ഇന്ന് പച്ച പാവാടയണിഞ്ഞാണ് സെറ്റില്‍ പോയതെന്ന് രണ്‍വീര്‍ പ്രിയങ്കയോട് : വൈറലായി വീഡിയോ

അടുത്ത സുഹൃത്തുക്കള്‍

രണ്‍വീര്‍ സിംഗിന്റെ അടുത്ത സുഹൃത്തുകളിലൊരാളാണ് പ്രിയങ്ക. ഗുണ്ടെയ്,ദില്‍ ദഡ്കനെ ദോ,ബജ് രാവോ മസ്താനി തുടങ്ങിയ ചിത്രങ്ങളില്‍ ഇരുവരും ഒന്നിച്ചഭിനയിച്ചിട്ടുണ്ട്. അടുത്തിടെ രണ്‍വീറും പ്രിയങ്കയും തമ്മില്‍ നടത്തിയ വീഡിയോ കോള്‍ സമൂഹമാധ്യമങ്ങളില്‍ വൈറലായിരിക്കുകയാണ് ലോക വനിതാ ദിനത്തില്‍ പ്രിയങ്ക ചോപ്ര വീഡിയോ കോളിലൂടെ ഈ ദിനത്തില്‍ എന്താണ് പറയാനുളളത് രണ്‍വീറിനോട് ചോദിച്ചപ്പോള്‍ രസകരമായൊരു മറുപടിയാണ് നടന്‍ നല്‍കിയത്.

രണ്‍വീറിന്റെ രസകരമായ മറുപടി

ഇന്ന് പച്ച പാവാട അണിഞ്ഞാണ് പുതിയ ചിത്രത്തിന്റെ സെറ്റില്‍ പോയതെന്നു പറഞ്ഞ രണ്‍വീര്‍ ലൈറ്റ് ബോയ് മുതല്‍ സംവിധായകന്‍ വരെ പാവാട അണിഞ്ഞാണ് എത്തിയതെന്നും പറഞ്ഞു. യഥാര്‍ത്ഥ പുരുഷന്മാര്‍ പാവാട ധരിച്ചിരിക്കുമെന്നും രണ്‍വീര്‍ പ്രിയങ്കയോട് പറഞ്ഞു.

രണ്‍വീറിനെ പറ്റി പ്രിയങ്ക പറഞ്ഞത്

രണ്‍വീറിന്റെ മറുപടി കേട്ട പ്രിയങ്ക ബജ്‌റാവു മസ്താനി എന്ന സിനിമയുടെ ഷൂട്ടിംഗ് സമയത്ത് രണ്‍വീര്‍ പാവാട ധരിച്ച് കണ്ടത് ഓര്‍ത്തെടുത്തു. പ്രിയങ്കയുടെ അടുത്ത ചോദ്യത്തിന് എന്തിനാണ് ആളുകള്‍ക്കായി ഒരു പ്രത്യേക ദിവസം എന്നായിരുന്നു രണ്‍വീറിന്റെ മറുപടി. തന്നെ വളര്‍ത്തിയത് അമ്മയും സഹോദരങ്ങളും അമ്മൂമ്മയുമൊക്കെ ചേര്‍ന്നാണെന്നും അവര്‍ കാരണമാണ് ഇവിടെ നില്‍ക്കുന്നതെന്നും രണ്‍വീര്‍ പറഞ്ഞു

എല്ലാ ദിനത്തിലും അര്‍ഹിക്കുന്ന പരിഗണന സ്ത്രീകള്‍ക്ക് നല്‍കണം

വനിതാ ദിനത്തില്‍ എന്ത് സന്ദേശമാണ് നല്‍കാനുളളതെന്ന് രണ്‍വീറിനോട് പ്രിയങ്ക ചോദിച്ചപ്പോള്‍ രണ്‍വീര്‍ നല്‍കിയ മറുപടി ഇങ്ങനെയായിരുന്നു.ഈയൊരു ദിനത്തില്‍ മാത്രമല്ല എല്ലാ ദിവസങ്ങളിലും സത്രീകള്‍ക്ക് അവര്‍ അര്‍ഹിക്കുന്ന പരിഗണന നല്‍കണമെന്ന് രണ്‍വീര്‍ പ്രിയങ്കയോട് പറഞ്ഞു.ഇരുവരുടെയും ലൈവ് ഫോണ്‍ കോള്‍ സംഭാഷണം ഇവര്‍ തന്നെയാണ് പുറത്തുവിട്ടത്. എതായാലും പുറത്തുവിട്ട വീഡിയോ വൈറലായിരിക്കുകയാണ്.