'ഷൂട്ടിങിനിടയിലെ അപകടം, സിനിമകളുടെ പരാജയം'; ഒരു കാലത്ത് അഭിനയം നിർത്താൻ തീരുമാനിച്ച താരങ്ങൾ!

നമസ്തേ ലണ്ടന് ശേഷം അഭിനയം നിർത്താൻ തീരുമാനിച്ചതായി കത്രീന കൈഫ് ഒരിക്കൽ പറഞ്ഞിരുന്നു. കോഫി വിത്ത് കരൺ ചാറ്റ് ഷോയിൽ വെച്ചാണ് ഇക്കാര്യം താരം ഒരിക്കൽ വെളിപ്പെടുത്തിയത്. അഭിനയത്തിന് പകരം പുതിയൊരു കരിയർ അന്വേഷിക്കുന്നതിലേക്ക് വരെ കാര്യങ്ങൾ എത്തിയിരുന്നുവെന്നും കത്രീന വെളിപ്പെടുത്തിയിരുന്നു. 

ഡാഡി, താണ്ഡ‍വം, ഷേർഷ, തലൈവി തുടങ്ങിയ സിനിമകളിലൂടെ ശ്രദ്ധ നേടിയ നടൻ രാജ് അർജുൻ ഒരിക്കൽ അഭിനയം നിർ‌ത്തി മറ്റ് ജോലികൾ  ചെയ്യുന്നതിനെ കുറിച്ച് ചിന്തിച്ചിരുന്നു. രണ്ട് സീനിൽ മാത്രം അഭിനയിക്കുന്ന നടനായി  തന്നെ ആളുകൾ മാറ്റിയതിൽ മനംനൊന്താണ് അഭിനയം നിർത്താൻ രാജ് അർജുൻ മുമ്പ് തീരുമാനിച്ചത്. 

ജോധാ അക്ബറിന്റെ സെറ്റിൽ വെച്ച് പരിക്കേറ്റതിനെ തുടർന്ന് അഭിനയം നിർത്താൻ ആലോചിക്കുന്നതായി വിക്രം വേദ നടൻ ഹൃത്വിക് റോഷൻ മുമ്പ് വെളിപ്പെടുത്തിയിരുന്നു. കൈറ്റ്‌സിന്റെ ഷൂട്ടിങിനിടെ കാൽമുട്ട് ചികിത്സക്കായി ശ്രമിക്കുന്നതിനിടെയാണ് അദ്ദേഹം ഒരു മീഡിയ പോർട്ടലിനോട് ഇക്കാര്യം പറഞ്ഞത്. പരിക്ക്അ പറ്റിയതിനാൽ അദ്ദേഹത്തിന് സിനിമ ചെയ്യാൻ കഴിയില്ലെന്ന് ഡോക്ടർമാർ നിർദ്ദേശിച്ചതിനെ തുടർന്ന് തകർന്ന് പോയിരുന്നു ഹൃത്വിക്ക്. ശേഷം ആലാപനത്തിലോ സംവിധാനത്തിലോ ഒരു ബദൽ കരിയർ ആലോചിക്കുകയും ചെയ്തിരുന്നു താരം. 

പിതാവിന്റെ വിയോഗത്തിന് ശേഷം ഋഷികേശിലെ ഒരു ധാബയിൽ ജോലിക്ക് കയറിയിരുന്നു നടൻ സഞ്ജയ് മിശ്ര. സംവിധായകൻ രോഹിത് ഷെട്ടി അദ്ദേഹത്തിന് ഒരു സിനിമയിൽ  വേഷം നൽകിയതോടെയാണ് സഞ്ജയ് വീണ്ടും അഭിനയത്തിലേക്ക് തിരികെ വന്നത്.