കസ്റ്റഡിയിലായ നടി ധന്യ സിനിമയില്‍ എത്തിയതും 'തിരുടി' ആയിട്ട് ; മമ്മൂട്ടി ചിത്രത്തിലെ യക്ഷി

തമിഴില്‍ തുടക്കം

തിരുടി എന്ന തമിഴ് ചിത്രത്തിലൂടെയാണ് ധന്യ സിനിമാ ലോകത്ത് എത്തിയത്. ചിത്രം അത്ര ശ്രദ്ധിയ്ക്കുപ്പെട്ടില്ല. പിന്നീട് വീരവും ഈറവും എന്ന തമിഴ് സിനിമയും ചെയ്തു. തുടര്‍ന്ന് നന്മ എന്ന ചിത്രത്തിലൂടെയാണ് മലയാളത്തിലെത്തിയത്.

തലപ്പാവ് ശ്രദ്ധിക്കപ്പെട്ടു

മധുപാല്‍ സംവിധാനം ചെയ്ത തലപ്പാവ് എന്ന ചിത്രത്തിലൂടെയാണ് ധന്യ മേരി വര്‍ഗ്ഗീസ് ശ്രദ്ധിക്കപ്പെട്ടത്. ലാലും പൃഥ്വിരാജും കേന്ദ്ര കഥാപാത്രങ്ങളായി എത്തിയ ചിത്രത്തില്‍ സാറമ്മ എന്ന പ്രധാന നായിക കഥാപാത്രത്തെയാണ് ധന്യ അവതരിപ്പിച്ചത്.

വൈരം മുതല്‍ പ്രണയം വരെ

തുടര്‍ന്ന് വൈരം മുതല്‍ പ്രണയം വരെ അഭിനയ സാധ്യതകളുള്ള കഥാപാത്രങ്ങളാണ് ധന്യയെ തേടിയെത്തിയത്. മമ്മൂട്ടിയ്‌ക്കൊപ്പം അഭിനയിച്ച ദ്രോണയിലെ സാവിത്രി എന്ന കഥാപാത്രം ഏറെ ശ്രദ്ധിക്കപ്പെട്ടു. കോളേജ് ഡെയ്‌സ്, കരയിലേക്കൊരു കടല്‍ദൂരം, വീട്ടിലേക്കുള്ള വഴി തുടങ്ങിയ ചിത്രങ്ങളൊക്കെ ധന്യയുടെ നേട്ടങ്ങളാണ്.

സീരിയല്‍

വിവാഹ ശേഷം ധന്യ സീരിയലിലൂടെ ഒരു മടങ്ങിവരവ് നടത്തി. മഴവില്‍ മനോരമയില്‍ സംപ്രേക്ഷണം ചെയ്യുന്ന ദൈവത്തിന്റെ സ്വന്തം ദേവൂട്ടി എന്ന സീരിയലില്‍ ടൈറ്റില്‍ റോളായ ദേവൂട്ടിയെ അവതരിപ്പിച്ചത് ധന്യയാണ്.