ദുല്‍ക്കറിലൂടെ പ്രാഞ്ചിയേട്ടന്‍ വീണ്ടും സ്ക്രീനിലെത്തുമോ ?

ആദ്യമായി സത്യന്‍ അന്തിക്കാടിനൊപ്പം

ദുല്‍ക്കര്‍ നായകനാകുന്ന സത്യന്‍ അന്തിക്കാട് ചിത്രത്തിന്റെ ഷൂട്ടിങ് തൃശൂരിലും പരിസരപ്രദേശങ്ങളിലും ആരംഭിച്ചു കഴിഞ്ഞു. പണക്കാരനായ ഒരു വ്യവസായിയുടെ മകന്റെ റോളാണ് ദുല്‍ക്കറിന് ഈ ചിത്രത്തില്‍. ഒരു പക്കാ തൃശൂക്കാരനാണ് ദുല്‍ക്കറെത്തുന്നത്.

ആദ്യചിത്രം

ദുല്‍ക്കറും നടന്‍ മുകേഷുമൊത്തുളള ആദ്യ ചിത്രം കൂടിയാണിത്. ചിത്രത്തില്‍ ദുല്‍ക്കറിന്റെ അച്ഛനായി അഭിനയിക്കുന്നത് മുകേഷാണ്.

നായിക

അനുപമ പരമേശ്വരനാണ് ചിത്രത്തിലെ നായിക. നായിക തൃശൂര്‍ക്കാരിയാവണമെന്നു നിര്‍ബന്ധമുളളതിനാലാണത്രേ അനുപമയെ തിരഞ്ഞെടുത്തത്. ചിത്രത്തിലെ നായികയാവാമോ എന്നു സത്യന്‍ അന്തിക്കാട് ചോദിച്ചപ്പോള്‍ താന്‍ രണ്ടാമതൊന്നു ആലോചിക്കാതെ യെസ് പറയുകയായിരുന്നെന്നാണ് നടി പറയുന്നത്.

തൃശൂര്‍

പ്രാഞ്ചിയേട്ടന്‍ ആന്റ് ദി സെയ്ന്റ് എന്ന ചിത്രത്തിലൂടെ നടന്‍ മമ്മുട്ടി അനശ്വരമാക്കിയ തൃശൂര്‍ക്കാരന്‍ പ്രാഞ്ചിയേട്ടന്‍ ദുല്‍ക്കറിലൂടെ വീണ്ടും സ്ക്രീനിലെത്തുമോ എന്നാണ് പ്രേക്ഷകര്‍ ഉറ്റുനോക്കുന്നത്.