വേണ്ടായിരുന്നു...! തെന്നിന്ത്യന്‍ താരസുന്ദരിമാര്‍ കുറ്റബോധം പങ്കുവെച്ചപ്പോള്‍

ഒരേസമയം ഒരുപാട് സിനിമകള്‍ ചെയ്തതില്‍ തനിക്ക് കുറ്റബോധമുണ്ടെന്നാണ് ഒരിക്കല്‍ ഇലിയാന പറഞ്ഞത്. തെന്നിന്ത്യന്‍ സിനിമകളെക്കുറിച്ച് സംസാരിക്കുകയായിരുന്നു താരം.

കുടുംബത്തില്‍ നിന്നും അകന്നു പോയി എന്നാണ് ഒരിക്കല്‍ രശ്മിക പറഞ്ഞത്. തന്റെ ജോലിത്തിരക്ക് കാരണം കുഞ്ഞനുജത്തിയുടെ വളര്‍ച്ച് കാണാന്‍ സാധിച്ചില്ലെന്ന് താരം പറഞ്ഞു. ഇനി മുതല്‍ രണ്ട് ദിവസമെങ്കിലും വീട്ടുകാര്‍ക്കൊപ്പം ചെലവിടുമെന്നാണ് രശ്മികയുടെ തീരുമാനം.

ഗജിനിയില്‍ അഭിനയിച്ചതില്‍ തനിക്ക് കുറ്റബോധമുണ്ടെന്ന് നയന്‍താര ഒരിക്കല്‍ പറഞ്ഞിരുന്നു. ചിത്രത്തില്‍ നയന്‍താരയുടെ കഥാപാത്രത്തിന്റെ പ്രധാന്യം കുറവായിരുന്നുവെന്നതായിരുന്നു കാരണം. 

തന്റെ ആദ്യ ഹിന്ദി ചിത്രമായ മൊഹന്‍ജൊദാരോയായിരുന്നു പൂജയുടെ കുറ്റബോധം. ചിത്രം വന്‍ പരാജയമായിരുന്നു. പിന്നീട് തെന്നിന്ത്യന്‍ സിനിമയിലൂടെ തിരിച്ചുവരികയായിരുന്നു പൂജ. 

തെന്നിന്ത്യന്‍ സിനിമയിലെ മിന്നും താരമായ കാജല്‍ അഗര്‍വാളും കുറ്റബോധം പങ്കുവച്ചിട്ടുണ്ട്. ബോളിവുഡ് സിനിമകള്‍ തിരഞ്ഞെടുക്കുന്ന കാര്യത്തില്‍ തനിക്ക് തെറ്റ് പറ്റിയെന്നും നല്ല അവസരങ്ങള്‍ നഷ്ടപ്പെട്ടുവെന്നുമാണ് കാജല്‍ പറഞ്ഞത്.

ജീവിതത്തിലെ ഏറ്റവും വലിയ കുറ്റബോധം ടാറ്റു ചെയ്തതാണെന്നാണ് സമാന്ത പറഞ്ഞത്. നേരത്തെ തന്റെ മുന്‍ ഭര്‍ത്താവ് നാഗ ചൈതന്യയുടെ പേര് സമാന്ത പച്ച കുത്തിയിരുന്നു. ഇയ്യടുത്തായിരുന്നു ഇരുവരും വിവാഹ മോചിതരായത്.