ദിലീപിന്റെ കരിയറിലെ ഏറ്റവും വലിയ ബ്ലോക്ബസ്റ്റര്‍ ഹിറ്റ്, രാമലീല ആറ് ദിവസത്തെ കലക്ഷന്‍!!

ഭയന്നുകൊണ്ട് റിലീസ്

നായകന്‍ പീഡനക്കേസില്‍ ജയിലില്‍ കിടക്കുന്ന പശ്ചാത്തലത്തില്‍ ചിത്രം ജനം എങ്ങിനെ സ്വീകരിയ്ക്കും എന്ന ഭയം അണിയറപ്രവര്‍ത്തകര്‍ക്കുണ്ടായിരുന്നു. പലതവണ റിലീസ് മാറ്റിവച്ച ചിത്രം ഒടുവില്‍ രണ്ടും കല്‍പിച്ച് സെപ്റ്റംബര്‍ 28 ന് റിലീസ് ചെയ്തു.

ആദ്യ ദിവസത്തെ കലക്ഷന്‍

എന്നാല്‍ അണിയറപ്രവര്‍ത്തകരെ പോലും അമ്പരപ്പിയ്ക്കുന്ന തിയേറ്റര്‍ റിപ്പോര്‍ട്ടുകളാണ് ലഭിച്ചത്. ആദ്യ ദിവസം തന്നെ ചിത്രം 2.41 കോടി രൂപ ഗ്രോസ് കലക്ഷന്‍ നേടി.

രണ്ട് ദിവസം നാല് കോടി

ചിത്രത്തിന് സോഷ്യല്‍ മീഡിയയിലും അനുകൂലമായ കാറ്റ് വീശിയതോടെ ബോക്‌സോഫീസ് കിലുക്കത്തിന്റെ ശബ്ദം കൂടി. രണ്ട് ദിവസം കൊണ്ട് ചിത്രം 4.88 കോടി നേടി.

പത്ത് കോടി

ആദ്യത്തെ ആഴ്ച പിന്നിടുമ്പോഴേക്കും പത്ത് കോടിയിലധികം ചിത്രം നേടിയിരുന്നു. നാല് ദിവസം കൊണ്ടാണ് രാമലീല 10.54 കോടി ഗ്രോസ് കലക്ഷന്‍ കേരളത്തില്‍ നിന്ന് മാത്രം വാരിയത്.

15 കോടി കടന്നു

ലഭിയ്ക്കുന്ന വിവരം സത്യമാണെങ്കില്‍ ടോമിച്ചന്‍ മുളകുപാടം നിര്‍മിച്ച രാമലീല 15 കോടി കടന്നു. ആറ് ദിവസം കൊണ്ട് 15.21 കോടി രൂപയാണ് ചിത്രം കേരളത്തില്‍ നിന്ന് മാത്രം നേടിയിരിയ്ക്കുന്നത്.

കേരളത്തിന് പുറത്ത്

കേരളത്തിന് പുറത്തും ചിത്രം വിജയകരമായി പ്രദര്‍ശനം തുടരുകയാണ്. ആ കണക്കുകള്‍ കൂടെയാവുമ്പോള്‍ ചിത്രം 18 കോടിയ്ക്ക് മുകളില്‍ ഇതുവരെ കലക്ഷന്‍ നേടിക്കഴിഞ്ഞു.

ജനപ്രിയ നായകന്‍ തന്നെ!

ഈ സമയത്ത് ദിലീപ് ഏറ്റവും ആശ്വാസമാണ് രാമലീലയുടെ വിജയം. ജനപ്രിയ നായാകന്റെ ജനപ്രീതി ഇനിയും നഷ്ടപ്പെട്ടിട്ടില്ല എന്ന് രാമലീലയുടെ വിജയം തെളിയിക്കുന്നു.