ദിലീപിന് പാലക്കാടിനോട് ഒരു പ്രത്യേക ഇഷ്ടമുണ്ട്, സിനിമയ്ക്ക് പിന്നിലെ ഇഷ്ടത്തിന്റെ കഥ അറിയാം

തിളക്കമാര്‍ന്ന വിജയങ്ങള്‍

സല്ലാപം, മീശമാധവന്‍, തിളക്കം ഈ മൂന്നു ചിത്രങ്ങളുടെ മുക്കാല്‍ ഭാഗവും ഷൂട്ട് ചെയ്തത് പാലക്കാടാണ്. ഉറ്റസുഹൃത്തും പാലക്കാട്ടുകാരനുമായ ലാല്‍ജോസ് സംവിധാനം ചെയ്ത മീശമാധവന്‍ ദിലീപിന്റെ അഭിനയജീവിതത്തിലെ മികച്ച വിജയങ്ങളിലൊന്നാണ്.

പാലക്കാടും തിളക്കവും

ജയരാജ് സംവിധാനം ചെയ്ത തിളക്കത്തിന്റെ പ്രധാന ലൊക്കേഷന്‍ പാലക്കാടായിരുന്നു. മുണ്ടുരിഞ്ഞ് നടക്കുന്ന വട്ടന്‍ കഥാപാത്രമായ ഉണ്ണിയെ പ്രേക്ഷകര്‍ ഒന്നടങ്കം സ്വീകരിച്ചിരുന്നു. ചിത്രം ബോക്‌സോഫീസിലും ഹിറ്റായിരുന്നു.

ഗുരുവിന്റെ തട്ടകവും പാലക്കാടായിരുന്നു

ഗുരുസ്ഥാനീയനായ ലോഹിതദാസിന്റെ സ്വന്തം തട്ടകമായിരുന്നു പാലക്കാട്. അദ്ദേഹത്തിന്റെ തൂലികയില്‍ പിറന്ന സല്ലാപം തന്റെ അഭിനയ ജീവിതത്തിലെ പ്രധാന വഴിത്തിരിവാണെന്നും താരം ഓര്‍ക്കുന്നു. സല്ലാപത്തിന്റെ ലൊക്കേഷനും പാലക്കാട് ആയിരുന്നുവെന്നത് മറ്റൊരു യാദൃശ്ചികത.

സഹസംവിധായകനായതും പാലക്കാട് വെച്ച്

പൂക്കാലം വരവായി എന്ന സിനിമയുടെ ഷൂട്ടിങ്ങ് നടന്നുകൊണ്ടിരിക്കുന്നതിനിടയില്‍ കമലിനെ കാണാനായി ദിലീപ് പോയിരുന്നു. പാലക്കാടായിരുന്നു ചിത്രത്തിന്റെ ലൊക്കേഷന്‍. ആദ്യമായി സഹസംവിധായകനായി പ്രവര്‍ത്തിച്ച വിഷ്ണുലോകത്തിന്റെ ലൊക്കേഷന്‍ മലമ്പുഴയായിരുന്നു.