twitter
    For Quick Alerts
    ALLOW NOTIFICATIONS  
    For Daily Alerts

    ഫഹദ് നായകനാകുന്ന അന്‍വര്‍ റഷീദ് ചിത്രം, ആമി

    By Lakshmi
    |

    Fahad Fazil
    ഒട്ടേറെ കൊമേഴ്‌സ്യല്‍ ഹിറ്റുകളുടെ സംവിധായകനാണ് അന്‍വര്‍ റഷീദ്. രാജമാണിക്യം മുതല്‍ ഉസ്താദ് ഹോട്ടല്‍ വരെ ഈ കൊമേഴ്‌സ്യല്‍ ഹിറ്റുകളുടെ ഗണത്തില്‍പ്പെടുന്നു. ഇവയില്‍ നിന്നും ഏറെ വ്യത്യസ്തമായിരുന്നു കേരള കഫേയെന്ന ആന്തോളജിയില്‍ അന്‍വര്‍ ഒരുക്കിയ ബ്രിഡ്ജ് എന്ന ഹ്രസ്വചിത്രം. കേരള കഫേയിലെ ഏറ്റവും മികച്ച ചിത്രമെന്ന പേര് നേടിയതും ബ്രിഡ്ജ് തന്നെയായിരുന്നു.

    എല്ലാ സംരംഭങ്ങളും വിജയങ്ങളാക്കിമാറ്റിയ അന്‍വര്‍ റഷീദ് ഫഹദ് ഫാസിലിനെ നായകനാക്കി പുതിയ ചിത്രമൊരുക്കുകയാണ്. ആമിയെന്ന് പേരിട്ട ചിത്രത്തിന് അമല്‍ നീരദാണ് ക്യാമറ ചലിപ്പിക്കുന്നത്. ഹണി റോസ്, അഷ്മിത സൂദ് എന്നിവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ബ്രിഡ്ജ് പോലെതന്നെ ആമിയും ഹ്രസ്വചിത്രമാണ്. അഞ്ചു സുന്ദരികള്‍ എന്ന പുതിയ ആന്തോളജിയ്ക്കുവേണ്ടിയാണ് അരമണിക്കൂര്‍ ദൈര്‍ഘ്യത്തില്‍ ആമി ഒരുക്കുന്നത്.

    ആഷിക് അബുവിന്റെ ഗൗരി, ഷൈജു ഖാലിദിന്റെ സേതുലക്ഷ്മി, സമീര്‍ താഹിറിന്റെ ഇഷ. അമല്‍ നീരദിന്റെ കുള്ളന്റെ ഭാര്യ എന്നിവയാണ് ആന്തോളജിയിലെ മറ്റു ചിത്രങ്ങള്‍. പൃഥ്വിരാജിന്റെ ഓഗസ്റ്റ് സിനിമ വിതരണത്തിനെത്തിക്കുന്ന അഞ്ചു സുന്ദരികള്‍ ജൂണ്‍ 14ന് തീയേറ്ററുകളിലെത്തും.

    English summary
    Director Anwar Rasheed directing a short film for the new Anthology Anju Sundarikal
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X