ദിലീപിനെ ഉപദ്രവിച്ച് മതിയായില്ലേ... രാമലീലയുടെ സുപ്രധാന രംഗങ്ങള്‍ ലീക്കായി!!

ലീക്കായ രംഗം

ദിലീപും രാധികയും ഉള്‍പ്പെട്ട രംഗമാണ് ലീക്കായത്. ചിത്രത്തിന്റെ ക്ലൈമാക്‌സിലെ സുപ്രധാന രംഗമാണ് ചോര്‍ന്നിരിയ്ക്കുന്നത്. ഇത് കഥയുടെ സസ്‌പെന്‍സ് പൊളിക്കും.

ഗംഭീര ക്ലൈമാക്‌സ്

ദൃശ്യത്തിന് ശേഷം മലയാള സിനിമയിലെ ഗംഭീര ക്ലൈമാക്‌സാണ് രാമലീലയില്‍. ഒരു പൊളിട്ടിക്കല്‍ ത്രില്ലറായ ചിത്രത്തിന്റെ ത്രില്ല് ഈ ലീക്കായ രംഗത്താണ്. ഒട്ടും ക്ലാരറ്റി ഇല്ലാത്ത തിയേറ്റര്‍ പ്രിന്റുകളാണ് യൂട്യൂബ് വെബ്‌സൈറ്റുകളില്‍ ലീക്കായിരിയ്ക്കുന്നത്.

കഷ്ടപ്പെട്ട് റിലീസായി

മാസങ്ങള്‍ നീണ്ട കാത്തിരിപ്പിനൊടുവിലാണ് രാമലീല തിയേറ്ററിലെത്തിയത്. ദിലീപ് ജയിലില്‍ കിടക്കുന്ന പശ്ചചാത്തലത്തില്‍ ജനം സിനിമയെ കൈവിടുമോ എന്ന് പോലും ഒരു ഘട്ടത്തില്‍ ഭയന്നിരുന്നു. എന്നാല്‍ അത് സംഭവിച്ചില്ല.

അണിയറപ്രവര്‍ത്തകര്‍ പോലും പ്രതീക്ഷിക്കാത്ത വിജയമാണ് രാമലീലയ്ക്ക് ലഭിച്ചുകൊണ്ടിരിയ്ക്കുന്നത്. പുലിമുരുകന് ശേഷം തിയേറ്ററില്‍ ആളെ കൂട്ടിയ ചിത്രം എന്നാണ് സിനിമ നിനിരീക്ഷകരുടെ കണ്ടെത്തല്‍.

സാമ്പത്തിക വിജയം

കലക്ഷന്റെ കാര്യത്തിലും രാമലീല കുതിയ്ക്കുകയാണ്. വളരെ കുറഞ്ഞ തിയേറ്ററുകളാണ് ചിത്രത്തിന് കിട്ടിയത്. എന്നാല്‍ ജനത്തിരക്ക് പരിഗണിച്ച് സ്‌പെഷ്യല്‍ ഷോകളും നടത്തിയതോടെ കലക്ഷന്‍ കുതിയ്ക്കുകയാണ്.

വില്ലനായി പൈറസി

അതിനിടെയാണ് വില്ലനായി പൈറസി വന്നത്. ചിത്രം വിജയകരമായി പോകുന്നതിനിടെ ശനിയാഴ്ചയാണ് ക്ലൈമാക്‌സ് രംഗങ്ങള്‍ ഇന്റര്‍നെറ്റില്‍ എത്തിയത്. ഇത് സിനിമയെ ബാധിക്കില്ല എന്നാണ് അണിയറപ്രവര്‍ത്തകരുടെ വിശ്വാസം. പക്ഷെ ഇതിനെതിരെ നടപടി സ്വീകരിക്കും.