Don't Miss!
- Sports IPL 2024: ബോള്ട്ടുണ്ടായിട്ടും എന്തിന് ഞാന്? സഞ്ജു മുത്താണ്; ക്യാപ്റ്റന്സിയെ പ്രശംസിച്ച് ആവേശ്
- News ബെംഗളൂരു രാമേശ്വരം കഫേ സ്ഫോടനം; മുഖ്യ പ്രതിയെ അറസ്റ്റ് ചെയ്ത് എൻഐഎ, വിവിധ സംസ്ഥാനങ്ങളിൽ റെയ്ഡ്
- Lifestyle ഓവുലേഷന് തിരിച്ചറിഞ്ഞ് മുന്നോട്ട് പോയാല് ഗര്ഭധാരണം ആദ്യദിനം അറിയാം
- Automobiles ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
രണ്ടാം ഭാഗങ്ങളുമായി മൂന്നാം അങ്കത്തിനൊരുങ്ങി സുരേഷ് ഗോപി??? അണിയറയില് ഒരുങ്ങുന്ന ചിത്രങ്ങള്!!!
മൂന്ന് സൂപ്പര് ഹിറ്റ് ചിത്രങ്ങളുടെ തുടര്ച്ചയുമായിട്ടാണ് സുരേഷ് ഗോപി തന്റെ മൂന്നാം വരവിന് ഒരുങ്ങുന്നത്.
മലയാള സിനിമയില് മമ്മൂട്ടിക്കും മോഹന്ലാലിനുമൊപ്പം സൂപ്പര് സ്റ്റാര് പദവിയില് തിളങ്ങി നിന്ന താരമാണ് സുരേഷ് ഗോപി. സഹതാരമായും വില്ലനായും സിനിമയില് സജീവമായി നിന്ന് സുരേഷ് ഗോപി പിന്നീട് സൂപ്പര് സ്റ്റാര് പദവിയിലേക്ക് ഉയരുന്നതും മമ്മൂട്ടിക്കും മോഹന്ലാലിനുമൊപ്പം എത്തുകയുമായിരുന്നു. രണ്ജി പണിക്കര് ഷാജി കൈലാസ് ചിത്രം ഏകലവ്യനായിരുന്നു സുരേഷ് ഗോപിയെ സൂപ്പര് സ്റ്റാറാക്കിയത്.
മലയാള സിനിമയിലെ പോലീസ് വേഷങ്ങള് സുരേഷ് ഗോപിക്ക് വേണ്ടി തയ്പ്പിച്ചെടുത്തതു പോലെയായിരുന്നു. നിരവധി പോലീസ് വേഷങ്ങള് അവിസ്മരണീയമാക്കിയ സുരേഷ് ഗോപിക്ക് കരിയറില് പലപ്പോഴും വലിയ ഇടവേളകള് വന്നു. കമ്മീഷണര് എന്ന സൂപ്പര് ഹിറ്റ് ചിത്രത്തിന്റെ രണ്ടാം ഭാഗവുമായിട്ടായിരുന്നു സുരേഷ് ഗോപിയുടെ രണ്ടാം വരവ്. വീണ്ടും കരിയറില് ഇടവേള സംഭവിച്ച താരം ഒരു മൂന്നാം വരവിന് ഒരുങ്ങുകയാണ്.
മൂന്നാം വരവ്
സൂപ്പര് താരമായിരുന്ന സുരേഷ് ഗോപി സിനിമയില് നിന്നും അകലം പാലിച്ച് നിന്നത് രണ്ട് തവണയാണ്. നിരവധി കാരണമങ്ങളായിരുന്നു ഈ ഇടവേളകള്ക്ക് പിന്നിലുണ്ടായിരുന്നത്. ഇപ്പോഴിതാ മൂന്നാം തവണ തിരിച്ചുവരവിന് ഒരുങ്ങുകയാണ് സുരേഷ് ഗോപി.
രണ്ടാം ഭാഗവുമായി രണ്ടാം വരവ്
സൂപ്പര് സ്റ്റാര് പദവിയില് കത്തി നിന്ന് സുരേഷ് ഗോപിയുടെ ചിത്രങ്ങള്ക്ക് വന് തിരിച്ചടി കിട്ടിയ കാലമായിരുന്നു 2000ത്തിന്റെ തുടക്കം. പിന്നീട് സുരേഷ് ഗോപി ശക്തമായ ഒരു തിരിച്ച് വരവ് നടത്തിയത് 2005ല് പുറത്തിറങ്ങിയ ഭരത്ചന്ദ്രന് ഐപിഎസിലൂടെയായിരുന്നു. സൂപ്പര് ഹിറ്റായിരുന്ന കമ്മീഷണറിന്റെ രണ്ടാം ഭാഗമായിരുന്നു ഭരത്ചന്ദ്രന് ഐപിഎസ്.
