'ഒരു അഡാറ് ലവ്' ചെയ്യുന്നതിന് നാല് അഡാറ് നായകന്മാരുടെ ആവശ്യം എന്താണ്? ഒമര്‍ ലുലു പറയുന്നതിങ്ങനെ...

ഒമര്‍ ലുലു

മലയാള സിനിമയില്‍ രണ്ട് സിനിമകള്‍ മാത്രമെ ഒമര്‍ ലുലു സംവിധാനം ചെയ്തിട്ടുള്ളു. കോമഡിയ്ക്ക് പ്രധാന്യം നല്‍കി ഒമര്‍ സംവിധാനം ചെയ്ത രണ്ട് സിനിമകളും പ്രേക്ഷകര്‍ ഇരുകൈയും നീട്ടി സ്വീകരിച്ചിരുന്നു.

പുതിയ സിനിമ വരുന്നു

ഒമര്‍ ലുലു സംവിധാനം ചെയ്യാന്‍ പോവുന്ന മൂന്നാമത്തെ സിനിമ അണിയറയില്‍ ഒരുങ്ങാന്‍ പോവുകയാണ്. 'ഒരു അഡാറ് ലവ'് എന്ന് പേരിട്ടിരിക്കുന്ന ചിത്രത്തിലേക്ക് നായകന്മാരെ ആവശ്യമുണ്ടെന്ന് സംവിധായകന്‍ ആവശ്യപ്പെട്ടരിക്കുകയാണ്.

ഒരു അഡാറ് ലവ്

താന്‍ സംവിധാനം ചെയ്യുന്ന ഒരു അഡാറ് ലവ് എന്ന സിനിമയിലേക്ക് ചുറുചുറുക്കും ആത്മവിശ്വാസവും നൃത്ത പാടവവുമുള്ള 17 നും 21 നും ഇടയില്‍ പ്രായം വരുന്ന നാല് അഡാറ് നായകന്മാരെ ആവശ്യമുണ്ടെന്ന് ഒമര്‍ ഫേസ്ബുക്കിലൂടെ പുറത്ത് വിട്ട പോസ്റ്ററില്‍ പറഞ്ഞിരിക്കുകയാണ്.

ഒമറിന്റെ സിനിമകള്‍

2016 മേയില്‍ പുറത്തിറങ്ങിയ ഹാപ്പി വെഡിങ്ങ് എന്ന സിനിമയായിരുന്നു ഒമര്‍ ആദ്യമായി സംവിധാനം ചെയ്തത്. ശേഷം ഈ വര്‍ഷം ചങ്ക്‌സ് എന്ന സിനിമയും അദ്ദേഹം സംവിധാനം ചെയ്തിരുന്നു.

സൂപ്പര്‍ താരങ്ങളില്ല

ഒമര്‍ ലുലു സംവിധാനം ചെയ്ത രണ്ട് സിനിമകളുടെയും പ്രത്യേകത ചിത്രത്തില്‍ പ്രമുഖ താരങ്ങളാരും ഇല്ലെന്നുള്ളതാണ്. ഹാപ്പി വെഡിങ്ങില്‍ സിജു വില്‍സണും ഷറഫൂദീനുമായിരുന്നു കേന്ദ്ര കഥാപാത്രമായി അഭിനയിച്ചിരുന്നത്. എന്നാല്‍ തിയറ്ററുകളില്‍ ചിത്രം ഏറെ കാലം പ്രദര്‍ശനം തുടര്‍ന്നിരുന്നു.

ചങ്ക്‌സും അത് തന്നെ

ഒമര്‍ ലുലുവിന്റെ രണ്ടാമത്തെ സിനിമയായ ചങ്ക്‌സും പ്രമുഖ താരങ്ങള്‍ അണിനിരക്കാത്ത സിനിമയായിരുന്നു. ചിത്രത്തില്‍ ഗണപതി, വിശാഖ്, ധര്‍മ്മജന്‍ ബോള്‍ഗാട്ടി, ബാലു വര്‍ഗീസ്്, ഹണി റോസ് എന്നിവരാണ് ചിത്രത്തില്‍ പ്രധാന കഥാപാത്രങ്ങളെ അവതരിപ്പിച്ചിരുന്നത്.