For Quick Alerts
ALLOW NOTIFICATIONS  
For Daily Alerts

മമ്മൂട്ടിക്കൊപ്പമുളള രണ്ട് ചിത്രങ്ങള്‍ മനസിലുണ്ടെന്ന് ഹരിഹരന്‍! മാമാങ്കം ഓഡിയോ ലോഞ്ചില്‍ പറഞ്ഞത്‌

|
Veteran director Hariharn planning a big budget movie with Mammootty | FIlmiBeat Malayalam

നിരവധി ഹിറ്റ് ചിത്രങ്ങളിലൂടെ മലയാളത്തിലെ മാസ്റ്റര്‍ ഡയറക്ടര്‍മാരില്‍ ഒരാളായ സംവിധായകനാണ് ഹരിഹരന്‍. ചരിത്ര സിനിമകളടക്കം അദ്ദേഹത്തിന്റെ സംവിധാനത്തില്‍ മലയാളത്തില്‍ പുറത്തിറങ്ങിയിരുന്നു. ഒരു വടക്കന്‍ വീരഗാഥ, പഴശ്ശിരാജ പോലുളള ചിത്രങ്ങള്‍ ഹരിഹരന്റെ സംവിധാന മികവ് കാണിച്ചുതന്ന സിനിമകളായിരുന്നു. രണ്ട് ചിത്രങ്ങളും മെഗാസ്റ്റാര്‍ മമ്മൂട്ടിയുടെ കരിയറില്‍ വലിയ വഴിത്തിരിവായി മാറി. ഒരു വടക്കന്‍ വീരഗാഥയിലൂടെയാണ് മമ്മൂട്ടിക്ക് ആദ്യമായി മികച്ച നടനുളള ദേശീയ പുരസ്‌കാരം ലഭിച്ചത്.

വടക്കന്‍ വീരഗാഥ പോലെ മമ്മൂട്ടി-ഹരിഹരന്‍ കൂട്ടുകെട്ടില്‍ ഒരുങ്ങിയ പഴശ്ശിരാജയും ഏറെ ശ്രദ്ധിക്കപ്പെട്ടു. ഒരിവേളയ്ക്ക് ശേഷം ഈ കൂട്ടുകെട്ട് വീണ്ടും മലയാളത്തില്‍ ഒന്നിക്കുമെന്ന് മുന്‍പ് റിപ്പോര്‍ട്ടുകള്‍ വന്നിരുന്നു. ജനപ്രിയ കൂട്ടുകെട്ടില്‍ ഒരു ബിഗ് ബഡ്ജറ്റ് ചിത്രം ഉടന്‍ വരുമെന്നായിരുന്നു റിപ്പോര്‍ട്ടുകള്‍ വന്നത്. കഴിഞ്ഞ ദിവസം നടന്ന മാമാങ്കം ഓഡിയോ ലോഞ്ചില്‍ മെഗാസ്റ്റാറിനൊപ്പമുളള സിനിമയെക്കുറിച്ച് ഹരിഹരന്‍ വീണ്ടും സുചനകള്‍ തന്നിരുന്നു.

മമ്മൂട്ടിക്കൊപ്പം രണ്ട് ചിത്രങ്ങള്‍ മനസിലുണ്ടെന്നാണ് അദ്ദേഹം ബ്രഹ്മാണ്ഡ ചിത്രത്തിന്റെ ഓഡിയോ ലോഞ്ച് ചടങ്ങിനിടെ വ്യക്തമാക്കിയത്. എന്നാല്‍ ഇത് ചരിത്ര സിനിമയാണെന്ന കാര്യത്തില്‍ സ്ഥിരീകരണം ഒന്നും ഉണ്ടായിട്ടില്ല. മാമാങ്കം ചടങ്ങില്‍ മമ്മൂട്ടിയെക്കുറിച്ച് സംസാരിക്കുന്നതിനിടെയാണ് പുതിയ സിനിമകളെക്കുറിച്ച് ഹരിഹരന്‍ തുറന്നുപറഞ്ഞത്. കഴിഞ്ഞ വര്‍ഷം 75 കോടി രൂപ മുതല്‍മുടക്കില്‍ ഒരു ചിത്രം മമ്മൂട്ടിയെ വെച്ച് സംവിധായകന്‍ പ്ലാന്‍ ചെയ്യുന്നതായി റിപ്പോര്‍ട്ടുകള്‍ വന്നിരുന്നു.

