Don't Miss!
- Lifestyle ചാണക്യനീതി: ദൈവം സൃഷ്ടിച്ചത് വെറുതേയല്ല; പക്ഷികളില് നിന്ന് മനുഷ്യന് പഠിക്കേണ്ട 3 ഗുണങ്ങള്
- Automobiles 2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ വീഡിയോ റിവ്യൂ കാണാം
- News യുപിയില് തരംഗം സൃഷ്ടിക്കാന് കോണ്ഗ്രസ്; രാഹുലും പ്രിയങ്കയും മല്സരിച്ചേക്കും, അയോധ്യ സന്ദര്ശിക്കുമോ?
- Sports IPL 2024: മുംബൈ ശക്തരായ ടീം, പക്ഷെ ഇത് പേപ്പറില് മാത്രമാണ്! പരിഹസിച്ച് എബിഡി
- Technology ഏത് വിലയിലും കിടിലൻ സ്മാർട്ട്ഫോൺ റെഡി! 11 വിലകളിൽ ഫോണുമായി ഐക്യൂ Z9 സീരീസ് ലോഞ്ച് ചെയ്തു
- Finance 260 ശതമാനം ലാഭം, നിക്ഷേപകരുടെ ഹൃദയം കവർന്ന കെമിക്കൽ ഓഹരി, നിങ്ങളുടെ കയ്യിലുണ്ടോ..?
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
വില്ലന്റെ അത്ഭുതങ്ങള് അവസാനിക്കുന്നില്ല? റിലീസിന് മുമ്പേ മറ്റൊരു റെക്കോര്ഡ്... മലയാളത്തില് ആദ്യം!
മലയാള സിനിമയെ പുതിയൊരു തലത്തിലേക്ക് എത്തിച്ച ചിത്രമായിരുന്നു മോഹന്ലാല് നായകനായി എത്തിയ പുലിമുരുകന്. ഒരു മലയാള സിനിമയ്ക്ക് അപ്രാപ്യമെന്ന് കരുതിയിരുന്ന കളക്ഷന് നേട്ടങ്ങള് ചിത്രം സ്വന്തമാക്കി മലയാള സിനിമയുടെ ചരിത്രത്തിലേക്ക് നടന്നു കയറി. 100 കോടി, 150 കോടി, എന്നീ വന് കളക്ഷന് നേട്ടങ്ങള് ആദ്യ പിന്നിട്ട ചിത്രമായിരുന്നു പുലിമുരുകന്.
അതിന് ശേഷം പ്രേക്ഷകര് ഏറ്റവും ആകാംഷയോടെ കാത്തിരിക്കുന്ന ചിത്രമാണ് ബി ഉണ്ണികൃഷ്ണന്റെ സംവിധാനത്തില് മോഹന്ലാല് നായകനായി എത്തുന്ന വില്ലന്. ഒരു ക്രൈം ത്രില്ലറാണ് ചിത്രം. മാത്യൂസ് മാഞ്ഞൂരാന് എന്ന റിട്ടയേര്ഡ് പോലീസ് ഓഫീസറുടെ വേഷത്തിലാണ് മോഹന്ലാല് ചിത്രത്തിലെത്തുന്നത്.
തുടക്കത്തിലേ റെക്കോര്ഡ്
വില്ലന്റെ ചിത്രീകരണം ആരംഭിച്ചത് തന്നെ സാങ്കേതിക വിദ്യയിലെ ഒരു പുതുമയുമായിട്ടായിരുന്നു. 8k റെസലൂഷനില് പൂര്ണമായും ചിത്രീകരിക്കുന്ന ആദ്യ സിനിമയെന്ന റെക്കോര്ഡ് നേട്ടത്തോടെയായിരുന്നു തിുവനന്തപുരത്ത് വില്ലന്റെ ചിത്രീകരണം ആരംഭിച്ചത്.
പുതിയ റെക്കോര്ഡ് സംഗീതത്തിന്
വില്ലന്റെ മ്യൂസിക്കാണ് ഇപ്പോള് പുതിയ റെക്കോര്ഡിന് കാരണമായിരിക്കുന്നത്. ഒപ്പം എന്ന പ്രിയദര്ശന് ചിത്രത്തിന് സംഗീതമൊരുക്കിയ ഫോര് മ്യൂസിക്സാണ് വില്ലനും സംഗീതമൊരുക്കിയിരിക്കുന്നത്. ചിത്രത്തെ ഓഡിയോ അവകാശം ജംഗ്ലി മ്യൂസിക് കമ്പനി സ്വന്തമാക്കിയിരിക്കുന്നത് റെക്കോര്ഡ് തുകയ്ക്കാണെന്നാണ് റിപ്പോര്ട്ട്.
മലയാളത്തില് ആദ്യം
മലയാളികള്ത്ത് അത്ര സുപരിചിതമായ പേരല്ല ജംഗ്ലി മ്യൂസിക് കമ്പനി. ഇന്ത്യയിലെ പ്രമുഖ മ്യൂസിക് കമ്പനികളില് ഒന്നാണ് ജംഗ്ലി മ്യൂസിക് കമ്പനി. ഇവര് ആദ്യമായാണ് ഒരു മലയാള സിനിമയുടെ ഓഡിയോ അവകാശം സ്വന്തമാക്കുന്നത്. അതു റെക്കോര്ഡ് തുകയ്ക്ക്.
