Click it and Unblock the Notifications
Don't Miss!
-
IPL 2024: 36 ബോളില് വേണ്ടത് 96! നാലു വിക്കറ്റ് മാത്രം, 'തോറ്റ' കളി റോയല്സ് ജയിച്ചതെങ്ങനെ? നോക്കാം -
മാഹിയില് ഇക്കുറി തിരഞ്ഞെടുപ്പ് പുതുമകളോടെ; ആദ്യഘട്ട പോളിങ് നിയന്ത്രിക്കാന് വനിതാ ജീവനക്കാര് മാത്രം -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
രഞ്ജിത്തിന്റെ യാത്രയില്‍ 10 സംവിധായകര്‍
രഞ്ജിത്തിന്റെ ക്യാപിറ്റല്‍ തിയറ്റര്‍ നിര്‍മ്മിയ്‌ക്കുന്ന സിനിമയുടെ സംവിധാനം നിര്‍വഹിയ്‌ക്കുന്നത്‌ 10 പ്രശസ്‌തരായ സംവിധായകരാണ്‌.
പാമ്പ്‌ ചാവില്ലെന്ന്‌ പേടിച്ചാകണം 10 പേരും ഒരുമിച്ചല്ല സംവിധാനത്തിന്‌ ഇറങ്ങുന്നത്‌. ഒരു പ്രമേയത്തെ ആസ്‌പദമാക്കി ഈ സംവിധായകര്‍ ഒരുക്കുന്ന ഷോട്ട്‌ ഫിലിമുകളാണ്‌ ഒരൊറ്റ സിനിമയായി പ്രദര്‍ശനത്തിനെത്തുക. ഇതെല്ലാം കൂട്ടിച്ചേര്‍ത്ത്‌ ഒരൊറ്റ സിനിമയൊരുക്കുവാന്‍ മുന്നില്‍ നില്‌ക്കുന്നത്‌ രഞ്‌ജിത്ത്‌ തന്നെ.
യാത്രയെന്ന പ്രമേയത്തെ ആസ്‌പദമാക്കിയാണ്‌ പുതിയ ചിത്രം നിര്‍മ്മിയ്‌ക്കുന്നതെന്ന്‌ രഞ്‌ജിത്ത്‌ പറയുന്നു. യാത്രകള്‍ പലവിധത്തിലുണ്ടാകാം. യാത്രയിലുണ്ടാകുന്ന സംഭവങ്ങളും യാത്ര വേണ്ടെന്ന്‌ വെയ്‌ക്കുമ്പോഴുള്ള സംഭവങ്ങളും വ്യത്യസ്‌തങ്ങളായിരിക്കും. ഇവയ്‌ക്ക്‌ ഓരോന്നും ഓരോ കഥ പറയാനുണ്ടാകും.
മാറ്റത്തിന്‌ വേണ്ടി ദാഹിയ്‌ക്കുന്ന പ്രേക്ഷകര്‍ക്ക്‌ പുതിയൊരു അനുഭവമായിരിക്കും സിനിമയെന്ന്‌ രഞ്‌ജിത്ത്‌ പറയുന്നു.
12 മുതല്‍ 20 മിനിറ്റ്‌ വരെയാണ്‌ ഷോര്‍ട്ട ്‌ഫിലിമുകളുടെ ദൈര്‍ഘ്യം. എല്ലാ സംവിധായകര്‍ക്കും അവരുടെ ചിത്രങ്ങളില്‍ പൂര്‍ണ സ്വാതന്ത്ര്യമുണ്ടായിരിക്കും. കഥ തിരക്കഥ, താരങ്ങള്‍, സാങ്കേതിക വിദഗ്‌ധര്‍ ഇക്കാര്യങ്ങളിലെല്ലാം അവര്‍ക്ക്‌ സ്വയം തീരുമാനിയ്‌ക്കാം. എന്നാല്‍ എല്ലാം കൂടി ഒത്തുചേരുമ്പോള്‍ ഒരൊറ്റ സിനിമയാകണമെന്ന നിബന്ധന മാത്രമാണ്‌ രഞ്‌ജിത്ത്‌ മുന്നോട്ട്‌ വെയ്‌ക്കുന്നത്‌.
രഞ്ജിത്തിന്റെ പുതിയ പരീക്ഷണവുമായി സഹകരിയ്‌ക്കാമെന്ന്‌ പ്രശസ്‌തരായ പത്ത്‌ സംവിധായകര്‍ ഉറപ്പു നല്‌കി കഴിഞ്ഞു. വാണിജ്യ സിനിമ ലോകത്ത്‌ മുന്‍പന്തിയില്‍ നില്‌ക്കുന്ന ലാല്‍ ജോസ്‌, ഷാജി കൈലാസ്‌, അന്‍വര്‍ റഷീദ്‌, ബി ഉണ്ണികൃഷ്‌ണന്‍, എം പത്മകുമാര്‍ തുടങ്ങിയവര്‍ക്കൊപ്പം ശ്യാമപ്രസാദ്‌, രേവതി, അഞ്‌ജലി മേനോന്‍, ഉദയ്‌ അനന്തന്‍, ശങ്കര്‍ രാമകൃഷ്‌ണന്‍ എന്നിവരാണ്‌ രഞ്ജിത്തിന്റെ യാത്രയില്‍ ഒപ്പം ചേരുന്നത്‌.
