ശുഭ മുഹൂർത്തിൽ ഒത്തുചേർന്ന് മണ്ണിലെ നക്ഷത്രങ്ങൾ; വിക്കി നയൻസ് വിവാഹവേദി താരസമ്പന്നം

സൗത്ത് ഇന്ത്യൻ താര റാണിയാണ് നയൻ‌താര. മലയാളത്തിൽ അഭിനയം തുടങ്ങിയ താരം വളരെ പെട്ടന്നാണ് സൗത്തിൽ തന്റെ താര പദവി ഉയർത്തിയത്. തമിഴ് സിനിമയിലെ ലേഡി സൂപ്പർ സ്റ്റാർ ഇന്ന് തമിഴ് സംവിധായകൻ വിഘ്‌നേശ് ശിവന്റെ ജീവിതപങ്കാളിയാവുകയാണ്.

തൊട്ടതെല്ലാം പൊന്നാക്കിയ സംവിധായകനാണ് വിഘ്‌നേഷ് ശിവൻ.വളരെ കുറച്ചു സിനിമകൾ കൊണ്ട് തന്റെ സ്ഥാനം തമിഴിൽ ഉറപ്പിക്കാൻ താരത്തിനു സാധിച്ചു.

ഏഴ് വർഷത്തെ പ്രണയത്തിനു ഒടുവിലാണ് താരങ്ങൾ ഇന്ന് ഒന്നാവുന്നത്. വിഘ്‌നേഷിന്റ നാനും റൗഡി താൻ സിനിമയിലൂടെയാണ് താരങ്ങൾ പരസ്പരം കാണുന്നതും ഇഷ്ട്ടപ്പെടുന്നതും.

വര്ഷങ്ങളായി ഇന്ത്യൻ മീഡിയകൾ ആഘോഷിക്കുകയാണ് താരങ്ങളുടെ പ്രണയ വാർത്തകൾ. പലപ്പോഴും ഇരുവരും വിവാഹിതരായി എണ്ണത്തരത്തിലുള്ള വാർത്തകൾ പുറത്തു വന്നിരുന്നു.

ബോളിവുഡ് ബാദ്ഷാ ഷാറുഖ് ഖാൻ, സംവിധായകൻ അറ്റ്ലീ, അദ്ദേഹത്തിന്റെ ഭാര്യ തുടങ്ങിയവർ എത്തിയിട്ടുണ്ട്. വിക്കി നയൻസിന്റെ ഏറ്റവും അടുത്ത കൂട്ടുകാരനാണ് വിജയ് സേതുപതി. താരവും ചടങ്ങിൽ എത്തിയിട്ടുണ്ട്.