രാജാവിന്റെ മകൻ മുതൽ ലൂസിഫർ വരെ; തെലുങ്കിലേക്ക് റീമേക്ക് ചെയ്യപ്പെട്ട മോഹൻലാൽ സിനിമകൾ

മലയാളം സിനിമകൾ അന്യഭാഷകളിലേക്ക് റീമേക്ക് ചെയ്യുന്നത് സ്ഥിരം കാഴ്ചയാണ്. നിരവധി പ്രിയദർശൻ ചിത്രങ്ങൾ അങ്ങനെ മറ്റു ഭാഷകളിലേക്ക് റീമേക്ക് ചെയ്യപ്പെട്ടിട്ടുണ്ട്. ഒരുപക്ഷെ മോഹൻലാൽ ചിത്രങ്ങളാകും അങ്ങനെ റീമേക്ക് ചെയ്തവയിൽ കൂടുതൽ. പൃഥ്വിരാജ് - മോഹൻലാൽ കൂട്ടുകെട്ടിൽ ഒരുങ്ങിയ ലൂസിഫർ ആണ് ഒടുവിൽ റീമേക്ക് ചെയ്യപ്പെട്ട ചിത്രം. തെലുങ്കിലേക്ക് ആണ് ചിത്രം റീമേക്ക് ചെയ്യപ്പെട്ടത്. ഇതിനു മുൻപും നിരവധി മോഹൻലാൽ സിനിമകൾ തെലുങ്കിലേക്ക് റീമേക്ക് ചെയ്യപ്പെട്ടിട്ടുണ്ട്. അവ പരിചയപ്പെടാം.

ഗാന്ധിനഗർ സെക്കൻഡ് സ്ട്രീറ്റ്: 1986 ൽ പുറത്തിറങ്ങിയ ഈ ചിത്രം 1987 ൽ ഗാന്ധി നഗർ രണ്ടവെ വീഥി എന്ന പേരിൽ റിലീസ് ചെയ്തു.

ഇരുപതാം നൂറ്റാണ്ട്: 1987 ൽ പുറത്തിറങ്ങിയ ചിത്രം 20 വാ ശതാബ്ദം എന്ന പേരിൽ 1990 ൽ തെലുങ്കിൽ എത്തി.

അഭിമന്യു: 1991 ൽ പുറത്തിറങ്ങിയ നഗരം എന്ന പേരിൽ 2008 ൽ തെലുങ്കിലെത്തി.

ദൗത്യം - 1989 ൽ ഇറങ്ങിയ ഈ ചിത്രം അഡവിയിൽ അഭിനമന്യുഡു എന്ന പേരിൽ ആ വര്ഷം തന്നെ തെലുങ്കിലും എത്തി.

മൂന്നാംമുറ: 1988 ൽ എത്തിയ ചിത്രം മഗാഡു എന്ന പേരിൽ 1990 ൽ തെലുങ്കിൽ റീമേക്ക് ചെയ്തു.