Don't Miss!
- Technology നോക്കിയയുടെ മുറത്തിൽ കയറി കൊത്തി ഐടെൽ! നാട്ടുകാർക്ക് കിട്ടിയത് 1799 രൂപയ്ക്ക് കിടിലൻ ഫോൺ
- News അശാന്തിയുടെ താഴ്വരയായി പശ്ചിമേഷ്യ; തുറന്ന യുദ്ധം അകലെയല്ല, ഇറാഖിലെ ആക്രമണം നൽകുന്ന സന്ദേശം എന്ത്?
- Automobiles കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
- Sports IPL 2024: സഞ്ജു പ്രതിഭ, 14 വയസ് മുതല് അവനെ അറിയാം; ഇത്തവണ കപ്പ് രാജസ്ഥാനെന്ന് തരൂര്
- Finance കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..?
- Lifestyle ശ്വാസതടസ്സം, നെഞ്ചില് അസ്വസ്ഥത; ജന്മനാ ഉണ്ടാകുന്ന ഹൃദയ വൈകല്യങ്ങളുടെ 7 ലക്ഷണങ്ങള്
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
ഒറ്റമന്ദാരം ജീവിതത്തോടുള്ള കാഴ്ചപാട് മാറ്റി: ഭാമ
ഭാമ വളരെ സന്തോഷവതിയാണ്. മികച്ച ഒരുപാട് കഥാപാത്രങ്ങള് ചെയ്തു വച്ചു. ഇനി ചെയ്യാന് കയ്യിലിരിക്കുന്നതും ഒന്നിനൊന്ന് മെച്ചപ്പെട്ട വേഷങ്ങള് തന്നെ. തെന്നിന്ത്യന് സിനിമകളില് തിരക്കുള്ള നടിയായി മാറിയിരിക്കുന്നു ഇപ്പോള് ഭാമയും.
എന്ത് തന്നെയായാലും ഇപ്പോള് ഭാമയുടെ സന്തോത്തിന്റെയും പ്രതീക്ഷയുടെയും ഏക കാരണം 'ഒറ്റ മന്ദാരം' എന്ന ചിത്രത്തിന്റെ ചിത്രീകരണം കഴിഞ്ഞതിലാണ്. പ്രതീക്ഷ ഈ ചിത്രത്തിന്റെ റിലീസ്. ഒറ്റമന്ദാരം ജീവിതത്തോടുള്ള തന്റെ കാഴ്ചപാടു തന്നെ മാറ്റിയെന്നാണ് ഭാമ പറയുന്നത്. പതിനഞ്ചുവയസ്സുള്ള കല എന്ന കഥാപാത്രത്തെയാണ് ചിത്രത്തില് ഭാമ അവതരിപ്പിക്കുന്നത്.
സാഹചര്യങ്ങളുടെയും മറ്റും സമ്മര്ദ്ദങ്ങള്ക്കൊണ്ട് കലയ്ക്ക് ചേച്ചിയുടെ കുഞ്ഞിനെ ഗര്ഭം ധരിക്കേണ്ട അവസ്ഥവരുന്നു. എന്നാല് ഒരു അപ്രതീക്ഷിത സംഭവത്തില് ചേച്ചിയുടെ ഭര്ത്താവ് മരിക്കുന്നതോടെയാണ് കഥാഗതി മാറുന്നത്. പതിനഞ്ചാം വയസ്സില് അമ്മയും വിധവയുമാകുന്ന പെണ്കുട്ടിയുടെ കഥയാണ് ഒറ്റമന്ദാരം. വിനോദ് മങ്കര സംവിധാനം ചെയ്യുന്ന ചിത്രത്തില് ഭാമയുടെ ചേച്ചിയായി സജിതാ മഠത്തിലും ചേച്ചീ ഭര്ത്താവായി നന്ദുവും അഭിനയിക്കുന്നു.
കല എന്ന കഥാപാത്രമായി മാറാന് വേണ്ടി ഒരുപാട് കാര്യങ്ങള് ചെയ്തു എന്ന് ഭാമ പറയുന്നു. കലയുടെ മാനസികാവസ്ഥയിലേക്ക് ഇറങ്ങിച്ചെല്ലുകയാണ് ആദ്യം ചെയ്തത്. പിന്നെ കലയ്ക്കുവേണ്ടി ശാരീരികവും മാനസികവുമായ മാറ്റങ്ങള് വരുത്തി. തലമുടിയില് പോലും വ്യത്യാസങ്ങളുണ്ട്. ആദ്യ രണ്ട് ദിവസം കലയായി ജീവിക്കാന് അല്പം ബുദ്ധിമുട്ടിയെങ്കിലും വൈകാതെ കലയായി ജീവിക്കാന് തുടങ്ങി. തന്റെ അഭിനയ ജീവിതത്തിലെ മികച്ച ഒരു കഥാപാത്രമായിരിക്കും കലയെന്നും ഭാമ പറയുന്നു.
ചിത്രത്തിന്റെ റിലീസിങ് കാത്തിരിക്കുകയാണ് ഭാമയിപ്പോള്. ഏറെ പ്രതീക്ഷകള് നല്കുന്ന മറ്റൊരു ചിത്രമാണ് തമിഴില് ചെയ്യുന്ന രാമാനുജം. ശ്രീനിവാസ രാമാനുജന്റെ ജീവിതകഥ ആസ്പദമാക്കിയൊരുക്കുന്ന ചിത്രത്തില് രാമാനുജന്റെ ഭാര്യയായ ജാനകിയുടെ വേഷമാണ് ഭാമയ്ക്ക്. മലയാളത്തില് 100 ഡിഗ്രി സെല്ഷ്യസും നാക്കുപെന്റ നാക്കുടെക്കയുമാണ് അടുത്തതായി റിലീസിനൊരുങ്ങുന്ന ഭാമയുടെ ചിത്രങ്ങള്