ബോളിവുഡിലെ ഹിറ്റുകള്
മലയാളികള്ക്ക് അത്ര പരിചിതമല്ലെങ്കിലും ബോളിവുഡിലെ പല സൂപ്പര് ഹിറ്റ് ചിത്രങ്ങളുടേയും ഓഡിയോ റൈറ്റ്സ് ജംഗ്ലി ഓഡിയോസിന്റെ കയ്യിലാണ്. സിംഗ് ഈസ് കിംഗ്, ഹൈദര് തുടങ്ങി നിരവധി ബോളിവുഡ് ചിത്രങ്ങളും തെലുങ്കില് സൂപ്പര് സ്റ്റാറുകളുടേതുള്പ്പെടെ 15ഓളം ചിത്രങ്ങളും നിരവധി തമിഴ്, കന്നട, ബംഗാളി ചിത്രങ്ങളും ജംഗ്ലിയുടെ ലിസ്റ്റിലുണ്ട്.
വിഎഫ്എക്സ് സാധ്യതകള്
വിഷ്വല് ഇഫക്ടിന് ഏറെ പ്രാധാന്യം നല്കി ഒരുക്കുന്ന ചിത്രമാണ് വില്ലന്. പോളണ്ടില് നിന്നുള്ള ടെക്നീഷ്യന്മാരുടെ സംഘമാണ് ചിത്രത്തിന്റെ വിഎഫ്എക്സ് കൈകാര്യം ചെയ്യുന്നത്. ക്രൈം ത്രില്ലര് വിഭാഗത്തില് പെടുന്ന ചിത്രമാണ് മോഹന്ലാലിനെ നായകനാക്കി ബി ഉണ്ണികൃഷ്ണന് ഒരുക്കുന്നത്.
നാലാമത്തെ ചിത്രം
മോഹന്ലാലിനെ നായകനാക്കി ബി ഉണ്ണികൃഷ്ണന് സംവിധാനം ചെയ്യുന്ന നാലാമത്തെ സിനിമയാണ് വില്ലന്. മാടമ്പി, ഗ്രാന്ഡ് മാസ്റ്റര്, മിസ്റ്റര് ഫ്രോഡ് എന്നിവയായിരുന്നു അവ. ഇതില് മിസ്റ്റര് ഫ്രോഡ് ഒഴികെയുള്ള രണ്ട് ചിത്രങ്ങളും സൂപ്പര് ഹിറ്റുകളായിരുന്നു.
വൈഡ് റിലീസ്
കേരളത്തില് ഇതുവരെ ഒരു മലയാള ചിത്രം റിലീസ് ചെയ്തതിലും അധികം തിയറ്ററുകളിലാണ് ചിത്രം റിലീസിന് എത്തുന്നത്. മൂന്നൂറിലധികം തിയറ്ററുകളില് ചിത്രം പ്രദര്ശിപ്പിക്കും. അങ്ങനെയായാല് കേരളത്തില് ഏറ്റവും അധികം തിയറ്ററുകളില് റിലീസ് ചെയ്ത ചിത്രമെന്ന റെക്കോര്ഡും ആദ്യ ദിന കളക്ഷന് റെക്കോര്ഡും വില്ലന് സ്വന്തമാക്കും.
ഓണത്തിന് റിലീസ്
ജൂലൈ 21ന് ചിത്രം തിയറ്ററിലെത്തുമെന്നായിരുന്നു ആദ്യം പ്രഖ്യാപിച്ചിരുന്നത്. എന്നാല് പ്രതീക്ഷിച്ചതിലും അധികം ദിവസങ്ങള് ചിത്രത്തിന്റെ റിലീസ് നീണ്ടുപോയതിനാല് റിലീസും നീട്ടിവയ്ക്കുകയായിരുന്നു. ഓണച്ചിത്രമായി വില്ലന് തിയറ്ററില് എത്തുമെന്നാണ് ഇപ്പോള് ലഭിക്കുന്ന റിപ്പോര്ട്ട്.
വില്ലനായി വിശാല്
തമിഴ് സൂപ്പര് താരം വിശാല് വില്ലനില് മോഹന്ലാലിന്റെ വില്ലനായി എത്തുന്നു. വിശാലിനൊപ്പം ഹന്സിക മോട്ട്വാനി, തെലുങ്ക് താരങ്ങളായ ശ്രീകാന്ത്, റാഷി ഖന്ന എന്നിവരും ചിത്രത്തില് പ്രധാന താരങ്ങളാകുന്നു. ലിംഗ, ഭജ്റംഗി ഭായ്ജാന് എന്നീ ബിഗ് ബജറ്റ് ചിത്രങ്ങള് നിര്മിച്ച റോക്ക്ലൈന് വെങ്കിടേഷാണ് വില്ലന് നിര്മിക്കുന്നത്.
-
ഞാൻ നടിയാണെന്ന് മറന്നു, ഓടിപ്പോയി കെട്ടിപ്പിടിച്ചു; ഉടനെ ശ്രീദേവി എന്നോട് പറഞ്ഞത്; ഉർവശിയുടെ വാക്കുകൾ
-
ഷൈന് ടോം തോച്ചോ? മറുപടി നല്കി തനു; ബ്രേക്കപ്പ് വാർത്തകള്ക്കിടെ ചര്ച്ചയായി മറുപടികള്
-
സിബിന് ഏറ്റവും കൂടുതല് ഭയക്കുന്നത് ഇയാളെ; ജിന്റോയോ ജാസ്മിനോ ഒന്നുമല്ല; പൂട്ടാന് നോക്കി, പാളിപ്പോയി