പേളി ഭാഗ്യവതിയാണ് ഇത്രയും നല്ലൊരു അമ്മയെ കിട്ടിയതില്‍, ശ്രീനിയുടെ അമ്മ സൂപ്പറാണെന്ന് ആരാധകര്‍

അമ്മയ്‌ക്കൊപ്പമുള്ള ചിത്രം പങ്കുവെച്ച് കൊണ്ടായിരുന്നു ശ്രീനിഷിന്റെ വാക്കുകള്‍. അമ്മയുടെ പുഞ്ചിരിയിലുണ്ട് എല്ലാം, ആദ്യമായാണ് അമ്മയെ സാല്‍വാറില്‍ കാണുന്നത്. അതിനുള്ള ധൈര്യം കൊടുത്തത് പേളിയാണെന്നായിരുന്നു ശ്രീനി ഇന്‍സ്റ്റഗ്രാമില്‍ കുറിച്ചത്. പോസ്റ്റിന് താഴെ കമന്റുമായി പേളി എത്തിയിരുന്നു. ലവ് ഇമോജിയായിരുന്നു പങ്കുവെച്ചത്.മേക്കപ്പ് വീഡിയോ കണ്ടപ്പോള്‍ ഇതും പ്രതീക്ഷിച്ചിരുന്നു. നില ബേബിക്ക് അമ്മയുടെ അതേ ഫേസ്‌കട്ടാണെന്നുമായിരുന്നു ആരാധകരുടെ കമന്റുകള്‍. ശ്രീനിയുടെ പോസ്റ്റും ഇതിനകം തന്നെ വൈറലായിട്ടുണ്ട്.

അമ്മയെ മേക്കപ്പ് ചെയ്യുന്ന പേളിയുടെ വീഡിയോ സോഷ്യല്‍ മീഡിയയില്‍ വൈറല്‍ ആയിട്ടുണ്ട്. മേക്കപ്പിനെക്കാളും ഇവരുടെ സംഭാഷണമായിരുന്നു ആരാധകരുടെ ഇടയില്‍ ചര്‍ച്ചയായത്. ''എന്റെ മമ്മി ക്യാമറ കണ്ടാല്‍ ഓടും, എന്നാല്‍ അമ്മ അങ്ങനെയല്ല, അമ്മ ഇങ്ങോട്ട് വരും എന്ന് പറഞ്ഞ് കൊണ്ടായിരുന്നു പേളിയുടേയും അമ്മയുടേയും മേക്കപ്പ് വീഡിയോ ആരംഭിച്ചത്. അതേ പോലെ തന്നെയാണ് ശ്രീനിയും. നില ബേബിയെ കാണാന്‍ അമ്മ തന്നെ, അമ്മയുടെ അതേ മുഖച്ഛായ തന്നെ എന്നാണ് എല്ലാവരും പറയുന്നത്. അതെനിക്കൊരു വലിയ കോംപ്ലിമെന്റാണ്. അങ്ങനെ കേള്‍ക്കുമ്പോള്‍ സന്തോഷമാണെന്നും പേളി പറഞ്ഞിരുന്നു. അമ്മയെ അടുത്ത് കിട്ടിയാല്‍ എപ്പോഴും ഞാന്‍ മേക്കപ്പിട്ട് കൊടുക്കാറുണ്ട്.

അജിത്തിന്റെ ചിത്രമായ വലിമൈയില്‍ പേളി അഭിനയിച്ചിരുന്നു. വളരെ അഭിമാനത്തോടെയായിരുന്നു ശ്രീനിയുടെ അമ്മ ഇത് പറഞ്ഞത്.''എന്റെ മോള്‍ അജിത്തിനൊപ്പം അഭിനയിച്ചു എന്നായിരുന്നു വലിമൈയെക്കുറിച്ച് ചോദിച്ചപ്പോള്‍ അമ്മ പറഞ്ഞത'്. ഞങ്ങളെ കണ്ടാല്‍ അമ്മയും മകളെപ്പോലെയെന്നുള്ള കമന്റുകളും കേട്ടിട്ടുണ്ട്. സിംപിളായ മേക്കപ്പാണ് അമ്മയ്ക്ക് വേണ്ടി ചെയ്തത്. ഞാന്‍ പറയുന്നതെല്ലാം കേള്‍ക്കും, ശ്രീനി ചെറുപ്പത്തില്‍ അങ്ങനെ കുറുമ്പൊന്നും കാണിച്ചിരുന്നില്ലെന്നായിരുന്നു അമ്മയുടെ കമന്റ്.

ശ്രീനീയുടെ അച്ഛനും താന്‍ മേക്കപ്പ് ചെയ്യുന്നത് ഇഷ്ടമാണെന്നും അമ്മ പറയുന്നു. ചുരിദാര്‍ ഇട്ട് കാണാനാണ് അച്ഛനും ഇഷ്ടമെന്നും പറയുന്നു. അമ്മയുടെ വാക്കുകള്‍ ഇങ്ങനെ... ''അച്ഛന് മേക്കപ്പിടുന്നതിലൊന്നും പ്രശ്നമില്ല. എന്നെ ചുരിദാര്‍ ഇട്ട് കാണാനാണ് അച്ഛന് ഇഷ്ടം, ഞാനാണ് സാരി തിരഞ്ഞെടുത്തതെന്നും അമ്മ പറയുന്നു. 59 ഒന്നും ഒരു വയസേയല്ലെന്നും മേക്കപ്പ് ഇടുന്ന കാര്യം പറയവെ അമ്മയോട് പേളി പറയുന്നുണ്ട്. പേളിയുടേയും അമ്മയുടേയും വീഡിയോയ്്ക്ക് നല്ല പോസിറ്റീവ് കമന്‍ന്റുകളാണ് ലഭിക്കുന്നത്. ശരിക്കും അമ്മയും മകളും പോലെ തന്നെ, പേളി ഭാഗ്യവതിയാണ് ഇത്രയും നല്ലൊരു അമ്മയെ കിട്ടിയതില്‍, എന്നിങ്ങനെ നിരവധി കമന്റുകളാണ് വീഡിയോയ്ക്ക് ലഭിക്കുന്നത്. 10 ലക്ഷത്തിലധികം പേരാണ് ഇതിനകം വീഡിയോ കണ്ടത്.