For Quick Alerts
    ALLOW NOTIFICATIONS  
    For Daily Alerts

    'ഐ സിനിമയിൽ കൂനനായി അഭിനയിക്കാൻ വിക്രം സ്വന്തം കിഡ്നി നശിപ്പിച്ചു'; സുരേഷ് ​ഗോപി

    |

    സുരേഷ് ​ഗോപി ആരാധകർ ഏറെ പ്രതീക്ഷയോടെ കാത്തിരുന്ന ചിത്രം പാപ്പൻ തിയറ്ററുകളിൽ എത്തിയിരിക്കുകയാണ്. മികച്ച പ്രേക്ഷക പ്രതികരണം ലഭിക്കുന്ന സിനിമ സുരേഷ് ​ഗോപിയുടെ സിനിമാ രം​ഗത്തേക്കുള്ള തിരിച്ചു വരവായാണ് ആരാധകർ ആഷോഷിക്കുന്നത്.സുരേഷ് ​ഗോപി-ജോഷി കൂട്ടുകെട്ടിൽ നിന്ന് പ്രതീക്ഷിച്ച പതിവ് ആക്ഷൻ ചിത്രമല്ലെങ്കിലും പ്രേക്ഷകരെ പിടിച്ചിരുത്താൻ കഴിയുന്ന സിനിമയാണിതെന്നാണ് തിയറ്ററുകളിൽ നിന്നും ലഭിക്കുന്ന പ്രതികരണം.

    സുരേഷ് ​ഗോപിയുടെ മകൻ ​ഗോകുൽ സുരേഷും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. നൈല ഉഷ, കനിഹ തുടങ്ങിയവരാണ് പാപ്പനിലെ മറ്റ് കഥാപാത്രങ്ങൾ. സിനിമയുടെ പ്രൊമോഷനുമായി ബന്ധപ്പെട്ട് അഭിമുഖ പരിപാടികളിൽ പങ്കെടുത്ത് വരികയാണ് സുരേഷ് ​ഗോപി. പാപ്പൻ സിനിമയെക്കുറിച്ചും തന്റെ സിനിമാ ജീവിതത്തെക്കുറിച്ചും സിനിമാ രം​ഗത്തുള്ള സുഹൃത്തുക്കളെക്കുറിച്ചുമെല്ലാം സുരേഷ് ​ഗോപി അഭിമുഖങ്ങളിൽ സംസാരിക്കുന്നുണ്ട്. കുറച്ചു നാളായി രാഷ്ട്രീയ വേദികളിൽ മാത്രം കണ്ടിരുന്ന സുരേഷ് ​ഗോപിയെ പഴയ സിനിമാ താരമായി തിരിച്ചു കിട്ടിയെന്നാണ് ആരാധകർ പറയുന്നത്.

    Also read: ലാലേട്ടനെ ചവിട്ടി,'സഹദേവൻ നേരെ താഴേക്ക്',ലാലേട്ടൻ തിരിച്ച് തല്ലാത്ത ഒരു വില്ലനെ ഉള്ളൂ, അത് സഹദേവനാണ്: ഷാജോൺ

    ഇപ്പോഴിതാ തമിഴ് നടൻ ചിയാൻ വിക്രത്തെക്കുറിച്ച് സുരേഷ് ​ഗോപി പറഞ്ഞ വാക്കുകളാണ് ചർച്ചയാവുന്നത്. ഐ എന്ന സിനിമയിലെ മേക്കോവറിന് വേണ്ടി വിക്രം തന്റെ കിഡ്നി നശിപ്പിച്ചെന്നാണ് സുരേഷ് ​ഗോപി പറയുന്നത്. റെഡ് എഫ്എമ്മിന് നൽകിയ അഭിമുഖത്തിലാണ് സുരേഷ് ​ഗോപി ഇക്കാര്യം പറഞ്ഞത്. ഷൂട്ടിന്റെ സമയത്ത് അദ്ദേഹത്തോട് ആരോ​ഗ്യം ശ്രദ്ധിക്കാൻ പറഞ്ഞിരുന്നെന്നുമാണ് സുരേഷ് ​ഗോപി പറയുന്നു.