എംടി വാസുദേവന്‍ നായരുടെ തിരക്കഥയിലാണ് സിനിമ വരികയെന്നും റിപ്പോര്‍ട്ടുകളുണ്ടായിരുന്നു. ലിബര്‍ട്ടി ബഷീറിന്റെ നിര്‍മ്മാണത്തിലാണ് ചിത്രം ഒരുങ്ങുകയെന്നും സ്ഥിരീകരിക്കാത്ത റിപ്പോര്‍ട്ടുകള്‍ വന്നു. അതേസമയം സിനിമയെക്കുറിച്ച് ഹരിഹരന്‍ തന്നെ ഉടന്‍ അറിയിക്കുമെന്നാണ് എല്ലാവരും പ്രതീക്ഷിക്കുന്നത്. വടക്കന്‍ വീരഗാഥ, പഴശ്ശിരാജ ലെവലില്‍ നില്‍ക്കുന്ന ഒരു ചിത്രം തന്നെയാണ് ഇത്തവണയും മെഗാസ്റ്റാര്‍ ആരാധകര്‍ പ്രതീക്ഷിക്കുന്നത്.

മാമാങ്കത്തിന്റെ ഓഡിയോ ലോഞ്ചില്‍ മുഖ്യാതിഥിയായിട്ടാണ് ഹരിഹരന്‍ പങ്കെടുത്തത്. മമ്മൂട്ടിയാണ് സംവിധായകനെ പൊന്നാട അണിയിച്ച് ആദരിച്ചത്. തന്നെ അണിയിച്ച പൊന്നാട ശിഷ്യനും മാമാങ്കത്തിന്റെ സംവിധായകനുമായ എം പദ്കുമാറിനെ ഹരിഹരന്‍ അണിയിച്ചിരുന്നു. മലയാളത്തില്‍ 2013ല്‍ പുറത്തിറങ്ങിയ ഏഴാമത്തെ വരവ് എന്ന ചിത്രമായിരുന്നു ഹരിഹരന്‍ ഒടുവില്‍ സംവിധാനം ചെയ്തിരുന്നത്.

മാമാങ്കത്തിലേക്ക് വിളിച്ചപ്പോള്‍ ആകെ ഉണ്ടായിരുന്ന ആശങ്ക വസ്ത്രങ്ങളെക്കുറിച്ച്! അനു സിത്താര

എംടി വാസുദേവന്‍ നായരുടെ തിരക്കഥയില്‍ തന്നെയായിരുന്നു ചിത്രം ഒരുങ്ങിയത്. എന്നാല്‍ സിനിമ വേണ്ടത്ര രീതിയില്‍ ശ്രദ്ധിക്കപ്പെട്ടിരുന്നില്ല. ബോക്‌സോഫീസിലും വലിയ ചലനമുണ്ടാക്കാന്‍ സിനിമയ്ക്ക് സാധിച്ചില്ല. പഴശ്ശിരാജയുടെ വമ്പന്‍ വിജയത്തിന് പിന്നാലെയാണ് ഹരിഹരന്‍ ഈ ചിത്രം സംവിധാനം ചെയ്തിരുന്നത്. പഴശ്ശിരാജ ബോക്‌സോഫീസില്‍ വലിയ നേട്ടമുണ്ടാക്കിയ സിനിമകളിലൊന്നായിരുന്നു.

മാമാങ്കം റിലീസിന് മുന്‍പ് തനിക്ക് ബ്രേക്ക് നല്‍കിയ സിനിമ! ബ്രഹ്മാണ്ഡ ചിത്രത്തെക്കുറിച്ച് മണികണ്ഠന്‍

Read more about: mammootty hariharan
English summary
Director Hariharan Says About Mammootty And New Projects
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more