‌ഷാരൂഖിന്റെ നായികയാകാൻ നയൻസിന് പത്ത് കോടി, ഡാൻസിന് മാത്രം അഞ്ച് കോടി വാങ്ങുന്ന സാമന്ത, നടിമാരുടെ പ്രതിഫല പട്ടിക ഇങ്ങനെ!

തെന്നിന്ത്യൻ സിനിമാ ലോകത്ത് അറിയപ്പെടുന്ന നടിയാണ് രശ്മിക മന്ദാന. തെന്നിന്ത്യയിൽ തുടരെ തുടരെ വിജയങ്ങൾ നേടിയ താരം ഇപ്പോൾ അമിതാഭ് ബച്ചനും നീന ഗുപ്തയ്ക്കുമൊപ്പം ഗുഡ്‌ബൈ എന്ന ചിത്രത്തിലൂടെ  ബോളിവുഡിൽ അരങ്ങേറ്റം കുറിക്കാനൊരുങ്ങുകയാണ്. സിദ്ധാർഥ് മൽഹോത്രയ്‌ക്കൊപ്പം മിഷൻ മജ്‌നുവിലും രശ്മിക അഭിനയിക്കുന്നുണ്ട്.  കൂടാതെ സന്ദീപ് റെഡ്ഡി വംഗയുടെ ആനിമലിൽ രൺബീർ കപൂറിന്റെ നായികയായും രശ്മിക എത്തുന്നുണ്ട്.  ഒരു ചിത്രത്തിന് രശ്മിക മൂന്ന് കോടി രൂപയാണ് പ്രതിഫലമായി ഈടാക്കുന്നത്.

അല്ലു അർജുൻ സിനിമ പുഷ്പയിലെ ഐറ്റം ഡാൻസിലൂടെ തന്റെ മാർക്കറ്റ് വാല്യു കുത്തനെ ഉയർത്തിയ നായികയായണ് സാമന്ത. പുഷ്പയിലെ പ്രകടനത്തിന് ശേഷം സാമന്തയെ തേടി നിരവധി അവസരങ്ങളാണ് വരുന്നത്. സിനിമയിലെ തന്റെ കഥാപാത്രത്തിന്റെ ദൈർഘ്യത്തിന് അനുസരിച്ച് മൂന്ന് മുതൽ അഞ്ച് കോടി രൂപ വരെയാണ് താരം പ്രതിഫലമായി വാങ്ങുന്നത്. 

ബാഹുബലി അടക്കമുള്ള സീരിസുകളിലൂടെ പ്രേക്ഷകരുടെ പ്രിയങ്കരിയായി മാറിയ അനുഷ്ക ഷെട്ടി ഇപ്പോൾ നാല് കോടി രൂപയാണ് പ്രതിഫലമായി ഈടാക്കുന്നത്. നാൽപ്പതിലെത്തി നിൽക്കുന്ന താരത്തിന്റെ അവസാനം പുറത്തിറങ്ങിയ സിനിമ നിശബ്ദമാണ്. അനുഷ്‌ക ഇപ്പോൾ നവീനൊപ്പം ഒരു സിനിമ ചെയ്യുന്ന തിരക്കിലാണ് ചിത്രത്തിൽ ഇന്റർനാഷണൽ ഷെഫിന്റെ വേഷമാണ് താരത്തിന്. 

സൗത്ത് ഇന്ത്യയിലെ മറ്റൊരു വിലപിടിപ്പുള്ള നടിയാണ് രാ​കുൽ പ്രീത് സിങ്. അജയ് ദേവ്ഗൺ സംവിധാനം ചെയ്ത റൺവെ 24ലാണ് രാകുൽ പ്രീത് സിങ് അവസാമായി അഭിനയിച്ചത്. സിനിമകൾ ചെയ്യുന്തിന് 3.5 കോടി രൂപയാണ് താരം ഈടാക്കുന്നത്. ആയുഷ്മാൻ ഖുറാനയ്‌ക്കൊപ്പമുള്ള ഡോക്ടർ ജി, ഛത്രിവാലി എന്നിവയിലാണ് ഇനി റിലീസിനെത്താനുള്ള രാകുൽ പ്രീത് സിങ് സിനിമകൾ.