twitter
    For Quick Alerts
    ALLOW NOTIFICATIONS  
    For Daily Alerts

    മുഖംമൂടി ഹിറ്റായാല്‍ നരേന്‍ മുങ്ങും

    By Nirmal Balakrishnan
    |

    Naren
    മിഷ്‌കിന്‍ സംവിധാനം ചെയ്യുന്ന മുഖംമൂടി ഹിറ്റായാല്‍ മലയാളികള്‍ നഷ്ടപ്പെടാന്‍ പോകുന്നത് മികച്ചൊരു യുവ നടനെയായിരിക്കും.മലയാളത്തിലും തമിഴിലും അഭിനയിക്കുന്ന നരേന്‍ മുഖംമൂടിയുടെ വിജയത്തോടെ മലയാളത്തിലോ തമിഴിലോ മാത്രം അഭിനയിച്ചാല്‍ മതിയെന്നു തീരുമാനിക്കും.

    ജീവ നായകനാകുന്ന മുഖംമൂടിയില്‍ ഗംഭീര പ്രകടനമാണ് നരേന്‍ കാഴ്ചവച്ചിരിക്കുന്നത്. തമിഴില്‍ നരേന് മേല്‍വിലാസമുണ്ടാക്കിക്കൊടുത്ത മിഷ്‌കിന്‍ വിളിക്കുമ്പോള്‍ വേണ്ട എന്നു പറയാന്‍ പറ്റാത്തതിനാലാണ് നരേന്‍ ആ വേഷം സ്വീകരിച്ചത്. മിഷ്‌കിന്റെ അഞ്ചാതെ, ചിത്തിരം പേശുതടി എന്നീ ചിത്രങ്ങളിലൂടെയാണ് നരേന്‍ തമിഴില്‍ സ്ഥാനം പിടിച്ചത്. അതെല്ലാം നായകവേഷമായിരുന്നു. ആദ്യമായിട്ടാണ് വില്ലന്‍ വേഷം ചെയ്യുന്നത്. ഈ ചിത്രത്തില്‍ അഭിനയിക്കാന്‍ വേണ്ടി നിരവധി ചിത്രങ്ങള്‍ നരേന്‍ വേണ്ടെന്നു വച്ചിരുന്നു
    .
    പി. ടി. കുഞ്ഞഹമ്മദ് സംവിധാനം ചെയ്ത വീരപുത്രനു ശേഷം നരേന്‍ ലാല്‍ജോസിന്റെ അയാളും ഞാനും തമ്മില്‍ എന്ന ചിത്രത്തിലാണ് അഭിനയിക്കുന്നത്. നീണ്ടൊരു ഇടവേളയുണ്ടായത് മുഖംമൂടിയില്‍ അഭിനയിക്കേണ്ടതുള്ളതിനാലായിരുന്നു.

    ഇപ്പോള്‍ എം.ടി.-ഹരിഹരന്‍ ടീമിന്റെ ഏഴാമത്തെ വരവിലും നരേന്‍ അഭിനയിക്കുന്നുണ്ട്. ഈ പ്രൊജക്ടുകളെല്ലാം തീര്‍ന്നാല്‍ നരേന്‍ തമിഴില്‍ തന്നെയായിരിക്കും ശ്രദ്ധ കൊടുക്കുക. തമിഴില്‍ ശ്രദ്ധ കൊടുക്കാന്‍ വര്‍ഷങ്ങള്‍ക്കു മുമ്പുതന്നെ താമസം ചെന്നൈയിലേക്കു മാറ്റിയിരുന്നു. ഇനി മുഴുവന്‍ സമയവും തമിഴ് നടനാകും.

    English summary
    If Tamil Movie Mugammoodi click in boxoffice, Naren will not come back to malayalam. He will concentrate on Tamil.
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X