വീണ്ടും ഇടവേള
2015ല് പുറത്തിറങ്ങിയ മൈ ഗോഡ് എന്ന ചിത്രത്തിന് ശേഷം സുരേഷ് ഗോപി പിന്നീട് സിനിമയില് നിന്നും നീണ്ട ഇടവേള എടുക്കുകയായിരുന്നു സുരേഷ് ഗോപി. ബിജെപിയുടെ എംപിയായി രാജ്യസഭയിലെത്തിയതോടെ സുരേഷ് ഗോപി രാഷ്ട്രീയത്തില് സജീവമാകുകയായിരുന്നു.
മൂന്ന് രണ്ടാം ഭാഗങ്ങളുമായി മൂന്നാം വരവ്
ഇപ്പോഴിതാ സിനിമയില് നിന്നും പൂര്ണമായും മാറി നിന്ന രണ്ട് വര്ഷത്തിന് ശേഷം ഒരു മൂന്നാം വരവിന് ഒരുങ്ങുമ്പോള് കാത്തിരിക്കുന്നത് മൂന്ന് സൂപ്പര് ഹിറ്റ് ചിത്രങ്ങളുടെ തുടര്ച്ചകളാണ്. ലേലം, ചിന്താമണി കൊലക്കേസ്, ഭരത്ചന്ദ്രന് ഐപിഎസ് എന്നീ ചിത്രങ്ങളുടെ രണ്ടാം ഭാഗങ്ങളാണ് അണിയറയില് ഒരുങ്ങുന്നത്.
ആനക്കാട്ടില് ചാക്കോച്ചി
ലേലം എന്ന സൂപ്പര് ഹിറ്റ് ചിത്രത്തിലെ ആനക്കാട്ടില് ഈപ്പച്ചനേയും മകന് ചാക്കോച്ചിയേയും പ്രേക്ഷകര് അത്ര പെട്ടന്ന് മറക്കില്ല. ഇരട്ടച്ചങ്കനായ ആനക്കാട്ടില് ചാക്കോച്ചിയായിട്ടാണ് തന്റെ മൂന്നാം അങ്കത്തിന് സുരേഷ് ഗോപി ഒരുങ്ങുന്നത്. രണ്ജി പണിക്കര് തിരക്കഥ ഒരുക്കുന്ന ചിത്രം സംവിധാനം ചെയ്യുന്നത് നിഥിന് രണ്ജി പണിക്കരാണ്.
കമ്മീഷണര്ക്ക് മൂന്നാം ഭാഗം
രണ്ടാം വരവിന് കരുത്തായി മാറിയത് കമ്മീഷണറുടെ രണ്ടാം ഭാഗമായ ഭരത്ചന്ദ്രന് ഐപിഎസ് ആയിരുന്നു. ഇപ്പോഴിതാ മൂന്നാം വരവില് ഇതിനും തുടര്ച്ച ഉണ്ടാകുകയാണ്. രണ്ജി പണിക്കര് തിരക്കഥ എഴുതുന്ന ചിത്രം നിര്മിക്കുന്നത് ലിബര്ട്ടി ബഷീറാണ്. ഷാജി കൈലാസോ രണ്ജി പണിക്കരോ ചിത്രം സംവിധാനം ചെയ്യുമെന്നാണ് അറിയുന്നത്.
ചിന്താമണി കൊലക്കേസ് വീണ്ടും
കൊടും കുറ്റവാളികളെ കോടതിയില് നിന്നും പുഷ്പം പോലെ ഇറക്കിക്കൊണ്ടു വരുന്ന എല്കെ എന്ന അഡ്വക്കേറ്റ് ലാല് കൃഷ്ണയെ പ്രേക്ഷകര് ഏറ്റെടുത്തിരുന്നു. കോടതിക്ക് പുറത്ത് പ്രതികള്ക്ക് യഥാര്ത്ഥ ശിക്ഷ നല്കുന്ന ലാല് കൃഷ്ണ വീണ്ടുമെത്തുന്നുവെന്നാണ് റിപ്പോര്ട്ട്. എകെ സാജന് തിരക്കഥ എഴുതിയ ചിന്താമണി കൊലക്കേസ് സംവിധാനം ചെയ്തത് ഷാജി കൈലാസ് ആയിരുന്നു.
-
ആദ്യ ഭർത്താവ് ഇപ്പോഴും സുഹൃത്ത്; എന്റെ അമ്മയ്ക്ക് സ്വന്തം മകനെ പോലെ; ബന്ധത്തിൽ സംഭവിച്ചത്; അദിതിയുടെ വാക്കുകൾ
-
നായകന്റെ മടിയില് കയറിയുള്ള ലിപ് ലോക്ക്! വിചാരിക്കുന്നത് പോലെ അത്ര എളുപ്പമല്ലെന്ന് നടി അനുപമ പരമേശ്വരന്
-
നടിമാരുമായുള്ള ഇന്റിമേറ്റ് സീനുകള് കാണുമ്പോള് ഭാര്യക്ക് അസൂയ; തുറന്ന് പറഞ്ഞ് രാം ചരണ്