പരാജയമോ, അതെന്ത്? ചെയ്ത സിനിമകളൊക്കെ ഹിറ്റാക്കിയ സംവിധായകര്‍

നടനായും സംവിധായകനായും കയ്യടി നേടിയ താരമാണ് ബേസില്‍ ജോസഫ്. കുഞ്ഞിരാമായണം, ഗോദ, മിന്നല്‍ മുരളി എന്നീ ഹിറ്റുകളാണ് ഇതുവരെ ബേസിലൊരുക്കിയിരിക്കുന്നത്. ഓരോ സിനിമയും ബേസിലിന്റെ ഗ്രാഫ് ഉയര്‍ത്തിയതാണ്.

വിനീത് ശ്രീനിവാസന്‍ തൊട്ടതെല്ലാം പൊന്നാക്കിയതാരമാണ്. സംവിധാനം ചെയ്ത സിനിമകളെല്ലാം വിജയം നേടിയവയായിരുന്നു. അതിനാല്‍ വിനീതിന്റെ ഓരോ സിനിമയും പ്രതീക്ഷയോടെയാണ് ആരാധകര്‍ കാത്തിരിക്കുന്നത്.

വടക്കുനോക്കിയന്ത്രവും ചിന്താവിഷ്ടയായ ശ്യാമളയും സംവിധാനം ചെയ്തത് ശ്രീനിവാസന്‍ ആയിരുന്നു. രണ്ട് ചിത്രങ്ങളും മികച്ച വിജയങ്ങളും നിരൂപക പ്രശംസ നേടിയവയായിരുന്നു. 

ലൂസിഫറിലൂടെയാണ് പൃഥ്വിരാജ് സംവിധായകനാകുന്നത്. ഈ ചിത്രം മെഗാ ഹിറ്റായി മാറി. പിന്നീട് ബ്രോ ഡാഡിയിലൂടെ മോഹന്‍ലാലിന് വീണ്ടുമൊരു ഹിറ്റ് നല്‍കാന്‍ പൃഥ്വിയ്ക്ക് സാധിച്ചു. ഇനി കാത്തിരിക്കുന്നത് ഏമ്പുരാന് വേണ്ടിയാണ്.

ദിലീഷ് പോത്തനും ഇതുവരേയും പരാജയം അറിഞ്ഞിട്ടില്ല. മഹേഷിന്റെ പ്രതികാരം, തൊണ്ടിമുതലും ദൃക്‌സാക്ഷിയും, ജോജി എന്നീ ചിത്രങ്ങളാണ് ഇതുവരെ ചെയ്തത്. മലയാളികള്‍ക്കിടയില്‍ പോത്തേട്ടന്‍ ബ്രില്യന്‍സ് വലിയ കയ്യടി നേടി മൂന്ന് വട്ടവും.

എഡിറ്ററായി വന്ന മഹേഷ് നാരായണന്‍ ടേക്ക് ഓഫിലൂടെയാണ് സംവിധായകന്‍ ആകുന്നത്. പിന്നെ വന്ന സി യു സൂണും മാലിക്കും വിജയങ്ങളാണ്. അറിയിപ്പാണ് മഹേഷിന്റെ പുതിയ ചിത്രം.

ചെയ്ത രണ്ട് സിനിമകളും ഹിറ്റാക്കി മാറ്റിയ സംവിധായകനാണ് അല്‍ഫോണ്‍സ് പുത്രന്‍. നേരവും പ്രേമവുമാണ് പുത്രന്‍ ഒരുക്കിയത്. രണ്ടും മികച്ച വിജയങ്ങളും പാത്ത് ബ്രേക്കിംഗുമായിരുന്നു. അല്‍ഫോണ്‍സിന്റെ ഗോള്‍ഡ് റിലീസിന് തയ്യാറെടുക്കുകയാണ്.