Don't Miss!
- News ഭാരത് അരി പാക്കറ്റില് ബിജെപി സ്ഥാനാര്ഥിയുടെ ചിത്രം; പരാതി നൽകി സിപിഎം
- Lifestyle അധികം മിനക്കെടാതെ ഹോട്ടല് സ്റ്റൈല് മഷ്റൂം പെപ്പര് ഫ്രൈ
- Automobiles പാവങ്ങളുടെ ലംബോർഗിനി ആവാനുള്ള യുദ്ധം ടാറ്റയും സിട്രണും തമ്മിൽ; ഇതിൽ മിടുക്കൻ ആരെന്ന് അറിയാം
- Technology പുതുമോടിക്ക് ഇരട്ടി മധുരം, ലോഞ്ചിന് ശേഷം ആദ്യമായി വൺപ്ലസ് 12ന് വില കുറഞ്ഞ മഹത്തായ ദിനം!
- Sports IPL 2024: വാശി കേറാന് കോലിയ്ക്ക് കെകെആര് ഡഗ്ഗൗട്ടിലേക്ക് നോക്കിയാ മതി; ഗംഭീറിനെ കുത്തി മുന് കെകെആര് താരം
- Finance 1 വർഷം കൊണ്ട് 50% അധികം നേട്ടം, 10,000 രൂപയുടെ എസ്ഐപി 1.5 ലക്ഷം രൂപയായി, വിശദമായി അറിയാം
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
ജനനിയുടെ ഭാഗ്യം തെളിഞ്ഞു
മലയാളത്തിലെ പുത്തന് നായികമാരില് മുന്നിരയിലേയ്ക്കെത്തുകയാണ് ജനനി അയ്യര്. സുഗീത് സംവിധാനം ചെയ്ത ത്രീഡോട്സ് എന്ന ചിത്രത്തിലൂടെ കുഞ്ചാക്കോ ബോബന്റെ നായികയായി അരങ്ങേറ്റം കുറിച്ച ജനനിയുടെ ആദ്യചിത്രം പക്ഷേ വേണ്ടത്ര ശ്രദ്ധിക്കപ്പെട്ടിരുന്നില്ല. എന്നാല് പിന്നീട് ജനനിയുടെ നക്ഷത്രം തെളിയുകയായിരുന്നു.
മോഡലിങ്ങിലൂടെയാണ് ജനനി സിനിമയില് എത്തുന്നത്. സിനിമയിലെത്തുന്നതിന് മുമ്പേ നൂറ്റമ്പതോളം പരസ്യചിത്രങ്ങളില് അഭിനയിച്ചിട്ടുള്ള ജനനി ആദ്യമായി അഭിനയിച്ച ചിത്രം അവന് ഇവന് ആണ്. സംവിധായകന് ബാലയാണ് അവന് ഇവനിലൂടെ ജനനിയെ നായികയായി അവതരിപ്പിച്ചത്. അതിന് മുമ്പ് മോഡലിങ്ങില് സജീവമായ സമയത്ത് തിരു തിരു തുരു തുരു എന്ന ചിത്രത്തിലും വിണ്ണൈതാണ്ടി വരുവായാ എന്ന ചിത്രത്തിലും ജനനി അതിഥിതാരമായി എത്തിയിരുന്നു.
മലയാളത്തില് ഇപ്പോള് മുന്നിര സംവിധായകരുടെയും മുന്നിര നടന്മാരുടെയും കൂടെയാണ് ജനനി പുതിയ ചിത്രങ്ങളില് അഭിനയിക്കുന്നത്. 2014ല് ജനനി അഭിനയിച്ച് പുറത്തിറങ്ങാന് പോകുന്ന ഒട്ടേറെ ചിത്രങ്ങളുണ്ട്.
ജനനിയുടെ ഭാഗ്യം തെളിഞ്ഞു
അവന് ഇവനില് നിഷ്കളങ്കയായ ഒരു പോലീസ് കോണ്സ്റ്റബിളിന്റെ വേഷത്തിലാണ് ജനനി അഭിനയിച്ചത്.
ജനനിയുടെ ഭാഗ്യം തെളിഞ്ഞു
സുഗീത് സംവിധാനം ചെയ്ത ത്രീഡോട്സ് എന്ന ചിത്രത്തില് നഴ്സറി ടീച്ചറുടെ വേഷത്തിലാണ് ജനനി അഭിനയിച്ചത്. ചിത്രത്തില് കുഞ്ചാക്കോ ബോബനായിരുന്നു ജനനിയുടെ നായകന്.
ജനനിയുടെ ഭാഗ്യം തെളിഞ്ഞു
മോഹന്ലാല് വേഷമിടുന്ന ശ്രീനാഥ് രാജേന്ദ്രന്റെ കൂതറയെന്ന ചിത്രത്തിലെ ഒരു നായിക ജനനിയാണ്. ചിത്രത്തില് ഒരു പരമ്പരാഗത മുസ്ലീം കുടുംബത്തിലെ പെണ്കുട്ടിയുടെ വേഷമാണ് ജനനിയ്ക്ക്.
ജനനിയുടെ ഭാഗ്യം തെളിഞ്ഞു
നിവിന് പോളി നായകനാകുന്ന എഡിസണ് ഫോട്ടോസ് എന്ന ചിത്രത്തിലും ജനനിതന്നെയാണ് നായികയാകുന്നത്. ചിത്രത്തില് ഒരു തുളു ബ്രാഹ്മണയുവതിയുടെ വേഷത്തിലാണ് ജനനി എത്തുക.
ജനനിയുടെ ഭാഗ്യം തെളിഞ്ഞു
പൃഥ്വിരാജ് ഐപിഎസ് ഓഫീസറായി വേഷമിടുന്ന പുതിയ ചിത്രമായ സെവന്ത് ഡേയിലും ജനനി ശക്തമായ ഒരു കഥാപാത്രത്തെ അവതരിപ്പിക്കുന്നുണ്ട്.
ജനനിയുടെ ഭാഗ്യം തെളിഞ്ഞു
ആസിഫ് അലി, സണ്ണി വെയ്ന് എന്നിവര് പ്രധാന വേഷത്തില് എത്തുന്ന മോസയിലെ കുതിരമീനുകള് എന്ന ചിത്രത്തിലേയ്ക്കും ജനനി കരാറായിക്കഴിഞ്ഞു. ഈ ചിത്രത്തില് ഒരു പോസ്റ്റ് വുമണിന്റെ വേഷമാണ് താരത്തിന്
ജനനിയുടെ ഭാഗ്യം തെളിഞ്ഞു
തമിഴിലും ജനനി പല പുതിയ ചിത്രങ്ങളിലും അഭിനയിക്കുന്നുണ്ട്. തമിഴ് സംസാരിക്കുന്ന നായികയെന്നതുതന്നെയാണ് തമിഴകത്ത് ജനനിയ്ക്ക് ലഭിയ്ക്കുന്ന പ്രാധാന്യത്തിന് കാരണം. അന്യഭാഷാ നടിമാരുടെ തള്ളിക്കയറ്റമുള്ള തമിഴില് സ്വന്തം ഡബ്ബ് ചെയ്യാന് കഴിയുകയെന്നത് ജനനിയുടെ പ്ലസ് പോയിന്റാണ്.
ജനനിയുടെ ഭാഗ്യം തെളിഞ്ഞു
മലയാളത്തില് കരാര് ഒപ്പുവച്ചിരിക്കുന്ന ഓരോ തരത്തിലും വൈവിധ്യമുള്ള വേഷങ്ങളാണ് ജനനിയ്ക്ക് ലഭിച്ചിരിക്കുന്നത്.