    Also read:പരന്ന മാറിടമെന്ന് പരിഹാസം, വീട്ടുകാരേയും വെറുതെ വിട്ടില്ല; ഞാന്‍ എന്ത് തെറ്റാണ് ചെയ്തതെന്ന് അനന്യ

    'മോഹൻലാൽ ചെയ്ത അങ്കിൾ ബൺ ഇന്നാണ് എടുക്കുന്നതെങ്കിൽ ടൊവിനോയും വിക്രമും ഒക്കെ അത്രയും തടിച്ചേനെ. പിന്നെ ആറു മാസം പടം ചെയ്യാതിരുന്നിട്ട് വീണ്ടും പഴയ പോലെ മെലിഞ്ഞേനെ. കാലഘട്ടം മാറുന്നതിനുസരിച്ച് ആളുകളുടെ മനോഭാവവും മാറി. ഐ സിനിമയിൽ കൂനനായി അഭിനയിക്കാൻ വേണ്ടി വിക്രം അയാളുടെ കിഡ്നി നശിപ്പിച്ചു'

    'ഞാൻ ഷൂട്ടിന്റെ സമയത്ത് ഫോളോ യുവർ കിഡ്നി എന്ന് പറഞ്ഞിരുന്നു. ഞാൻ നോക്കുന്നുണ്ടെന്നായിരുന്നു മറുപടി. പക്ഷെ പിന്നീട് അത് ആരോ​ഗ്യത്തെ ബാധിക്കും,' സുരേഷ് ​ഗോപി പറഞ്ഞു. 2015 ൽ പുറത്തിറങ്ങിയ ഐ സിനിമയിൽ വില്ലനായി അഭിനയിച്ചത് സുരേഷ് ​ഗോപിയായിരുന്നു. സംവിധായകൻ ശങ്കറൊരുക്കിയ ചിത്രം വൻ വിജയമായിരുന്നു.

    Also read:ഏറ്റവും സെക്‌സിയായിട്ടുള്ള വേഷം സാരിയാണ്, ദാമ്പത്യ ജീവിതത്തിലെ പ്രധാന ചോദ്യോത്തരങ്ങളുമായി ജീവയും അപര്‍ണയും

    പാപ്പൻ തിയറ്ററുകളിലിറങ്ങി മൂന്ന് ദിവസം പിന്നിടുമ്പോൾ മികച്ച പ്രതികരണമാണ് ലഭിച്ചു കൊണ്ടിരിക്കുന്നത്. റിലീസ് ചെയ്ത ആദ്യ ദിവസം മൂന്ന് കോടി രൂപയായിരുന്നു സിനിമ നേടിയത്. ഈ കുതിപ്പ് തുടർന്നുള്ള ദിവസങ്ങളിലും സിനിമയ്ക്ക് തുടരാനായെന്നാണ് റിപ്പോർട്ടുകൾ.

    ഇന്ത്യക്ക് പുറത്തും റിലീസ് ചെയ്യുന്നതോടെ മികച്ച കലക്ഷൻ സിനിമ നേടുമെന്നാണ് സൂചന. എബ്രഹാം മാത്യു മാത്തൻ എന്ന പൊലീസ് കഥാപാത്രമായാണ് സുരേഷ് ​ഗോപി സിനിമയിൽ എത്തുന്നത്. പത്ത് വർഷത്തിന് ശേഷമാണ് നടൻ ഒരു പൊലീസ് കഥാപാത്രമായി ബി​ഗ് സ്ക്രീനിൽ എത്തുന്നത്. പക്ഷെ നടൻ മുമ്പ് ചെയ്ത പൊലീസ് കഥാപാത്രങ്ങളിൽ‌ നിന്നും വ്യത്യസ്തമാണ് പാപ്പനിലെ എബ്രഹാം മാത്യു മാത്തൻ.

    Read more about: suresh gopi vikram
    English summary
    suresh gopi says actor vikram destroyed his health for acting in i movie
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X