'ആലിയയേയും കടത്തി വെട്ടി സാമന്ത'; സോഷ്യൽമീഡിയ പ്രമോഷന് താരങ്ങൾ വാങ്ങുന്ന പ്രതിഫലം കോടികൾ!

ബിടൗണിലെ യുവസുന്ദരി ആലിയ ഭട്ട് ഒട്ടനവധി ആരാധകരുള്ള സെലിബ്രിറ്റിയാണ്. ഏറ്റവും പ്രായം കുറഞ്ഞ മുൻനിര നടിമാരിൽ ഒരാളായ ആലിയ ബോളിവുഡിൽ തന്റേതായ ഇടം നേടാനുള്ള ശ്രമത്തിലാണ്. അവളുടെ വർധിച്ചുവരുന്ന ജനപ്രീതി എല്ലാവരേയും അത്ഭുതപ്പെടുത്തുന്നതാണ്. എല്ലാ മുൻനിര ബ്രാൻഡുകളുടേയും പ്രിയപ്പെട്ട സെലിബ്രിറ്റികളിൽ ഒരാളാണ് ആലിയ ഭട്ട്. റിപ്പോർട്ടുകൾ പ്രകാരം ഓരോ സോഷ്യൽ മീഡിയ പോസ്റ്റിനും 1 കോടി മുതലാണ് ആലിയ ഈടാക്കുന്നത്.

എല്ലാവരുടെയും ഭായിജാൻ സൽമാൻ ഖാൻ ദശലക്ഷക്കണക്കിന് ആരാധകരുള്ള നടനാണ്. വർഷങ്ങളായി അദ്ദേഹം സിനിമയുടെ ഭാഗമാണ്. സൽമാൻ സോഷ്യൽ മീഡിയ നിരന്തരമായി ഉപയോ​ഗിക്കുന്ന വ്യക്തിയല്ല. എന്നാൽ അദ്ദേഹം എന്തെങ്കിലും പോസ്റ്റുചെയ്യുമ്പോഴെല്ലാം ഇന്റർനെറ്റിൽ കൊടുങ്കാറ്റായി മാറുന്നു. റിപ്പോർട്ടുകൾ പ്രകാരം സൽമാൻ ഖാന് സോഷ്യൽ മീഡിയയിലിടുന്ന ഓരോ പോസ്റ്റിനും 50 ലക്ഷം മുതലാണ് പ്രതിഫലം ലഭിക്കുന്നത്. 

ബോളിവുഡിലെ യുവതാരമാണ് രൺവീർ സിങ്. ഏറ്റവും ജനപ്രിയ സെലിബ്രിറ്റികളിൽ ഒരാളുമാണ് താരം. സോഷ്യൽ മീഡിയയെ എങ്ങനെ മികച്ച രീതിയിൽ ഉപയോഗിക്കാമെന്നും തന്റെ ആരാധകരെ എങ്ങനെ ആകർഷിക്കണമെന്നും രൺവീറിന് അറിയാം. ഇന്റർനെറ്റ് സെൻസേഷൻ ആയതുകൊണ്ട് തന്നെ തന്റെ സോഷ്യൽ മീഡിയ ഹാൻഡിലിൽ ഏതെങ്കിലും പ്രൊമോഷണൽ പോസ്റ്റ് ഇടാൻ രൺവീർ വലിയ തുകയാണ് ഈടാക്കുന്നത്. എൺപത് ലക്ഷം മുതലാണ് ആരംഭിക്കുന്നത്. 

എല്ലാവരുടെയും പ്രിയപ്പെട്ട നടിയാണ് സാമന്ത റൂത്ത് പ്രഭു. സാമന്ത ഒരു സോഷ്യൽ മീഡിയ സെൻസേഷനാണ്. നടിയുടെ ഫാൻസ് ഫോളോയിങ് വളരെ വലുതാണ്.  നടി സോഷ്യൽമീഡിയ പ്രമോഷന് ഈടാക്കുന്നത് 2  കോടി  മുതൽ 3 കോടി രൂപ വരെയാണ്. 

നടി പ്രിയങ്ക ചോപ്ര ജോനാസ് ഇന്ത്യയിൽ മാത്രമല്ല ഹോളിവുഡിലും ഇന്റർനെറ്റ് സെൻസേഷനാണ്. വർഷങ്ങളായി അഭിനേത്രിയുടെ കരിയർ ഗ്രാഫിൽ അതിശയകരമായ വളർച്ചയാണ് നടക്കുന്നത്. ഫോർബ്‌സിന്റെ ഏറ്റവും ധനികരായ ഇൻസ്റ്റാഗ്രാം ഇൻഫ്ലൂവൻസേഴ്സിൽ ഒരാളായി റാങ്ക് ചെയ്യപ്പെട്ട പ്രിയങ്ക ചോപ്ര ജോനാസ് ഒരു സോഷ്യൽ മീഡിയ പോസ്റ്റിന് 1.80 കോടിയാണ് പ്രതിഫലമായി കൈപ്പറ്റുന്നത്. 

ബോളിവുഡ് ബാദ്ഷാ ഷാരൂഖ് ഖാനെ പരിചയപ്പെടുത്തേണ്ട ആവശ്യമില്ല. ദശാബ്ദങ്ങൾ നീണ്ട തന്റെ കരിയറിൽ തന്റെ പേര് എന്നെന്നേക്കുമായി ജന ഹൃദയങ്ങളിൽ പതിപ്പിക്കാൻ ഷാരൂഖിന് കഴിഞ്ഞു. നടന്റെ ജനപ്രീതിക്ക് അതിരുകളില്ല. എളിമയുള്ള സ്വഭാവത്തിനും വ്യക്തിത്വത്തിനും പേരുകേട്ട ഷാരൂഖ് ബി-ടൗണിലെ ഏറ്റവും ഉദാരമതിയായ നടന്മാരിൽ ഒരാളാണ്. റിപ്പോർട്ടുകൾ പ്രകാരം നടൻ  സോഷ്യൽ മീഡിയയിലെ ഓരോ പ്രമോഷണൽ പോസ്റ്റിനും 80 ലക്ഷം മുതൽ 1 കോടി വരെയാണ് ഈാക്കുന്നത്.