Don't Miss!
- News ഹോർലിക്സ് ഇനി 'ഹെൽത്ത് ഡ്രിങ്കല്ല'; ഹെൽത്ത് ലേബൽ ഒഴിവാക്കി, മാറ്റംവരുത്തി ഹിന്ദുസ്ഥാൻ യുണിലിവർ
- Automobiles ഐപിഎല് ശമ്പളം 16 കോടി, ബിസിസിഐ നല്കുന്നത് 7 കോടി; എന്നിട്ടും രോഹിത് ശര്മ കറങ്ങുന്നത് മാരുതി കാറില്
- Lifestyle വിട്ടുമാറാതെ രോഗം അലട്ടുന്നോ, കുടുംബത്തില് വാസ്തുദോഷമുണ്ടാവാം
- Finance 7000 രൂപ നിക്ഷേപിക്കാനുണ്ടോ? 12 ലക്ഷം റിട്ടേൺസ് നേടാം, കൂടുതൽ അറിയാം...
- Sports T20 World Cup 2024: ഹാര്ദിക് വേണ്ട! പകരം ദുബെ, സഞ്ജു ടീമില്; ഇതാ ഭാജിയുടെ 15 അംഗ സ്ക്വാഡ്
- Technology മറന്ന WIFI പാസ്സ്വേഡ് ഇവിടെ തപ്പിയാൽ മതി! ഈ വിദ്യ ഒന്ന് പരീക്ഷിച്ച് നോക്കൂ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഭാവനയുടെ വിവാഹത്തിന് തന്നെ ക്ഷണിക്കാത്തതിന്റെ കാരണം അറിയില്ല, അതില് പരാതി ഇല്ല എന്ന് ഇന്നസെന്റ്
Recommended Video
താരസമ്പന്നമായിരുന്നു ഭാവനയുടെ വിവാഹം എന്ന് പറയാന് കഴിയില്ല. എന്നാല് ഭാവനയുടെ സുഹത്തുക്കളാല് സമ്പന്നമായിരുന്നു. മലയാള സിനിമയിലെ സ്ത്രീ സൗഹൃദങ്ങളുടെ ശക്തി കാണിച്ചു തന്ന വിവാഹത്തില് പലരെയും ക്ഷണിച്ചിട്ടില്ല എന്നാണ് പുറത്തുവരുന്ന വാര്ത്തകള്.
താരസംഘടനയായ അമ്മയുടെ പ്രസിഡന്റും എംപിയുമായ ഇന്നസെന്റിന് വിവാഹത്തില് ക്ഷണം ലഭിച്ചിട്ടില്ല എന്ന് ഔദ്യോഗികമായി സ്ഥിരീകരിച്ചുകഴിഞ്ഞു. ഇന്നസെന്റ് തന്നെയാണ് ഇക്കാര്യം സ്ഥിരീകരിച്ചത്.
പരിഭവമില്ല
വിവാഹത്തിന് തന്നെ ക്ഷണിക്കാത്തതില് പരാതിയോ പരിഭവമോ ഇല്ലെന്നും, ക്ഷണിക്കാത്തതില് പ്രത്യേക കാരണങ്ങള് ഉണ്ടോ എന്ന് അറിയില്ല എന്നും ഇന്നസെന്റ് പറഞ്ഞു.
അമ്മയ്ക്ക് ക്ഷണമില്ല
താരസംഘടനയായ അമ്മയിലെ മുതിര്ന്ന ഭാരവാഹികള്ക്കൊന്നും ക്ഷണം ലഭിച്ചില്ല എന്ന റിപ്പോര്ട്ടുണ്ടായിരുന്നു. മുകേഷ്, ഇടവേള ബാബു, ദേവന്, ഗണേഷ് കുമാര് എന്നിവരൊന്നും വിവാഹത്തിന് എത്തിയിട്ടില്ല.
മമ്മൂട്ടി വന്നു
അമ്മയിലെ ഭാരവാഹികളായ മമ്മൂട്ടിയ്ക്കും മോഹന്ലാലിനും മാത്രമാണ് വിവാഹത്തില് ക്ഷണമുണ്ടായതത്രെ. ലുലു കണ്വെന്ഷന് സെന്ററില് വച്ച് നടന്ന റിസപ്ഷനില് മമ്മൂട്ടി വന്നിരുന്നു. വന്ന് നിമിഷങ്ങള്ക്കകം മടങ്ങുകയും ചെയ്തു.
മോഹന്ലാല് ഇല്ല
ക്ഷണമുണ്ടായിരുന്നെങ്കിലും മോഹന്ലാലിന് വിവാഹത്തില് പങ്കെടുക്കാന് കഴിഞ്ഞില്ല. പുതിയ ചിത്രത്തിന്റെ ഷൂട്ടിങ് തിരക്കുമായി മുംബൈയിലാണ് താരം.
സിദ്ധിഖ് വന്നു
ക്ഷണിച്ചില്ലെങ്കിലും അമ്മ എക്സിക്യുട്ടീവ് കമ്മിറ്റി അംഗവും നടനുമായ സിദ്ധിഖ് രാവിലെ ജവഹര് കണ്വെന്ഷന് സെന്ററില് വച്ചു നടന്ന ചടങ്ങില് പങ്കെടുത്തിരുന്നു. ചെറുപ്പം മുതലേ കാണുന്ന കുട്ടിയാണെന്നാണ് സിദ്ധിഖ് മാധ്യമങ്ങളോട് പ്രതികരിച്ചത്.
വന്ന പ്രമുഖര്
ജയറാം, പൃഥ്വിരാജ്, ജയസൂര്യ, ബിജു മേനോന്, അജു വര്ഗ്ഗീസ്, ഇന്ദ്രജിത്ത് തുടങ്ങിയ മുന്നിര താരങ്ങളൊക്കെ വിവാഹ ശേഷം നടന്ന റിസപ്ഷനില് പങ്കെടുത്തിരുന്നു.
കൂട്ടുകാരികളുടെ ആഘോഷം
ഭാവനയുടെ വിവാഹം ആഘോഷമാക്കി മാറ്റിയത് നടിയുടെ കൂട്ടുകാരികളാണ്. രമ്യ നമ്പീശന്, മഞ്ജു വാര്യര്, നവ്യ നായര്, സയനോര, ഷഫ്ന, മൃദുല മുരളി, ശില്പ ബാല, ശ്രിത ശിവദാസ് തുടങ്ങിയവരൊക്കെ ആദ്യാവസാനം വരെ ഭാവനയ്ക്കൊപ്പമുണ്ടായിരുന്നു.