twitter
    For Quick Alerts
    ALLOW NOTIFICATIONS  
    For Daily Alerts

    സലാമിന്റെ ആക്ഷേപഹാസ്യത്തില്‍ മമ്മൂട്ടി നായകന്‍

    By Lakshmi
    |

    Salam Bappu
    റെഡ് വൈനിന്റെ സംവിധായകന്‍ സലാം ബാപ്പു രണ്ടാം ചിത്രത്തിനൊരുങ്ങുന്നു. ആദ്യചിത്രത്തില്‍ മോഹന്‍ലാലിനെ പ്രധാന വേഷത്തില്‍ എത്തിച്ച സലാം രണ്ടാം ചിത്രത്തില്‍ മമ്മൂട്ടിയെയാണ് നായകനാക്കുന്നത്. രണ്ടാമത്തെ ചിത്രം ഒരു ആക്ഷേപഹാസ്യ രീതിയിലുള്ളതായിരിക്കുമെന്നാണ് സലാം പറയുന്നത്.

    മലയാളചലച്ചിത്രമേഖലയിലെ സംവിധായകരില്‍ പുതുമുഖമായ സലാം തന്റെ ആദ്യ ചിത്രം മമ്മൂട്ടിയെ നായകനാക്കി ചെയ്യനായിരുന്നുവത്രേ തീരുമാനിച്ചിരുന്നത്. എന്നാല്‍ താരങ്ങളുടെ ഡേറ്റുമായി ബന്ധപ്പെട്ട ചില പ്രശ്‌നങ്ങളെത്തുടര്‍ന്ന് ആ പ്രൊജക്ട് മാറ്റിവച്ച് റെഡ് വൈന്‍ ചെയ്യുകയായിരുന്നുവെന്നാണ് അദ്ദേഹം പറയുന്നത്.

    ആ ചിത്രത്തില്‍ മമ്മൂട്ടിയെ ഒരു വൈദികനായി അവതരിപ്പിക്കാനായിരുന്നു തീരുമാനിച്ചത്. എന്നാല്‍ ക്രൈസ്തവ പുരോഹിതന്മാര്‍ കേന്ദ്രകഥാപാത്രങ്ങളായുള്ള പല ചിത്രങ്ങളും പുറത്തിറങ്ങിയ സാഹചര്യം കണക്കിലെടുത്ത് പിന്നീട് ആ വിഷയം വേണ്ടെന്ന് തീരുമാനിയ്ക്കുകയായിരുന്നു. പിന്നീടാണ് വളരെ വ്യത്യസ്തമായ ഒരു വിഷയത്തിനായി ശ്രമം നടത്തുകയും അത് ലഭിയ്ക്കുകയും ചെയ്തത്- സലാം പറയുന്നു.

    പുതിയ ചിത്രം വളരെ രസകരമായ ഒരു ആക്ഷേപഹാസ്യ ചിത്രമായിരിക്കും. അടുത്തിടെയാണ് ഈ കഥയെക്കുറിച്ച് ഞാന്‍ മമ്മൂട്ടിയോട് പറഞ്ഞത്, കഥയുമായി ബന്ധപ്പെട്ട് മമ്മൂട്ടിയുമായി കൂടുതല്‍ ചര്‍ച്ചകള്‍ നടത്തേണ്ടതുണ്ട്. റെഡ് വൈന്‍ ഒരു പ്രത്യേക വിഭാഗത്തിന് മാത്രം ഇഷ്ടപ്പെട്ട ചിത്രമാണ്, എന്നാല്‍ അടുത്ത ചിത്രം എല്ലാ തരം പ്രേക്ഷകരെയും തൃപ്തിപ്പെടുത്തുന്നതായിരിക്കും- സലാം ഉറപ്പു നല്‍കുന്നു.

    English summary
    After Red Wine, Salam Bappu is gearing up for his next project. The film apparently will have Mammootty in the lead role.
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X