തിരക്കഥയുമായെത്തിയ ഷാജോണിനോട് പൃഥ്വിരാജ് പറഞ്ഞത്.. പൃഥ്വിയുടെ വാക്കിന്‍റെ ശക്തി!

അഭിനയത്തില്‍ നിന്നും സംവിധാനത്തിലേക്ക്

അഭിനേതാവിന് പിന്നാലെ സംവിധാനത്തിലേക്ക് തിരിയുകയാണ് ഷാജോണ്‍. കഴിഞ്ഞ ദിവസമാണ് ഈ വാര്‍ത്ത പുറത്തുവന്നത്. ഈ വാര്‍ത്ത് അറിഞ്ഞതോടെ തന്നെ പ്രേക്ഷകര്‍ ഏറെ ആകംക്ഷയിലാണ്.

നായകനായി പൃഥ്വിരാജ്

യുവതാരങ്ങളില്‍ ഏറെ ശ്രദ്ധേയനായ പൃഥ്വിരാജാണ് ചിത്രത്തില്‍ നായകനായി എത്തുന്നത്. ഒന്നിനൊന്ന് മികച്ച കഥാപാത്രങ്ങളുമായി സിനിമയില്‍ നിറഞ്ഞുനില്‍ക്കുകയാണ് ഈ താരം.

തിരക്കഥ പറഞ്ഞപ്പോള്‍

പൃഥ്വിരാജുമായി തിരക്കഥയെക്കുറിച്ച് സംസാരിച്ചിരുന്നു. മറ്റാരെയെക്കൊണ്ടെങ്കിലും സംവിധാനം ചെയ്യിക്കാമെന്നായിരുന്നു കരുതിയത്. തിരക്കഥ തയ്യാറാക്കാന്‍ മാത്രമായിരുന്നു ആദ്യ ഘട്ടത്തില്‍ തീരുമാനിച്ചത്. പിന്നീടാണ് സംവിധാനം ചെയ്യാന്‍ തീരുമാനമായത്.

കഥ കേട്ടപ്പോള്‍ പൃഥ്വി പറഞ്ഞത്

കഥ കേട്ടതിന് ശേഷമാണ് പൃഥ്വി ചേട്ടന്‍ സംവിധാനം ചെയ്യുകയാണെങ്കില്‍ അഭിനയിക്കാം എന്നു പറഞ്ഞത്. പെട്ടെന്ന് കേട്ടപ്പോള്‍ ഉള്‍ക്കൊള്ളാന്‍ പറ്റിയിരുന്നില്ല. പിന്നീടാണ് സംവിധാനം ചെയ്യുന്നതിനെക്കുറിച്ച് തീരുമാനിച്ചത്.

ചേട്ടന്‍ സംവിധാനം ചെയ്യണം

ചിത്രത്തിന്റെ കഥയെക്കുറിച്ച് അറിഞ്ഞപ്പോള്‍ ചേട്ടന്‍ തന്നെ സംവിധാനം ചെയ്യണം. എന്നാലേ ഡേറ്റ് തരൂവെന്നായിരുന്നു പൃഥ്വി പറഞ്ഞത്. രാജുവിന്റെ വാക്കുകളില്‍ നിന്നും ലഭിച്ച് ആത്മവിശ്വാസവുമായാണ് മുന്നോട്ട് പോകുന്നതെന്നും താരം പറയുന്നു.

സ്വപ്‌നമായി അവശേഷിച്ചിരുന്നു

സിനിമയിലെത്തണമെന്നും പുരസ്‌കാരം നേടണമെന്നും മാത്രമല്ല സംവിധാനവും തിരക്കഥയുമൊക്കെ ഒരുക്കണമെന്നും ആഗ്രഹിച്ചിരുന്നു. പൃഥ്വിയുടെ പിന്തുണ കൂടിയായപ്പോള്‍ അതുമായി മുന്നോട്ട് പോവാന്‍ തീരുമാനിക്കുകയായിരുന്നുവെന്നും ഷാജോണ്‍ പറഞ്ഞു.