വൺ ലവിനെ പരിചയപ്പെടുത്തി ഷെയ്ൻ നിഗം! പ്രേക്ഷകർക്ക് അറിയേണ്ടത് ഇത്രമാത്രം...

സോഷ്യൽ മീഡിയയിൽ സജീവ സാന്നിധ്യമാണ് ഷെയ്ൻ നിഗം. ഇപ്പോൽ പ്രേക്ഷകർക്കിടയിൽ ചർച്ച വിഷയമായിരിക്കുന്നത് താരം പങ്കുവെച്ച ഒരു ചിത്രമാണ്. ഒരു ചെറിയ പെൺകുട്ടിയുടെ ചിത്രമാണ് താരം ഇൻസ്റ്റഗ്രാമിൽ പങ്കുവെച്ചിരിക്കുന്നത്.

വൺ ലവ് എന്ന ഹാഷ് ടാഗോടു കൂടിയാണ് ചിത്രം ഷെയർ ചെയ്തിരിക്കുന്നത്. ഷെയ്ന്റെ ഇൻസ്റ്റഗ്രാം പേജിന്റെ ടാഗ് ലൈനു വൺ ലവ് എന്നാണ്. ഇത് ആരാധകരെ ആകെ ആശയ കുഴപ്പത്തിലാക്കിയിട്ടുണ്ട്..

ഈ പെൺകുട്ടിയുടെ പിന്നാലെയാണ് ആരാധകർ. എല്ലാവർക്കും അറിയേണ്ടത് താരവും പെൺകുട്ടിയും തമ്മിലുളള ബന്ധമാണ്. ഷെയ്ന്റെ സഹോദരിയാണോ അതോ ഇതാണോ താരത്തിന്റെ വൺ ലവ് എന്നുമാണ് അറിയേണ്ടത്. എന്നാൽ ഇതിനെ കുറിച്ച് താരം ഇതുവരെ പ്രതികരിച്ചിട്ടില്ല. പ്രേക്ഷകരുടെ ജിഞ്ജാസ വർധിച്ചുവരുകയാണ്.

ഈ അടുത്തിടെ തന്റെ പ്രണയത്തെ കുറിച്ച് താരം വെളിപ്പെടുത്തിയിരുന്നു ടൈംസ് ഓഫ് ഇന്ത്യയ്ക്ക് നൽകിയ അഭിമുഖത്തിലാണ് ഷെയ്ൻ തന്റെ പ്രണയത്തെ കുറിച്ച് വെളിപ്പെടുത്തിയത്. ഇത്ര അനായാസമായിട്ടാണ് പ്രണയരംഗങ്ങളിൽ അഭിനയിക്കുന്നത് എന്നുള്ള ചോദ്യത്തിന് മറുപടി നൽകിയപ്പോഴാണ് പ്രണയത്തെ കുറിച്ച് വെളിപ്പെടുത്തിയത്. ഒരാളുടെ ഹൃദയത്തിൽ പ്രണയമോ പ്രണയത്തോടുളള അഭിനിവേശമോ ഉണ്ടെങ്കിൽ മാത്രമേ അയാൾക്ക് ആ കഥാപാത്രത്തെ പൂർണ്ണമായി ഉൾക്കൊള്ളാൻ സാധിക്കുകയുളളൂ. അതെ ഞാൻ ഒരാളുമായി പ്രണയത്തിലാണെന്ന് താരം വെളിപ്പെടുത്തുകയായിരുന്നു. എന്നാൽ പ്രണയിനിയുടെ പേരോ മറ്റ് വിവരമോ താരം പങ്കുവെച്ചിരുന്നില്ല.

ധ്രുവിന്റെ ആ വാക്കുകൾ ഞെട്ടിച്ചു! വേദിയിൽ കണ്ണുനിറഞ്ഞ് ചിയാൻ, വികാരനിർഭരമായ രംഗങ്ങള്‍...

അണിയറയിൽ വൻ ചിത്രങ്ങളാണ് ഒരുങ്ങുന്നത്. വലിയ പെരുന്നാൾ, ഉല്ലസം, വെയിൽ എന്നീ ചിത്രങ്ങളാണ് റിലീസിനായി കാത്തിരിക്കുന്നത്. നവാഗതനായ ഡെന്നീസ് സംവിധാനം ചെയ്യുന്ന വലിയ പെരുന്നാൾ ഒക്ടോബറിലാണ് റിലീസിനെത്തുന്നത്. ചിത്രത്തിൽ ജോജു ജോർജും , സൗബിനും പ്രധാന കഥപാത്രങ്ങളെ അവതരിപ്പിക്കുന്നുണ്ട്. ഉല്ലാസത്തിന്റെ ചിത്രീകരണം പുരോഗമിക്കുഗകയാണ്. ചിത്രത്തിലെ താരത്തിന്റെ ഫസ്റ്റ് ലുക്ക് പുറത്തു വന്നിരുന്നു. മികച്ച പ്രേക്ഷക സ്വീകര്യതയാണ് ലഭിക്കുന്നത്. സംഗീതത്തിനും നൃത്തത്തിനും പ്രധാന്യം നൽകി കൊണ്ടാണ് ചിത്രം ഒരുക്കിയിരിക്കുന്നത്.