ഏറ്റവും കൂടുതല്‍ മോഹന്‍ലാലിന്; മലയാള താരങ്ങളുടെ പ്രതിഫലം ഇങ്ങനെ!

കരിയറിലെ മികച്ച ഘട്ടത്തിലൂടെ കടന്നു പോവുകയാണ് മമ്മൂട്ടി ഇപ്പോള്‍. നാല് മുതല്‍ പത്ത് കോടി വരെയാണ് മമ്മൂട്ടിയുടെ പ്രതിഫലം. കാശൊന്നും വാങ്ങാതെ നല്ല സിനിമയില്‍ അഭിനയിച്ച ചരിത്രവും അദ്ദേഹത്തിനുണ്ട്.

മലയാളത്തിന്റെ മിന്നും താരമാണ് ഫഹദ് ഫാസില്‍. തന്റെ അഭിനയത്തിലൂടെ കയ്യടി നേടിയ ഫഹദ് മറ്റ് ഭാഷകളിലും സാന്നിധ്യം അറിയിച്ചിട്ടുണ്ട്. മൂന്നര മുതല്‍ ആറ് കോടി വരെയാണ് ഫഹദിന്റെ പ്രതിഫലം.

മലയാളത്തിന്റെ സൂപ്പര്‍ താരം മോഹന്‍ലാലിന്റെ പ്രതിഫലം എട്ട് മുതല്‍ 17 കോടി വരെയാണ്. മലയാളത്തില്‍ ഏറ്റവും കൂടുതല്‍ പ്രതിഫലം വാങ്ങുന്നത് മോഹന്‍ലാല്‍ ആണ്. ബിഗ് ബോസില്‍ നിന്നും മോഹന്‍ലാലിന് ലഭിക്കുന്നത് 12 കോടിയാണ്.

മലയാളത്തിന്റെ യൂത്ത് ഐക്കണ്‍ ആണ് ദുല്‍ഖര്‍ സല്‍മാന്‍. കുഞ്ഞിക്കയുടെ പ്രതിഫലം മൂന്ന് മുതല്‍ എട്ട് കോടി വരെയാണ്.  മറ്റ് ഭാഷകളിലും താരമാണ് ദുല്‍ഖര്‍.

മലയാള സിനിമയിലെ പവര്‍ ഹൗസ് ആണ് പൃഥ്വിരാജ് മൂന്ന് മുതല്‍ ഏഴ് കോടി വരെയാണ് അഭിനയത്തിന് പൃഥ്വിയുടെ പ്രതിഫലം. നിര്‍മ്മാതാവും സംവിധായകനും വിതരണക്കാരനുമൊക്കെയാണ് പൃഥ്വി.

ഒരിടവേളയ്ക്ക് ശേഷം ശക്തമായി തിരികെ വന്നിരിക്കുകയാണ് സുരേഷ് ഗോപി. ഒരു കോടി മുതല്‍ മൂന്ന് കോടി വരെയാണ് സുരേഷ് ഗോപിയുടെ പ്രതിഫലം. 

മലയാള സിനിമയിലെ യൂത്ത് ഐക്കണ്‍ ആയ ടൊവിനോ തോമസ് വാങ്ങുന്നത് ഒന്നര മുതല്‍ മൂന്ന് കോടി വരെയാണ്. മിന്നല്‍ മുരളിയുടേയും തല്ലുമാലയുടേയും വിജയം ടൊവിനോയുടെ താരമൂല്യം കൂട്ടുമെന്നുറപ്പാണ്.

മലയാള സിനിമയിലെ ജനപ്രീയ താരമാണ് നിവിന്‍ പോളി. താരകുടുംബത്തിന്റെ പിന്‍ബലമില്ലാതെ താരമായി മാറിയ നടന്‍. നിവിന്‍ പോളി ഒരു സിനിമയ്ക്ക് വാങ്ങുന്നത് മൂന്ന് മുതല്‍ ആറ് കോടി വരെയാണ്.