മനം മയക്കും സൌന്ദര്യം, നോക്കിലും വാക്കിലും യക്ഷിയായി ലിയോണ; മികച്ച അഭിപ്രായങ്ങൾ നേടി കൺകെട്ട്

സാരിയിൽ സൂപ്പർ ലുക്കും കണ്ണിൽ ആളെ മയക്കുന്ന മന്ത്രങ്ങളുമായി ശരിക്കും യക്ഷിയെ പോലെ തന്നെയുണ്ട് ലിയോണ. താരത്തിന്റെ പുതിയ ഷോർട് ഫിലിം കൺകെട്ടിലെ വേഷത്തിൽ താരം സോഷ്യൽ മീഡിയയിൽ വൈറലാവുകയാണ്.

ചുവന്ന സാരിയും തറവാടിന്റെ അകത്തളത്തിൽ തിരിയിട്ട വിളക്കുകളും കണ്മഴിയെഴുതിയും കുപ്പി വളകളണിഞ്ഞും ശരിക്കും പഴയ കാല യക്ഷികളെ പുനസൃഷ്ഠിച്ചിരിക്കുകയാണ് സിനിമയിൽ.

വളരെ ചുരുക്കം കഥാപാത്രങ്ങൾ ഉള്ള ഷോർട് ഫിലിം ആണ് കൺകേട്ട്. ജിതിൻ സുരേഷ് സംവിധാനം ചെയ്ത സിനിമയിൽ സൗഗന്ത്‌ ആണ് ഡിഒപി. അരുൺ വ് അക്ഷയയുടെ സംഗീതവും മികച്ചതാണ്. ലിയോണയ്‌ക്കൊപ്പം അർജുൻ നന്ദകുമാറും അഭിനയിക്കുന്നുണ്ട്.

മികച്ച അഭിപ്രായങ്ങളാണ് സിനിമയ്ക്ക് യൂട്യൂബിൽ ലഭിക്കുന്നത്. അതോടൊപ്പം ലിയോനയുടെ യക്ഷി ഇൻസ്റ്റാഗ്രാമിലും ഹിറ്റായി കഴിഞ്ഞു. നടി തന്നെയാണ് ഈ ചിത്രങ്ങൾ ഷെയർ ചെയ്തിരിക്കുന്നത്.

സമീപകാലത്ത് സോഷ്യൽ മീഡിയയിൽ നിറഞ്ഞു നിന്നിരുന്ന ആളാണ് ലിയോണ. തന്റെ രോഗവിവരം താരം ആരാധകാരുമായി പങ്കുവയ്ക്കുകയുണ്ടായി. നടി നേരിട്ട ബുദ്ധിമുട്ടുകൽ തുറന്നു പറയുകയായിരുന്നു.

സെലിബ്രിറ്റികൾ ആരോഗ്യ വിവരങ്ങൾ അങ്ങനെ പറയാറില്ല. പക്ഷെ നടി തീർത്തും വിപരീതമായിരുന്നു. എൻഡോമെട്രിയോസിസ് എന്ന രോഗത്തിന്റെ വേദനസഹജമായ അവസ്ഥയാണ് നടി തുറന്നു പറഞ്ഞത്.

മലയാളത്തിലെ തിരക്കുള്ള നായികയാണ് ലിയോണ. ഈ വർഷം ഇതിനോടകം മൂന്ന് സിനിമകൾ റിലീസ് ചെയ്തു കഴിഞ്ഞു. മൂന്നും ഹിറ്റായിരുന്നു. 12th മാൻ ഒടിടി റിലീസ് ആയിരുന്നു. മോഹൻലാൽ നായകനായ സിനിമയിൽ ലിയോണയുടെ വേഷം വളരെ മികച്ചതായിരുന്നു.

അഭിനയതോടൊപ്പം മോഡലിംഗിലും താരം സജീവമാണ്. നടിയുടെ അനവധി മോഡലിംഗ് ചിത്രങ്ങൾ സോഷ്യൽ മീഡിയയിൽ വൈറലാവാറുണ്ട്. നാടൻ-മോഡേൺ വ്യത്യാസമില്ലാതെ ഏതു വസ്ത്രങ്ങളും ഇണങ്ങുന്ന നടിയാണ് ലിയോണ.