Don't Miss!
- Sports IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള്
- News മുത്തശ്ശി സ്വര്ണം ദാനം ചെയ്തു, അമ്മ രാജ്യത്തിന് വേണ്ടി താലി ത്യജിച്ചു: മറുപടിയുമായി പ്രിയങ്ക
- Lifestyle വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള്
- Automobiles കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ബോഡിഗാര്ഡിന്റെ റിലീസ് നീളുന്നു
ഇപ്പോഴിതാ ഷൂട്ടിങില് നേരിട്ട കഷ്ടകാലം റിലീസിങിന്റെ കാര്യത്തിലും ബോഡിഗാര്ഡിനെ വിടാതെ പിന്തുടരുകയാണ്. പലതവണ റിലീസ് നീട്ടിയ ചിത്രം ഡിസംബര് ആദ്യപകുതിയില് തിയറ്ററുകളിലെത്തിയ്ക്കാനാണ് ജോണി സാഗരിക അവസാനമായി തീരുമാനിച്ചിരുന്നത്. എന്നാലിപ്പോള് ചിത്രത്തിന്റെ റിലീസ് നിര്മാതാക്കള് അനിശ്ചിതമായി നീട്ടിവെച്ചിരിയ്ക്കുകയാണ്.
സമീപകാലത്ത് ദിലീപ് ചിത്രങ്ങള്ക്കേറ്റ തിരിച്ചടി ബോഡിഗാര്ഡിനെ ബാധിയ്ക്കുമോയെന്ന് ജോണിസാഗരികയ്ക്ക് നേരത്തെ തന്നെ ആശങ്കയുണ്ട്. ഡിസംബര്ആദ്യവാരത്തില് റിലീസ് ചെയ്താല് ക്രിസ്മസിനെത്തുന്ന സൂപ്പര് താരചിത്രങ്ങളുടെ കുത്തൊഴുക്കില് ബോഡിഗാര്ഡിന് പിടിച്ചുനില്ക്കാന് കഴിയുമോയെന്നാണ് അവരുടെ സംശയം.
വിജയ്യുടെ വേട്ടക്കാരന്, മോഹന്ലാലിന്റെ ഇവിടം സ്വര്ഗ്ഗമാണ്, മമ്മൂട്ടിയുടെ ചട്ടമ്പിനാട് തുടങ്ങിയ സിനിമകള് ക്രിസ്മസിന് പ്രധാനകേന്ദ്രങ്ങള് ബ്ലോക്ക് ചെയ്തതും ബോഡിഗാര്ഡിന് വിനയായി. ഈ സാഹചര്യത്തില് ചിത്രത്തിന്റെ റിലീസ് ജനുവരി 21ലേക്ക് മാറ്റാനാണ് ഇപ്പോഴത്തെ തീരുമാനം.
എന്നാല് ഈ ഡേറ്റില് മറ്റൊരു പാരയാണ് ബോഡിഗാര്ഡിനെ കാത്തിരിയ്ക്കുന്നത്. ദിലീപിനെ തന്നെ നായകനാക്കി കമല് സംവിധാനം ചെയ്യുന്ന ആഗതന്റെ റിലീസും ജനുവരി രണ്ടാംപകുതിയിലാണ് നിശ്ചയിച്ചിരിയ്ക്കുന്നത്. നേരത്തെ ക്രിസ്മസിന് റിലീസ് തീരുമാനിച്ചിരുന്ന ആഗതന് ബോഡിഗാര്ഡിന് വേണ്ടി വഴിമാറിക്കൊടുക്കുകയായിരുന്നു.
ഇനി ഒരിയ്ക്കല് കൂടി ആഗതന്റെ റിലീസ് മാറ്റാനാവില്ലെന്നാണ് ചിത്രത്തിന്റെ വിതരണക്കാരുടെ നിലപാട്. ഇതുമായി ബന്ധപ്പെട്ട് രണ്ട് ദിലീപ് സിനിമകളുടെയും അണിയറപ്രവര്ത്തകര് തമ്മില് നല്ല ബന്ധത്തിലല്ലെന്നും റിപ്പോര്ട്ടുകളുണ്ട്. മുന്നിശ്ചയപ്രകാരം ആഗതന് ജനുവരിയില് തന്നെ തിയറ്ററുകളിലെത്തുകയാണെങ്കില് ബോഡിഗാര്ഡിന്റെ റിലീസ് മാര്ച്ച്-ഏപ്രില് മാസത്തിലേക്ക് നീളും.
പ്രതിസന്ധികള് വിടാതെ പിന്തുടരുകയാണെങ്കിലും ബോഡിഗാര്ഡിന്റെ അണിയറപ്രവര്ത്തകര് നിറഞ്ഞ പ്രതീക്ഷയിലാണ്. നേരത്തെ മമ്മൂട്ടി അഭിമുഖീകരിച്ച പ്രതിസന്ധികള് തന്നെയാണ് ദിലീപ് ഇപ്പോള് കരിയറില് നേരിടുന്നത്. അന്ന് ഒട്ടേറെ കഷ്ടപ്പാടുകള് സഹിച്ച് സിദ്ദിഖ് പൂര്ത്തിയാക്കിയ ക്രോണിക് ബാച്ചിലര് മമ്മൂട്ടിയുടെ കരിയറിന് പുതുജീവന് സമ്മാനിച്ചു. ഈ വിജയചരിത്രം ബോഡിഗാര്ഡും ആവര്ത്തിയ്ക്കുമോയെന്നാണ് ചലച്ചിത്രരംഗം ഉറ്റുനോക്കുന്നത്.
-
പങ്കാളിയുടെ ഇഷ്ടത്തിന് വേണ്ടി എല്ലാം ഉപേക്ഷിച്ചു! പക്ഷേ തനിക്ക് കിട്ടിയത് വളരെ മോശം അനുഭവമെന്ന് സജി ജി നായർ
-
സല്മാന്റെ പെങ്ങളെ കെട്ടിയത് പണത്തിന്! വജ്രം പതിപ്പിച്ച വസ്ത്രവും ബെന്റ്ലി കാറും സമ്മാനം
-
ദാരിദ്ര്യം മാറ്റാന് ടൂത്ത് പേസ്റ്റ് കവര് വരെ സൂക്ഷിച്ച് വെച്ച് വിറ്റു; ഇന്ന് രാജ്യത്തെ സമ്പന്നയായ നടി