ഒറ്റ നോട്ടത്തിൽ മാറിപ്പോവുന്ന നായികമാർ; അമ്പരപ്പിക്കുന്ന രൂപ സാദൃശ്യമുള്ള താരങ്ങൾ ഇവരൊക്കെ

2000 ങ്ങളിൽ മലയാള സിനിമയിൽ നിറഞ്ഞു നിന്ന നടിയാണ് മീര ജാസ്മിൻ. അതേ കാലഘട്ടത്തിൽ തന്നെ ടെലിവിഷനിലെ താരമായി മാറിയ നടിയാണ് സുചിത. ഇരട്ടകളാണെന്നേ ഇരുവരെയും കണ്ടാൽ പറയുകയുള്ളൂ. ഇരുവരുടെയും മുഖഭാവം പോലും ഒരേപോലെയാണ്. 

നടി ഷംന കാസിമിന് പല നടിമാരുടെ മുഖ സാദൃശ്യമുണ്ടെന്ന് നേരത്തെ പലരും ചൂണ്ടിക്കാണിച്ചിരുന്നു. അസിൻ, ശ്രിയ ശരൺ എന്നിവരുടെ മുഖത്തിന് ഷംനയുടെ മുഖവുമായി സാമ്യമുണ്ട്. 

തെന്നിന്ത്യയിൽ ഇന്ന് വൻ താരമൂല്യമുള്ള നടിയാണ് സായ് പല്ലവി. പ്രേമം എന്ന സിനിമയിലൂടെ അരങ്ങേറിയ നടി ഇന്ന് തെലുങ്കിലെ മുൻനിര നായിക നടിയാണ്. നടിയുമായി ഏറെ മുഖ സാമ്യമുള്ള നടിയാണ് ദൃശ്യ രഘുനാഥൻ. ഹാപ്പി വെഡ്ഡിം​ഗ് എന്ന സിനിമയിലൂടെയാണ് ദൃശ്യ പ്രേക്ഷകർക്ക് മുന്നിലെത്തിയത്. 

മലയാളികൾക്ക് പ്രിയങ്കരിയായ നടി രമ്യ നമ്പീശന്റെ മുഖ സാദൃശ്യമുള്ള നടിയാണ്  കന്നഡ, തെലുങ്ക് നടിയായ രമ്യ. ചാന്ദ്നിക്കും രമ്യ നമ്പീശനുമായി സാമ്യം ഉണ്ട്. 

ബോളിവുഡിലെ മിന്നും താരമാണ്  കത്രീന കൈഫ്. സൂപ്പർ ഹിറ്റ് നായികയായ നടിക്ക് രണ്ട് പതിറ്റാണ്ടോളമായി ഹിന്ദി സിനിമകളിൽ നിറഞ്ഞു നിൽക്കുന്നു. കത്രീന കൈഫിന്റെ അതേ രൂപ സാദൃശ്യമുള്ള നടിയാണ് സറീൻ ഖാൻ. സറീന്റെ കരിയറിനെ വരെ ഈ രൂപ സാദൃശ്യം ബാധിച്ചിട്ടുണ്ട്. സറീന തന്നെ ഇത് തുറന്നു പറയുകയും ചെയ്തിരുന്നു. കത്രീന കൈഫ് കുറച്ച് കൂടി വണ്ണം വെച്ചാൽ സറീൻ ഖാനെ പോലെ ഉണ്ടാവുമെന്ന് പലരും ചൂണ്ടിക്കാട്ടിയിട്ടുണ്ട്. 

മലയാളികളെ ഇന്നും വേദനിപ്പിക്കുന്ന സംഭവമാണ് നടി മോനിഷയുടെ മരണം. ബി​ഗ് സ്ക്രീനിലെ മുഖശ്രീയായി തിളങ്ങിയ മോനിഷ തന്റെ 21ാം വയസ്സിൽ വാഹനാപകടത്തിലാണ് മരിക്കുന്നത്. മോനിഷയുടെ അതേ മുഖസാമ്യമുള്ള നടിയാണ് ചിപ്പി. ഇരുവരെയും കണ്ടാൽ സഹോദരിമാരാണെന്നേ തോന്നുകയുള്ളൂ. 

90 കളിൽ ഹിന്ദി സിനിമകളിൽ തരം​ഗം തീർത്ത നടിയാണ് ദിവ്യ ഭാരതി. തെന്നിന്ത്യൻ സിനിമകളിൽ നിന്നും ഹിന്ദിയിലെത്തിയ നടി അവിടെ ഹിറ്റ് നായികയായി തിളങ്ങവെയായിരുന്നു അപ്രതീക്ഷിത മരണം. 1993 ൽ തന്റെ 19ാം വയസ്സിലാണ് ദിവ്യ ഭാരതി ഫ്ലാറ്റിലെ മുകൾ നിലയിൽ നിന്ന് വീണ് മരിക്കുന്നത്. പിന്നീട് വർഷങ്ങൾക്കിപ്പുറം ഈ നടിയുടെ രൂപ സാദൃശ്യം തോന്നിച്ച നടിയാണ് രംഭ. മുഖം തീർത്തും ഒരുപോലെ അല്ലെങ്കിൽ ഇരുവരും ഒരേ ഹെയർ സ്റ്റെെലിൽ വരുമ്പോൾ ഏറെ സാമ്യതകളുണ്ട്.