For Quick Alerts
    ALLOW NOTIFICATIONS  
    For Daily Alerts

    ഷാജി എന്‍ കരുണും മോഹനും ചാനലില്‍ ഏറ്റുമുട്ടി

    By Lakshmi
    |

    Shaji
    മമ്മൂട്ടി ചിത്രമായ കുട്ടിസ്രാങ്കിനു ദേശീയ ബഹുമതികള്‍ ലഭിച്ചതിന് പിന്നാലെ ചിത്രത്തിന്റെ സംവിധായകന്‍ ഷാജി എന്‍. കരുണും ചലച്ചിത്ര അക്കാദമി ചെയര്‍മാന്‍ കെ.ആര്‍. മോഹനനും തമ്മില്‍ പരസ്യ വാഗ്വാദം.

    ഒരു ടിവി ചാനലിലാണ് ഇരുവരും ഏറ്റുമുട്ടിയത്. ഒരു കാലത്തു ചലച്ചിത്ര വികസന കോര്‍പറേഷനില്‍ ഒന്നിച്ചു പ്രവര്‍ത്തിച്ച ഇരുവരും തമ്മിലുള്ള ഒളിപ്പോരു കുറേനാളായി നടക്കുകയായിരുന്നെങ്കിലും ദേശീയ അവാര്‍ഡ് പ്രഖ്യാപനത്തോടെ ഇത് പുറത്തുവന്നു.

    സംസ്ഥാനത്തു തന്റെ ചിത്രമായ കുട്ടിസ്രാങ്കിനെ തഴഞ്ഞെന്നും ആ നിലയ്ക്കു ദേശീയതലത്തില്‍ ലഭിച്ച അംഗീകാരം വലിയ സന്തോഷം നല്‍കുന്നുവെന്നും ഷാജി പറഞ്ഞു.

    എന്നാല്‍, റിലയന്‍സ് നിര്‍മിച്ച ചിത്രത്തെ (കുട്ടിസ്രാങ്ക്) ഉയര്‍ത്തിക്കൊണ്ടുവരാനും വിജയിപ്പിക്കാനുമൊക്കെ അവര്‍ക്കു കഴിയുമെന്നായിരുന്നു കെ.ആര്‍. മോഹനന്റെ പ്രതികരണം.

    മോഹനന്റെ വാക്കുകള്‍ ഷാജിയെ കൂടുതല്‍ പ്രകോപിപ്പിച്ചു.അവാര്‍ഡ് സംഘടിപ്പിച്ചതാണെന്ന ധ്വനിയിലാണു മോഹനന്‍ സംസാരിച്ചതെന്നു ഷാജി ആരോപിച്ചു. പക്ഷേ, മോഹനന്‍ തന്റെ നിലപാടില്‍ ഉറച്ചുനിന്നു.

    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X