ഷാജി പാപ്പന് മുന്നില്‍ പുലിമുരുകനും വീണു, ആ റെക്കോര്‍ഡ് പാപ്പനും ടീമിനും സ്വന്തം!

കൂടുതല്‍ പേര്‍ കണ്ട ട്രെയിലര്‍

ഡിസംബര്‍ 12നാണ് ആട് 2ന്റെ ട്രെയിലര്‍ പുറത്തുവിട്ടത്. 4.6 മില്യന്‍ ആള്‍ക്കാരാണ് യൂട്യൂബിലൂടെ ചിത്രത്തിന്റെ ട്രെയിലര്‍ കണ്ടത്. ഇതോടെ കൂടുതല്‍ പേര്‍ കണ്ട ട്രെയിലര്‍ എന്ന റെക്കോര്‍ഡ് ആട് 2 സ്വന്തമാക്കുകയും ചെയ്തു.

പുലിമുരുകനെ വെട്ടി

പുലിമിരുകന്റെ റെക്കോര്‍ഡാണ് ഇപ്പോള്‍ ഷാജി പാപ്പന്‍ തകര്‍ത്തത്. കൂടുതല്‍ പേര്‍ കണ്ട ട്രെയിലര്‍ പുലിമുരുകന്റെതായിരുന്നു. 4 മില്യന്‍ പേരാണ് ട്രെയിലര്‍ കണ്ടത്.

മൂന്നാം സ്ഥാനത്തുള്ള ചിത്രം

ദുല്‍ഖര്‍ സല്‍മാനും സായ് പല്ലവിയും മത്സരിച്ച് അഭിനയിച്ച കലിയാണ് മൂന്നാം സ്ഥാനത്തുള്ളത്. 3.5 മില്യന്‍ പേരാണ് കലിയുടെ ട്രെയിലര്‍ കണ്ടത്.

വേറെയും പ്രത്യേകതകളുണ്ട്

24 മണിക്കൂര്‍ പിന്നിടുന്നതിനിടയില്‍ കൂടുതല്‍ പേര്‍ കണ്ട ട്രെയിലറും ആട് 2 ന്റെതാണ്. 1.1 മില്യന്‍ വ്യൂസാണ് ലഭിച്ചത്. 24 മണിക്കൂര്‍ പിന്നിടുന്നതിനിടയില്‍ ഒരു മില്യണ്‍ കാഴ്ചക്കാര്‍ എന്ന റെക്കോര്‍ഡ് മറ്റൊരു മലയാള ചിത്രത്തിനും ഇല്ല.

കലക്ഷനിലും മോശമല്ല

മെഗാസ്റ്റാര്‍ ചിത്രമായ മാസ്റ്റര്‍പീസിന് പിന്നാലെ തിയേറ്ററുകളിലേക്കെത്തിയ ആട് 2 കലക്ഷന്‍രെ കാര്യത്തിലും മുന്നിലാണ്. ക്രിസ്മസ് സീസണ്‍ ഇത്തവണ ആരാണ് നേടിയതെന്നറിയണമെങ്കില്‍ കുറച്ചുകൂടി കാത്തിരിക്കണം.