For Quick Alerts
    ALLOW NOTIFICATIONS  
    For Daily Alerts

    ഉറുമിയ്ക്ക് ഇനി വേള്‍ഡ് വൈഡ് റിലീസ്

    By Ajith Babu
    |

    Urumi
    മലയാളത്തില്‍ വിജയകാഹളം മുഴക്കുന്ന ഉറുമിയുടെ മറ്റു ഭാഷാപതിപ്പുകള്‍ തിയറ്ററുകളിലേക്ക്. തമിഴ് തെലുങ്ക്, കന്നഡ, ഹിന്ദി, ഇംഗ്ലീഷ് എന്നീ ഭാഷകളിലും ഉറുമി വൈകാതെ പുറത്തിറങ്ങുമെന്ന് സംവിധായകന്‍ സന്തോഷ് ശിവന്‍ പറഞ്ഞു. ഓരോ ഭാഷയ്ക്കും അനുസൃതമായി ചിത്രത്തെ മാറ്റിയെടുത്തിട്ടുണ്ട്. രണ്ട് മാസത്തിനുള്ളില്‍ റിലീസ് ചെയ്യുന്ന ഉറുമിയുടെ ഇംഗ്ലീഷ് വേര്‍ഷന് വേള്‍ഡ് വൈഡ് റിലീസാണ് ഉണ്ടാവുകയെന്നും സന്തോഷ് വ്യക്തമാക്കി. ഉറുമിയുടെ റിലീസിങ്ങിനോടനുബന്ധിച്ച് തിരുവനന്തപുരത്ത് നടത്തിയ മുഖാമുഖത്തില്‍ സംസാരിക്കുകയായിരുന്നു അദ്ദേഹം.

    ചിത്രത്തില്‍ പ്രതിഫലിക്കുന്നത് വിവിധ സംസ്‌കാരങ്ങളുടെ ഏറ്റുമുട്ടലാണ്. വിജയിക്കുന്നവരുടെ ചരിത്രമാണ് എപ്പോഴും എഴുതപ്പെടുന്നത്. വാസ്‌കോഡഗാമയുടെ ചരിത്രവും അത്തരത്തിലുള്ളതാണ്. പാശ്ചാത്യ കാഴ്ചപ്പാടിലുള്ള ചിത്രമാണ് നമുക്കു മുന്നിലുള്ളത്. ചരിത്രപരമായ അന്വേഷണങ്ങളുടെ വെളിച്ചത്തില്‍ സാങ്കല്‍പ്പിക പശ്ചാത്തലത്തിലുള്ള സിനിമയാണ് ഉറുമി. ഹിന്ദു, മുസ്ലിം, പോര്‍ച്ചുഗീസ് സംസ്‌കാരങ്ങളുടെ ഏറ്റുമുട്ടല്‍ ചിത്രത്തിലുണ്ട്.

    ഉറുമി തന്റെ സ്വപ്ന ചിത്രമായിരുന്നുവെന്നു നടന്‍ പൃഥ്വിരാജ് പറഞ്ഞു. സന്തോഷ് ശിവനും താനും ചേര്‍ന്ന് ഒരു ചെറിയ സിനിമയെക്കുറിച്ചാണ് ആദ്യം ചിന്തിച്ചത്. സംവിധാനം എന്ന തന്റെ ആത്യന്തികമായ ആഗ്രഹത്തിനു കൂടുതല്‍ പ്രേരണ സന്തോഷ് ശിവനുമൊത്തുള്ള അനുഭവത്തിലൂടെ സാധ്യമായി. സിനിമ സംവിധാനത്തെക്കുറിച്ചു കുറേക്കൂടി ഗൗരവമായി ചിന്തിക്കുന്നതിന് ഉറുമി സഹായകമായിട്ടുണ്ട്.
    ചിത്രത്തിന് വേണ്ടി ഉറുമിപ്പയറ്റ് അഭ്യസിക്കാന്‍ താന്‍ മൂന്നുദിവസം മാത്രമാണ് ചെലവഴിച്ചതെന്ന് പൃഥ്വിരാജ് പറഞ്ഞു.

    ചിത്രത്തിന്റെ പ്രധാനനിര്‍മാതാവായ ഷാജി നടേശന്‍, സഹനിര്‍മാതാവ് മൊബീന രത്വന്‍സ, എക്‌സിക്യൂട്ടീവ് പ്രൊഡ്യൂസര്‍ മല്ലിക സുകുമാരന്‍, തിരക്കഥാകൃത്ത് ശങ്കര്‍ രാമകൃഷ്ണന്‍, നായിക ജനീലിയ ഡിസൂസ എന്നിവരും മുഖാമുഖത്തില്‍ പങ്കെടുത്തു.

    English summary
    Touted as the first global film from Kerala, recently released ‘Urumi’ is an attempt to read history from the side of the vanquished, its director Santosh Sivan said.
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X