Don't Miss!
- Lifestyle ശരീരഭാരം കുറയും, ഹൃദയാരോഗ്യം മെച്ചപ്പെടും; ദിനവും വെളിച്ചെണ്ണ ഉപയോഗിച്ചാലുള്ള ഗുണങ്ങള്
- Automobiles ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- News നെല്ല് സംഭരണത്തിൽ കേന്ദ്രത്തിന്റെ തട്ടിപ്പുകൾ പുറത്തുവന്നു; മന്ത്രി എംബി രാജേഷ്
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
- Sports IPL 2024: ആരും തളരരുത്, ഡ്രസിങ് റൂമില് ഹാര്ദിക്കിന്റെ പ്രസംഗം; വീഡിയോ വൈറല്
യുവത്വത്തിന്റെ കഥയുമായി ഋതു
കണ്ടുപഴകിയ സുഹൃത് ബന്ധങ്ങളുടെ ക്ലീഷേകളെല്ലാം ചവറ്റുകുട്ടയിലെറിഞ്ഞാണ് സംവിധായകന് ഋതുവെന്ന ലളിത സുന്ദരമായ ടൈറ്റില് പുതിയ ചിത്രം അവതരിപ്പിയ്ക്കുന്നത്. ഐടി ലോകത്തിന്റെ വര്ണശബളമായ കാഴ്ചകളിലേക്ക് മാത്രമല്ല, ബന്ധങ്ങളുടെ കരുത്തിലേക്കും അവ ജീവിതത്തില് സൃഷ്ടിയ്ക്കുന്ന മാറ്റങ്ങളിലേക്കും സംവിധായകന് ആസ്വാദകരെ കൂട്ടിക്കൊണ്ടു പോകുന്നു.
ശരത്, വര്ഷ, സണ്ണി ഐടി പാര്ക്കിലെ നല്ല സുഹൃത്തുക്കള്. ഈ മേഖലയിലെ പുതിയ ചാഞ്ചാട്ടങ്ങള് യുവത്വത്തെയും പിടിച്ചുലയ്ക്കുന്ന കാലത്ത് ജീവത സാഹചര്യങ്ങളും ഋതുഭേദങ്ങള് പോലെ മാറും. ജീവിത്തിലെ മാറ്റങ്ങള് ഈ കൂട്ടുകാരുടെ ബന്ധങ്ങളിലും സൗഹൃദങ്ങളിലും എങ്ങനെ പ്രതിഫലിയ്ക്കുന്നുവെന്നതാണ് ഋതുവിലെ പ്രമേയം.
പൂനെ ഫിലിം ഇന്സിസ്റ്റിറ്റിയൂട്ട് വിദ്യാര്ത്ഥിയായ നിഷാന്, ടിവി അവതാകരനായ ആസിഫ് അലി, റീമ കല്ലിങ്കല് എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിയ്ക്കുന്നത്. ഏറെ അന്വേഷണങ്ങള്ക്ക് ശേഷമാണ് ശ്യാമപ്രസാദ് ഈ താരങ്ങളെ കണ്ടെത്തിയത്. ഇവര് മാത്രമല്ല സിനിമയിലെ മറ്റെല്ലാ അഭിനേതാക്കളും മറ്റു പ്രധാന സാങ്കേതിക പ്രവര്ത്തകരും പുതുമുഖങ്ങളാണ്. ഈ പുതിയ മുഖങ്ങളിലെ ഊര്ജ്ജസ്വലത ഋതുവിനും ഒരു ഫ്രെഷ്നസ്സ് നല്കുമെന്ന് ശ്യാമപ്രസാദ് കരുതുന്നു.
ട്രെന്ഡാകുമെന്ന് കരുതപ്പെടുന്ന ചിത്രത്തിലെ ആറു ഗാനങ്ങള് ഒരുക്കിയിരിക്കുന്നത് രാഹൂല്-റഫീക്ക് അഹമ്മദ് എന്നിവര് ചേര്ന്നാണ്. മാധ്യമ പ്രവര്ത്തകനായ ജോഷ്വാ ന്യൂട്ടന് ഋതുവിന്റെ തിരക്കഥയൊരുക്കി സിനിമയില് ചുവട് വെയ്ക്കുന്നു. ക്യാമറമാന് ഷാംദത്തും ഈ രംഗത്ത് പുതിയമ മുഖം തന്നെയാണ്. ഋതുവിന്റെ പ്രത്യേകതകള് ഇവിടെ തീരുന്നില്ല,
മമ്മൂട്ടിയുടെ നേതൃത്വത്തിലുള്ള പ്ലേ ഹൗസ് വിതരണരംഗത്ത് പ്രവേശിയ്ക്കുന്നതും ഋതുവിലൂടെയാണ്. സൂപ്പര് സ്റ്റാറുകള് പുതുമുഖങ്ങളുടെ വഴിമുടക്കികളാവുന്നുവെന്ന ആക്ഷേപത്തിനുള്ള താരത്തിന്റെ മറുപടി കൂടിയാണിത്. ബാംഗ്ലൂര് സ്വദേശിയായ വചന് ഷെട്ടി നിര്മ്മിയ്ക്കുന്ന ചിത്രം ജൂലായ് അവസാനത്തോടെ തിയറ്ററുകളിലെത്തിയ്ക്കാനാണ് ആലോചിയ്ക്കുന്നത്.