപ്പെട്ട വിഷയം എഴുതിയിരുന്നില്ല. കൂടാതെ താനും അക്രമിക്കപ്പെട്ട നടിയും, ഗീതുവുമാണ് രാജി സമർപ്പിച്ചത്. റിമ വിദേശത്തായതു കൊണ്ട് രേഖമൂലം രാജി നൽകിയിട്ടില്ലെന്നും രമ്യ പറഞ്ഞു. എന്തുകൊണ്ടാണ് സംഘന വിട്ട് പോകുന്നതെന്ന് വ്യക്തമായി ലോകത്തിനു മുമ്പിൽ വിശദീകരണം നൽകിയിട്ടുണ്ടെന്ന് രമ്യ പറഞ്ഞു.

നടി രാജിവയ്ക്കാനുള്ള കാരണം

നടിയുടെ രാജിയിൽ പ്രധാനമായി ഉന്നയിച്ച ഒരു വിവരമാണ് ആരോപണ വിധേയനായ നടൻ തന്റെ അവസരങ്ങൾ നിഷേധിക്കുന്നതിൽ ഇടപെട്ടിരുന്നു എന്ന്. ഈ വിഷയത്തിൽ സംഘടനയിൽ പരാതി നൽകിയിരുന്നു. എന്നാൽ കാര്യമായ നടപടി സ്വീകരിച്ചിരുന്നില്ലെന്നും നടി ആരോപിച്ചിരുന്നു. കൂടാതെ തനിയ്ക്ക് ഒരു ദുരനുഭവം ഉണ്ടായപ്പോൾ താൻ കൂടി അംഗമായ സംഘടന കുറ്റാരോപിതനായ വ്യക്തിയെ സഹായിക്കാനാണ് ശ്രമിച്ചതെന്ന് നടി രാജി കത്തിൽ വ്യക്തമാക്കുന്നുണ്ട്