twitter
    bredcrumb

    മഴയൊക്കയല്ലേ, കട്ടനൊപ്പം ഈ സിനിമകളും ആയാലോ?

    By
    | Published: Friday, July 15, 2022, 21:47 [IST]
    മഴക്കാലത്ത് കാണാന്‍ ചില മലയാളം സിനിമകള്‍

    മഴയൊക്കയല്ലേ, കട്ടനൊപ്പം ഈ സിനിമകളും ആയാലോ?
    1/8
    മഹേഷിന്റെ പ്രതികാരം: മഴ മഹേഷിന്റെ പ്രതികാരത്തിന്റെ ക്യാന്‍വാസാണെന്ന് പറയാം. ചെറിയ ചാറ്റല്‍ മഴയുടെ നനവും ഈര്‍പ്പവും സുഖവും തൊട്ടറിയാന്‍ സാധിക്കും ദിലീഷ് പോത്തന്റെ ആദ്യ സിനിമയായ മഹേഷിന്റെ പ്രതികാരത്തില്‍. ഫഹദ് ഫാസിലും അപര്‍ണ ബാലമുരളിയുമാണ് പ്രധാന വേഷത്തിലെത്തിയത്. 

    മഴയൊക്കയല്ലേ, കട്ടനൊപ്പം ഈ സിനിമകളും ആയാലോ?
    2/8
    മഴ: ബിജു മേനോനും സംയുകത വര്‍മയും പ്രധാന വേഷത്തിലെത്തിയ മഴ ഒരുക്കിയത് ലെനിന്‍ രാജേന്ദ്രനായിരുന്നു. മാധവിക്കുട്ടിയുടെ നഷ്ടപ്പെട്ട നീലാമ്പരിയെ ആസ്പദമാക്കിയൊരുക്കിയ സിനിമയാണ് മഴ.

    മഴയൊക്കയല്ലേ, കട്ടനൊപ്പം ഈ സിനിമകളും ആയാലോ?
    3/8
    തൂവാനത്തുമ്പികള്‍:  മഴയെന്നാല്‍ മലയാളികള്‍ക്ക് ക്ലാരയാക്കി പത്മാരജന്റെ എവര്‍ ഗ്രീന്‍ സിനിമ. മോഹന്‍ലാല്‍, സുമലത, പാര്‍വതി എന്നിവര്‍ പ്രധാന വേഷത്തിലെത്തിയ സിനിമയില്‍ മഴ ഒരു കഥാപാത്രം തന്നെയാണ്.

    മഴയൊക്കയല്ലേ, കട്ടനൊപ്പം ഈ സിനിമകളും ആയാലോ?
    4/8
    വൈശാലി: ഭരതന്‍ സംവിധാനം ചെയ്ത ക്ലാസിക്ക് ആണ് വൈശാലി. മഴയില്ലാത്ത രാജ്യത്തിലേക്ക് മഴ കൊണ്ടു വരാനായി ഋഷ്യശൃംകനെന്ന മുനികുമാരനെ വശീകരിക്കാന്‍ പോകുന്ന നായികയുടെ കഥ പറയുന്ന സിനിമ. സഞ്ജയ് മിത്രയും സുപര്‍ണ ആനന്ദുമാണ് പ്രധാന വേഷത്തിലെത്തിയത്. 

    മഴയൊക്കയല്ലേ, കട്ടനൊപ്പം ഈ സിനിമകളും ആയാലോ?
    5/8
    ബ്യൂട്ടിഫുള്‍: മഴ ബ്യൂട്ടിഫുള്ളില്‍ ഒരു മുഴുനീള കഥാപാത്രമല്ലെങ്കിലും മഴയുടെ മനോഹരമായ കാമിയോ റോളുള്ള സിനിമയാണ് ബ്യൂട്ടിഫുള്‍. മഴയുടെ സൗന്ദര്യവും പ്രണയ ഭാവവും ബ്യൂട്ടിഫുള്ളില്‍ കാണാം. ജയസൂര്യയും അനൂപ് മേനോനുമാണ് ചിത്രത്തിലെ പ്രധാന താരങ്ങള്‍. വികെ പ്രകാശാണ് സംവിധാനം.

    മഴയൊക്കയല്ലേ, കട്ടനൊപ്പം ഈ സിനിമകളും ആയാലോ?
    6/8
    പെരുമഴക്കാലം: പേരു പോലെ തന്നെ തുടക്കം മുതല്‍ ഒടുക്കം വരെ മഴയുള്ള സിനിമയാണ് പെരുമഴക്കാലം. മഴയുടെ വിഷാദഭാവമാണ് പെരുമഴക്കാലത്തില്‍ കാണാന്‍ സാധിക്കുന്നത്. മീര ജാസ്മിന്‍, കാവ്യ മാധവന്‍, ദിലീപ് തുടങ്ങിയവര്‍ പ്രധാന വേഷത്തിലെത്തിയ സിനിമയുടെ സംവിധാനം കമല്‍ ആയിരുന്നു.

    മഴയൊക്കയല്ലേ, കട്ടനൊപ്പം ഈ സിനിമകളും ആയാലോ?
    7/8
    നരന്‍: മലയാളത്തിന്റെ ഏറ്റവും വലിയ ഹീറോകളില്‍ ഒരാളായ മുള്ളംകൊല്ലി വേലായുധന്റെ കഥ പറഞ്ഞ സിനിമയാണ് നരന്‍. ജോഷിയൊരുക്കിയ നരനില്‍ മഴയും പുഴയുമൊക്കെ ഒരു കഥാപാത്രമാണ്. വേലായുധന്റെ മനസറിയുന്ന പുഴയേയും മഴയേയും നരനില്‍ കാണാം.

    മഴയൊക്കയല്ലേ, കട്ടനൊപ്പം ഈ സിനിമകളും ആയാലോ?
    8/8
    യവനിക: മഴയ്ക്ക് സ്‌നേഹവും വിഷമവും മാത്രമല്ല ഭീതിയും അനുഭവിപ്പിക്കാന്‍ സാധിക്കുമെന്ന് കാണിച്ചു തന്ന സിനിമ. മലയാളത്തിന്റെ ക്ലാസിക് സംവിധായകന്‍ കെജി ജോര്‍ജ് ഒരുക്കിയ സിനിമ. ഭരത് ഗോപി, മമ്മൂട്ടി, ജലജ എന്നിവര്‍ ഒരുമിച്ച യവനിക മലയാളത്തിലെ എക്കാലത്തേയും മികച്ച സിനിമകളിലൊന്നാണ്.

    X
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X