ആര്യ മുതൽ ശാലിനി നായർ വരെ; അധിക്ഷേപിച്ചവർക്ക് കുറിക്ക് കൊള്ളുന്ന മറുപടി കൊടുത്ത ടെലിവിഷൻ താരങ്ങൾ

സോഷ്യൽ മീഡിയ നിത്യജീവിതത്തിന്റെ ഭാഗമായതോടെ താരങ്ങളും സാധാരണ ആളുകളും വരെ നിരന്തരം നേരിടുന്ന ഒന്നാണ് സൈബർ ആക്രമണം. കൂടുതലും സ്ത്രീകളാണ് ഇത് നേരിടേണ്ടി വരുന്നത്. താരങ്ങളെ എടുത്താലും അങ്ങനെ തന്നെ. അടുത്തിടെയായി നിരവധി താരങ്ങൾ ഇതിനെതിരെ ശക്തമായി രംഗത്ത് വന്നിട്ടുണ്ട്. ടെലിവിഷൻ താരങ്ങൾ ഉൾപ്പെടെ തങ്ങളെ അധിക്ഷേപിച്ചവർക്ക് ഏറ്റവും മികച്ച മറുപടി കൊടുത്തിട്ടുണ്ട്. അത്തരത്തിൽ സൈബർ ആക്രമങ്ങളോട് ശക്തമായി പ്രതികരിച്ച ചില ടെലിവിഷൻ താരങ്ങൾ ഇതാ..

ലക്ഷ്‌മി മേനോൻ - അവതാരകനും നടനുമായ മിഥുന്റെ ഭാര്യ ലക്ഷ്മി മേനോൻ തന്റെ പോസ്റ്റിൽ മോശം കമന്റിട്ട ആൾക്കെതിരെ രംഗത്ത് വന്നിരുന്നു. ഇയാൾക്കെതിരെ ദുബായ് പോലീസിൽ താരം പരാതി നൽകി.

ശാലിനി നായർ - ബിഗ് ബോസ് സീസൺ നാലിലെ മത്സരാർത്ഥി ആയിരുന്ന ശാലിനി അടുത്തിടെ തനിക്ക് ലൈംഗിക ചുവയുള്ള മെസേജ് അയച്ച ആൾക്ക് മറുപടിയുമായി രംഗത്ത് വന്നിരുന്നു. അയാളുടെ മെസ്സേജിന്റെ സ്ക്രീൻഷോട്ടും പങ്കുവച്ചിരുന്നു.