സീരിയല്‍ നടിമാര്‍ ഒരു ദിവസം വാങ്ങിക്കുന്ന പ്രതിഫലം ഇത്രയും വലിയ തുകയോ? വൈറലാവുന്ന റിപ്പോര്‍ട്ടിങ്ങിനെ

സിനിമാ താരങ്ങളെക്കാളും ജനപ്രീതിയാണ് സീരിയല്‍ താരങ്ങള്‍ക്കുള്ളത്. കുടുംബപ്രേക്ഷകരുടെ ഇഷ്ടം നേടിയെടുത്ത പല സീരിയല്‍ നടിമാര്‍ക്കും ഓരോ ദിവസവും ലഭിക്കുന്ന പ്രതിഫലത്തെ സംബന്ധിച്ചുള്ള അനൗദ്യോഗിക വിവരങ്ങളാണ് പുറത്ത് വന്നിരിക്കുന്നത്. 

കുടുംബവിളക്ക് സീരിയലിന്റെ കേന്ദ്രമാണ് സുമിത്ര എന്ന വീട്ടമ്മ. ഈ വേഷം അവതരിപ്പിക്കുന്നത് നടി മീര വാസുദേവനാണ്. സുമിത്രയായി അഭിനയിക്കുന്നതിന് ഒരു ദിവസം എട്ടായിരം രൂപ മീരയ്ക്ക് ലഭിക്കുന്നുണ്ടെന്നാണ് വിവരം. 

സാന്ത്വനം സീരിയലിലെ അഞ്ജലി എന്ന കഥാപാത്രത്തെ അവതരിപ്പിക്കുന്ന നടി ഗോപിക അനിലിന് ഒരു ദിവസം അയ്യായിരം രൂപ വീതം ലഭിക്കുന്നുണ്ടെന്നാണ് വിവരം. ശിവാഞ്ജലി എന്ന കോംബോയിലൂടെ പ്രേക്ഷക പ്രശംസ നേടാന്‍ ഗോപികയ്ക്ക് സാധിച്ചിരുന്നു. 

അമ്മയറിയാതെ സീരിയലിലെ അലീന ടീച്ചറാണ് നടി ശ്രീതു കൃഷണന്‍. സീരിയലിലെ പ്രധാന നായികയും ശ്രീതുവിന്റെ കഥാപാത്രമാണ്. ഒരു ദിവസത്തെ  എപ്പിസോഡിന് അയ്യായിരം രൂപയാണ് ശ്രീതു വാങ്ങിക്കുന്നത്.  

കൂടെവിടെ സീരിയലിലെ സൂര്യ കൈമിള്‍ എന്ന കഥാപാത്രത്തിലൂടെ ശ്രദ്ധേയായിരിക്കുകയാണ് നടി അന്‍ഷിത അന്‍ഷി. മലയാളത്തിന് പുറമേ തമിഴ് സീരിയലിലും സജീവമായി അഭിനയിക്കുന്ന അന്‍ഷിത മലയാളത്തില്‍ ഒരു എപ്പിസോഡിന് അയ്യായിരം രൂപയാണ് വാങ്ങിക്കുന്നത്. 

സംസാരിക്കാന്‍ പറ്റാത്ത കല്യാണി എന്ന കഥാപാത്രത്തെയാണ് നടി ഐശ്വര്യ റംസായി അവതരിപ്പിക്കുന്നത്. മൗനരാഗം സീരിയലിലെ ഈ വേഷം ഐശ്വര്യയുടെ ജീവിതത്തില്‍ തന്നെ വഴിത്തിരിവായി. സീരിയലിലെ ഒരു എപ്പിസോഡിന് അയ്യായിരത്തി അഞ്ഞൂറ് രൂപയാണ് നടി വാങ്ങിക്കുന്നത്.

പാടാത്ത പൈങ്കിളി സീരിയലിലെ നായികയാണ് കണ്മണി. നടി മനീഷ മഹേഷാണ് കണ്മണിയായി തിളങ്ങി നില്‍ക്കുന്നത്. ഒരു ദിവസത്തെ സീരിയലിലെ അഭിനയത്തിന് അയ്യായിരം രൂപയാണ് മനീഷയും വാങ്ങിക്കുന്നത്.