അന്താരാഷ്ട്ര വേദികളില്‍ മോഹന്‍ലാലിനെയും മമ്മൂട്ടിയെയും ആര്‍ക്കും അറിയില്ല.. സംവിധായകന്‍റെ മറുപടി

ഇനിഷ്യല്‍ ഡിസക്ഷനാണ് നടന്നത്

സിനിമയുമായി ബന്ധപ്പെട്ട ഇനിഷ്യല്‍ ചര്‍ച്ചകളാണ് നടത്തിയത്. മറ്റ് പ്രൊജക്ടുകളുമായി ബന്ധപ്പെട്ട തിരക്കിനിടയിലാണ് ഇത്തരമൊരു ചര്‍ച്ച നടത്തിയതെന്നും സംവിധായകന്‍ പറയുന്നു. ഗൗരവകരമായ ചര്‍ച്ചയൊന്നും ഇതുവരെയും നടത്തിയിട്ടില്ല.

ആരഭിനയിച്ചാലും പ്രശ്‌നമില്ല

തന്റെ സിനിമകള്‍ അന്താരാഷ്ട്ര വേദികളിലാണ് കൂടുതലായും പ്രദര്‍ശിപ്പിക്കാറുള്ളത്. അതുകൊണ്ട് തന്നെ സിനിമയില്‍ ആരഭിനയിച്ചാലും പ്രശ്‌നമില്ല. സിനിമയുടെ ക്വാളിറ്റിക്കാണ് പ്രാധാന്യം നല്‍കുന്നത്.

മോഹന്‍ലാലിനെയും മമ്മൂട്ടിയേയും അറിയില്ല

അന്താരാഷ്ട്ര വേദികളില്‍ പ്രദര്‍ശനം കാണാനെത്തുന്ന പ്രേക്ഷകര്‍ക്ക് മോഹന്‍ലാലിനെയും മമ്മൂട്ടിയേയും അറിയില്ലെന്നും അദ്ദേഹം വ്യക്തമാക്കുന്നു. താരനിര്‍ണ്ണയത്തിനും അപ്പുറത്ത് സിനിമയുടെ ക്വാളിറ്റിക്കാണ് പ്രാധാന്യം നല്‍കാറുള്ളത്.

മോഹന്‍ലാല്‍ അഭിനയിച്ചാല്‍

തന്റെ ചിത്രങ്ങളില്‍ മോഹന്‍ലാല്‍ അഭിനയിച്ചുവെന്നത് കൊണ്ട് കേരളത്തില്‍ മൈലേജുണ്ടാകുമെന്നല്ലാതെ മറ്റൊന്നും സംഭവിക്കാന്‍ സാധ്യതയില്ലെന്നും അദ്ദേഹം പറയുന്നു.

മോഹന്‍ലാലിനെ സമീപിക്കുമോ?

മോഹന്‍ലാലിനെ നായകനാക്കി ഇനി ഒരു സിനിമയെടുക്കുമോയെന്നതിനെക്കുറിച്ച് ചോദിച്ചപ്പോള്‍ അദ്ദേഹത്തിന് താല്‍പര്യം ഉണ്ടെങ്കില്‍ അഭിനയിക്കാം എന്നല്ലാതെ തനിക്ക് വലിയ താല്‍പര്യമൊന്നും ഇല്ലെന്നായിരുന്നു സംവിധായകന്റെ പ്രതികരണം.