കലിപ്പ് ലുക്കില്‍ ജയസൂര്യയുടെ തൃശ്ശൂര്‍ പൂരം ഫസ്റ്റ്‌ലുക്ക്! വൈറലായി ആദ്യ പോസ്റ്റര്‍

ജയസൂര്യയുടെ പിറന്നാളിന് നടന്റെ എറ്റവും പുതിയ ചിത്രമായ തൃശ്ശൂര്‍ പൂരത്തിന്റെ ഫസ്റ്റ്‌ലുക്ക് പോസ്റ്റര്‍ പുറത്തിറങ്ങിയിരുന്നു. ഫസ്റ്റ്‌ലുക്കില്‍ കലിപ്പ് ലുക്കിലാണ് ജയസൂര്യയെ കാണിച്ചിരിക്കുന്നത്. ഒരു മാസ് ചിത്രമാണെന്ന സൂചനകള്‍ നല്‍കികൊണ്ടാണ് തൃശ്ശൂര്‍ പൂരത്തിന്റെ ആദ്യ പോസ്റ്റര്‍ പുറത്തുവന്നിരിക്കുന്നത്. ഫ്രൈഡേ ഫിലിം ഹൗസിന്റെ ബാനറില്‍ വിജയ് ബാബുവാണ് ചിത്രം നിര്‍മ്മിക്കുന്നത്.

പുളളു ഗിരി എന്ന കഥാപാത്രത്തെയാണ് ചിത്രത്തില്‍ ജയസൂര്യ അവതരിപ്പിക്കുന്നതെന്ന് അണിയറക്കാര്‍ അറിയിച്ചിരുന്നു.പിറന്നാള്‍ ദിനത്തില്‍ ജയസൂര്യയ്ക്ക് ആശംസകള്‍ അറിയിച്ച് നിര്‍മ്മാതാവായ വിജയ് ബാബുവാണ് തൃശ്ശൂര്‍ പൂരത്തിന്റെ ഫസ്റ്റ്‌ലുുക്ക് പോസ്റ്റര്‍ പുറത്തുവിട്ടിരുന്നത്. ജയസൂര്യയുടെ 41ാം പിറന്നാള്‍ ദിവസം കൂടിയാണ് ഇന്ന്.

ഞാന്‍ മേരിക്കുട്ടി, പ്രേതം 2 തുടങ്ങിയ സിനിമകള്‍ക്ക് ശേഷമാണ് ജയസൂര്യയുടെ പുതിയ പടമെടുത്തുന്നത്. ഇക്കഴിഞ്ഞ തൃശ്ശൂര്‍ പൂരത്തിന്റെ അന്നായിരുന്നു ജയസൂര്യ ചിത്രത്തിന്റെ പ്രഖ്യാപനമുണ്ടായത്. പൂരത്തിനിടെയുളള സിനിമയുടെ പ്രഖ്യാപനം വാര്‍ത്തകളില്‍ ഇടം നേടുകയും ചെയ്തിരുന്നു. തൃശ്ശൂരിന്റെ ജീവിതവുമായി ബന്ധപ്പെട്ട തൃശ്ശൂര്‍ പൂരത്തിന്റെ എല്ലാ ഭാവങ്ങളും പറയുന്ന ഒരു സിനിമയാവും തൃശ്ശൂര്‍ പൂരം എന്നാണ് അറിയുന്നത്.

ഓണത്തിന് പൊളിച്ചടുക്കാന്‍ പൃഥ്വിരാജിന്റെ ബ്രദേഴ്‌സ്‌ഡേ! യു/എ സര്‍ട്ടിഫിക്കറ്റ് നേടി ചിത്രം

ജൂണിന്റെ വിജയത്തിന് ശേഷമാണ് ഫ്രൈഡേ ഫിലിം ഹൗസിന്റെ പുതിയ ചിത്രം എത്തുന്നത്. തൃശ്ശൂര്‍ പൂരത്തിന് പുറമെ ഫിലിപ്പ് ആന്‍ഡ് ദി മങ്കിപ്പെന്‍, ആട് ഒരു ഭീകരജീവിയാണ് ,ആട് 2 തുടങ്ങിയ സിനിമകളാണ് ജയസൂര്യയെ നായകനാക്കി മുന്‍പ് ഫ്രൈഡേ ഫിലിം ഹൗസ് നിര്‍മ്മിച്ചിരുന്ന ചിത്രങ്ങള്‍. നവാഗതനായ രാജേഷ് മോഹനാണ് ജയസൂര്യയുടെ തൃശ്ശൂര്‍ പൂരം സംവിധാനം ചെയ്യുന്നത്.

സാഹോ ബഡ്ജറ്റ് 350 കോടിയെങ്കില്‍ രാജമൗലി ചിത്രം 400 കോടി! ബ്രഹ്മാണ്ഡ ചിത്രം വീണ്ടും തുടങ്ങി

സംഗീത സംവിധായകനായ രതീഷ് വേഗയാണ് സിനിമയുടെ തിരക്കഥ,സംഭാഷണം നിര്‍വ്വഹിച്ചിരിക്കുന്നത്. സിനിമയുടെ ഷൂട്ടിംഗ് നിലവില്‍ പുരോഗമിച്ചുകൊണ്ടിരിക്കുകയാണ്. തൃശ്ശൂര്‍ പൂരത്തിന് പുറമെ ടര്‍ബോ പീറ്റര്‍, വെള്ളം, അന്വേഷണം, സത്യന്‍ ബയോപിക്ക്, വിനയന്‍ ചിത്രം, ആട് 3, പൂഴിക്കടകന്‍, രാമസേതു തുടങ്ങിയ ചിത്രങ്ങളും ജയസൂര്യയുടെതായി അണിയറയില്‍ ഒരുങ്ങുന്ന സിനിമകളാണ്.