തകര്‍ക്കാന്‍ ശ്രമിച്ചാലും തകരില്ല, ദുല്‍ഖറിന്റെ സോലോ ഏഴ് ദിവസം കൊണ്ട് നേടിയത് കേട്ടോ..?

ആദ്യ ദിവസത്തെ കലക്ഷന്‍

ഒക്‌ടോബര്‍ അഞ്ചിനാണ് സോലോ തമിഴിലും മലയാളത്തിലുമായി റിലീസ് ചെയ്തത്. ആദ്യ ദിവസം കേരളത്തില്‍ നിന്ന് മാത്രം ചിത്രം നേടിയത് 3.26 കോടി രൂപയാണ്. ഏറ്റവും മികച്ച ഓപ്പണിങ് ആണിത്.

രണ്ടാം ദിവസം

ആദ്യ ഷോ കഴിഞ്ഞത് മുതല്‍ തന്നെ മോശം കമന്റുകള്‍ വന്നെങ്കിലും അതൊന്നും ചിത്രത്തെ ബാധിച്ചില്ല. രണ്ടാം ദിവസം എത്തുമ്പോഴേക്കും അഞ്ച് കോടിയ്ക്ക് മുകളില്‍ ചിത്രം കലക്ഷന്‍ നേടി. 5.56 കോടിയാണ് രണ്ട് ദിവസം കൊണ്ട് നേടിയത്.

മൂന്ന് ദിവസം ആറ് കോടി

ആറ് കോടി കടക്കാന്‍ ബിജോയ് നമ്പ്യാരുടെ സോലോയ്ക്ക് വേണ്ടി വന്നത് മൂന്ന് ദിവസമാണ്. 6.84 കോടി രൂപ ഗ്രോസ് കലക്ഷന്‍ ചിത്രം കേരളത്തില്‍ നിന്ന് മാത്രം നേടി.

പത്ത് കോടി കടന്നു

ട്രേഡ് അനലൈസ് റിപ്പോര്‍ട്ടുകള്‍ പ്രകാരം ചിത്രം ഇതിനോടകം പത്ത് കോടി കടന്നു. 10.95 കോടി രൂപയാണ് ആദ്യത്തെ ആഴ്ച (ഏഴ് ദിവസം) പിന്നിടുമ്പോള്‍ സോലോ കേരളത്തില്‍ നിന്നു മാത്രം നേടിയത്.

കേരളത്തിന് പുറത്തും

ചിത്രത്തിന്റെ മലയാളം പതിപ്പിന് കേരളത്തിന് പുറത്ത് നിന്നും മികച്ച റിപ്പോര്‍ട്ടുകളാണ് ലഭിയ്ക്കുന്നത്. ഇന്ത്യയില്‍ മൊത്തം ചിത്രം നേടിയ കലക്ഷന്‍ റിപ്പോര്‍ട്ടുകള്‍ വൈകാതെ പുറത്തുവിടും എന്നാണ് കരുതുന്നത്.

സോലോ എന്ന ചിത്രം

നാല് ഹ്രസ്വ ചിത്രങ്ങളടങ്ങിയ ആന്തോളജിയാണ് സോലോ. പ്രണയവും പ്രതികാരവും അടങ്ങിയ നാല് ചിത്രം. ശേഖര്‍, ട്രൈലോക്, ശിവ, രുദ്ര എന്നീ കഥാപാത്രങ്ങളിലൂടെ പഞ്ചഭൂതങ്ങളിലെ നാല് ഭൂതങ്ങളായ കാറ്റ്, വെള്ളം, അഗ്നി, ഭൂമി എന്നിവയെ കുറിച്ചാണ് പറയുന്നത്.