'തമിഴ്നാട്ടുകാർ തോറ്റുപോകും...'; മലയാളി ​ഗായകർ പാടി സൂപ്പർഹിറ്റാക്കിയ തെന്നിന്ത്യൻ സിനിമ ​ഗാനങ്ങൾ!

കൂട്ടത്തിലെ കൊമ്പനാണ് ​ഗായകൻ ബെന്നി  ദയാൽ. ഭക്തമീസ് ദിൽ അടക്കം നിരവധി ഹിറ്റ് ​ഗാനങ്ങൾ ബെന്നി ദയാൽ പാടി ഹിറ്റാക്കിയിട്ടുണ്ട്. സൂര്യ ചിത്രം അയനിലും ബെന്നി ദയാൽ പിന്നണി പാടിയിട്ടുണ്ട്. 

ഹിന്ദി, തെലുങ്ക്, തമിഴ്, മലയാളം, ബംഗാളി, കന്നട എന്നീ ഭാഷകളിൽ നിരവധി ഹിറ്റ് ഗാനങ്ങൾ ആലപിച്ച ​ഗായകനാണ് അടുത്തിടെ അന്തരിച്ച കൃഷ്ണകുമാർ കുന്നത്ത്. രൺബീർ കപൂറടക്കമുള്ള നടന്മാരുടെ സിനിമകളിൽ കെകെ പാടിയിട്ടുണ്ട്. 

ഏഷ്യാനെറ്റിലെ ഐഡിയ സ്റ്റാർ സിങർ  റിയാലിറ്റി ഷോയിലൂടെ ശ്രദ്ധേയനായ ​ഗായകനാണ് യാസിൻ നിസാർ. അടുത്തിടെ ട്രെന്റിങായ അശ്വിൻ അഭിനയിച്ച യേത്തി യേത്തി എന്ന ​ഗാനം ആലപിച്ചത് യാസിൻ നിസാറാണ്. പ്രഭാസ് സിനിമ സാഹോയ്ക്ക് വേണ്ടിയും യാസിൻ നിസാർ പിന്നണി പാടിയിട്ടുണ്ട്. 

കാർത്തി തമന്ന ചിത്രം പയ്യയിലെ അടടാ മഴടാ എന്ന ഹിറ്റ് സോങ്  സൈന്ദവിക്കൊപ്പം ആലപിച്ചത് മലയാളിയായ രാഹുൽ നമ്പ്യാരാണ്. സിമ്പുവിന്റെ സിനിമ ഒസ്തിയിലെ ഒരു ഡാൻസ് നമ്പർ ആലപിച്ചിരിക്കുന്നതും രാ​ഹുൽ നമ്പ്യാരാണ്. തെലുങ്ക് താരം മഹേഷ് ബാബുവിന്റെ ചിത്രത്തിലും രാഹുൽ പിന്നണി പാടിയിട്ടുണ്ട്. 

വിജയ്-അസിൻ ജോഡി ഒരുമിച്ചെത്തി ബ്ലോക്ക് ബസ്റ്ററായ പോക്കിരിയിൽ വളരെ ഹിറ്റായൊരു റൊമാന്റിക്ക് സോങുണ്ട്. നീ മുത്തം ഒൻ‌ട്ര് കൊടുത്താലെന്ന് തുടങ്ങുന്ന ​ഗാനം ആലപിച്ചിരിക്കുന്നത് മലയാളിയായ രഞ്ജിത്ത് ​ഗോവിന്ദാണെന്നുള്ള കാര്യം അറിയില്ല. പോക്കിരിയിലെ ​ഗാനം മാത്രമല്ല അല്ലു അർജുൻ  സിനിമ ആര്യ 2വിലെ മൈ ലവ് ഈസ് ​ഗോൺ ​ഗാനം ആലപിച്ചതും രഞ്ജിത്ത് ​ഗോവിന്ദാണ്.