ആകസ്മികമായി പങ്കാളികളെ നഷ്ടപ്പെട്ടപ്പോൾ; ചെറിയ പ്രായത്തിൽ ഭർത്താക്കൻമാർ മരിച്ച നടിമാർ

ബോളിവുഡിൽ 80 കളിൽ തിളങ്ങി നിന്ന നായിക നടിയാണ് രേഖ. നടിയുടെ ഭർത്താവ് മുകേഷ് അ​ഗർവാൾ 1990 ലാണ് മരിക്കുന്നത്. ഡൽഹിയിലെ ബിസിനസ്കാരനായിരുന്നു മുകേഷ് അ​ഗർവാൾ. ആത്മഹത്യ ചെയ്യുകയായിരുന്നു ഇദ്ദേഹം. മുകേഷിന്റെ ബിസിനസിൽ തിരിച്ചടികൾ വന്നു. ഇതിനിടെ രേഖയുമായുള്ള വിവാഹ ബന്ധത്തിലും പ്രശ്നങ്ങൾ ആയി. ഇതോടെയാണ് മുകേഷ് അ​ഗർവാൾ ആത്മഹത്യ ചെയ്തത്. അന്ന് 36 വയസായിരുന്നു രേഖയ്ക്ക്. 

ബോളിവുഡ് നടി ശാന്തിപ്രിയയുടെ ഭർത്താവും നേരത്തെ മരണപ്പെട്ടതാണ്. 1999 ലാണ് ശാന്തി നടി സിദ്ധാർത്ഥ് റേയ്നെ വിവാഹം കഴിക്കുന്നത്. ഇരുവർക്കും രണ്ട് കുട്ടികളും പിറന്നു. ശാന്തിപ്രിയക്ക് 35 വയസ്സുള്ളപ്പോൾ ഭർത്താവ് ഹൃദയാഘാതം വന്ന് മരിച്ചു. അക്ഷയ് കുമാറിന്റെ സൗ​ഗദ്ധ് എന്ന സിനിമയാണ് ബോളിവുഡിൽ ശാന്തിപ്രിയയെ പ്രശസ്ത ആക്കിയത്. 

വിനോദ ലോകത്തെ പ്രമുഖ താരങ്ങളിൽ ഒരാളാണ് മന്ദിര ബേഡി. ടെലിവിഷൻ പരിപാടികളിൽ അവതാരക ആയെത്തിയ മന്ദിര പിന്നീട് സിനിമകളിലും അഭിനയിച്ചു. ഫിലിം മേക്കർ രാജ് കൗശൽ ആയിരുന്നു നടിയുടെ ഭർത്താവ്. 2021 ൽ നടിയുടെ ഭർത്താവ് ഹൃദയാഘാതം മൂലം മരണപ്പെട്ടു. ഭർത്താവ് മരണപ്പെടുമ്പോൾ നടിക്ക് 49 വയസ്സായിരുന്നു.

മുൻ നടി കയകസ്ഷൻ പട്ടേലിന്റെ ഭർത്താവ് 2019 ലാണ് മരിക്കുന്നത്. 2000 ലാണ് നടി വിവാഹിത ആയത്. അരീഫ് പട്ടേൽ ആയിരുന്നു നടിയുടെ ഭർത്താവ്. ഇരുവർക്കും രണ്ട് കുട്ടികളും ഉണ്ട്. ഹൃദയാഘാതം മൂലമാണ് അരീഖ് മരിക്കുന്നത്. ശേഷം കുട്ടികളുടെ കാര്യങ്ങൾ‌ നടി ഒറ്റയ്ക്കാണ് നോക്കുന്നത്.