അമുദവനെ കാണാനായി പാപ്പയും കുടുംബവും എത്തിയപ്പോള്‍! വൈറലായി ചിത്രങ്ങള്‍! കാണൂ

അമുദവനും പാപ്പയും

റാമിന്റെ സംവിധാനത്തില്‍ ഒരുങ്ങിയ പേരന്‍പ് അച്ഛനും മകളും തമ്മിലുളള ആത്മബന്ധത്തിന്റെ കഥ പറഞ്ഞ ചിത്രമായിരുന്നു. ശാരീരിക വൈകല്യമുളള പെണ്‍കുട്ടിയുടെയും അമുദവന്‍ എന്ന ടാക്‌സി ഡ്രൈവറുടെയും ജീവിത കഥയാണ് സിനിമ പറഞ്ഞത്. മമ്മൂക്കയുടെയും സാധനയുടെയും പ്രകടനങ്ങളായിരുന്നു സിനിമയില്‍ മുഖ്യ ആകര്‍ഷണമായിരുന്നത്. ഒരു സിനിമാ കഥയെന്നതിലുപരി ഒരു ജീവിതം തന്നെയാണ് സിനിമ കാണിച്ചുതന്നത്. താരങ്ങളുടെ പ്രകടനങ്ങള്‍ക്കൊപ്പം സംവിധായകന്റെ മേക്കിങ്ങും പേരന്‍പില്‍ മികച്ചുനിന്നു. മമ്മൂക്കയ്ക്കും സാധനയ്ക്കും ദേശീയ പുരസ്‌കാര സാധ്യത കല്‍പ്പിച്ചവരും ഏറെയായിരുന്നു.

പേരന്‍പിന്റെ വിജയഗാഥ

നിരവധി അന്താരാഷ്ട്ര ചലച്ചിത്ര മേളകളില്‍ അടക്കം പ്രദര്‍ശിപ്പിച്ച ശേഷമായിരുന്നു പേരന്‍പ് റിലീസ് ചെയ്തിരുന്നത്. ചിത്രീകരണം പൂര്‍ത്തിയാക്കി ഏറെ നാളുകള്‍ക്ക് ശേഷമാണ് സിനിമ പുറത്തിറങ്ങിയത്. ഒരു കൊമേഴ്‌സ്യല്‍ സിനിമ അല്ലാതിരുന്നിട്ടു കൂടി വലിയ പ്രതീക്ഷകളോടെയാണ് എല്ലാവരും പേരന്‍പിനു വേണ്ടി കാത്തിരുന്നത്. മമ്മൂക്കയുടെ മികച്ച പ്രകടനം പ്രതീക്ഷിച്ച് സിനിമ കാണാനെത്തിയവരെ തൃപ്തിപ്പെടുത്തിയ ഒരു ചിത്രം കൂടിയായിരുന്നു പേരന്‍പ്.

മമ്മൂക്കയെ കാണാനായി സാധന

പേരന്‍പ് തിയ്യേറ്ററുകളില്‍ വിജയകരമായി മുന്നേറികൊണ്ടിരിക്കുന്നതിനിടയിലാണ് സാധനയും കുടുംബവം മമ്മൂക്കയെ കാണാനായി താരത്തിന്റെ വീട്ടിലെത്തിയത്. മമ്മൂക്കയുടെ കൊച്ചിയിലെ വീട്ടിലായിരുന്നു നടിയുടെയും കുടുംബത്തിന്റെയും സന്ദര്‍ശനം. ചിത്രങ്ങള്‍ ഒന്നടങ്കം സോഷ്യല്‍ മീഡിയയില്‍ വൈറലായി മാറുകയും ചെയ്തിരുന്നു. മമ്മൂക്കയെ കൂടാതെ ദുല്‍ഖറിനൊപ്പമുളളള സാധനയുടെ കുടുംബത്തിന്റെ ചിത്രങ്ങളും സമൂഹ മാധ്യമങ്ങളില്‍ പുറത്തിറങ്ങിയിരുന്നു.

സാധനയുടെ കുടുംബം

ദുബായിലാണ് സാധനയും കുടുംബവും സ്ഥിര താമസമാക്കിയിരിക്കുന്നത്. സിനിമാ അഭിനയത്തിനു പുറമെ ഭരതനാട്യം നര്‍ത്തകിയും കര്‍ണാടിക് സിംഗറും കൂടിയാണ് സാധന. തങ്കമീന്‍കള്‍ എന്ന ചിത്രത്തിലൂടെയാണ് നടി തമിഴ് സിനിമയില്‍ തുടക്കമിട്ടിരുന്നത്. റാം സംവിധാനം ചെയ്ത സിനിമയില്‍ ബാലതാരമായിട്ടാണ് തുടക്കം. ചിത്രത്തിലെ മികച്ച പ്രകടനത്തിന് ആ വര്‍ഷത്തെ മികച്ച ബാലതാരത്തിനുളള പുരസ്‌കാരമായിരുന്നു സാധന നേടിയിരുന്നത്.