തിരുമ്പി വന്തിട്ടേന്ന് സൊല്ല്...; സൂപ്പര്‍ താരങ്ങളുടെ തിരിച്ചുവരവ് സിനിമകള്‍

സൂരേഷ് ഗോപിയുടെ തിരിച്ചുവരവ് സമീപകാലത്തെ വലിയ ചര്‍ച്ചാ വിഷയങ്ങൡലൊന്നാണ്. ഒരിടവേളയ്ക്ക് ശേഷം സുരേഷ് ഗോപി തിരികെ വരുന്നത് വരനെ ആവശ്യമുണ്ട് എന്ന സിനിമയിലൂടെയാണ്. ഇപ്പോള്‍ വീണ്ടും സജീവമായി മാറിയിരിക്കുകയാണ് താരം. 

മഞ്ജു വാര്യര്‍ തിരിച്ചുവന്ന ചിത്രമാണ് ഹൗ ഓള്‍ഡ് ആര്‍ യു? റോഷന്‍ ആന്‍ഡ്രൂസ് ആയിരുന്നു സിനിമയുടെ സംവിധാനം. മലയാളത്തിന്റെ ലേഡി സൂപ്പര്‍ സ്റ്റാര്‍ ആണ് മഞ്ജു ഇന്ന്.

മമ്മൂട്ടിയുടെ ശക്തമായ തിരിച്ചുവരവ് സമ്മാനിച്ച സിനിമയാണ് ന്യൂഡല്‍ഹി. ജോഷി സംവിധാനം ചെയ്ത ചിത്രം മലയാള സിനിമയില്‍ തന്നെ ഒരു നാഴികക്കല്ലായിരുന്നു.

നോട്ട്ബുക്കിലൂടെ അരങ്ങേറിയ താരമാണ് പാര്‍വതി. ബാംഗ്ലൂര്‍ ഡെയ്‌സിലൂടെയാണ് ഒരിടേവളയ്ക്ക് ശക്തമായി പാര്‍വതി തിരികെ വരുന്നത്. പിന്നാലെ വന്ന സിനിമകളൊക്കെ വന്‍ വിജയങ്ങളായിരുന്നു.

മോഹന്‍ലാലിന്റെ തിരിച്ചുവരവിന് സാക്ഷ്യം വഹിച്ച സിനിമയാണ് ബാലേട്ടന്‍. തുരുതുരാ വന്ന മാസ് ചിത്രങ്ങളുടെ പരാജയത്തിന് ശേഷം വീണ്ടും മോഹന്‍ലാല്‍ ഉയര്‍ന്നു വന്ന ചിത്രമാണ് ബാലേട്ടന്‍.

തുടര്‍ച്ചയായ പതിമൂന്ന് പരാജയങ്ങള്‍ക്ക് ശേഷം ജയറാം തിരികെ വന്ന ചിത്രമാണ് വെറുതെ ഒരു ഭാര്യ. ഇപ്പോഴും സമാനമായൊരു തിരിച്ചുവരവിനായി കാത്തിരിക്കുകയാണ് ജയറാം.

സിനിമയില്‍ നിന്നും ഒരിടവേളയെടുത്ത ശേഷം കുഞ്ചാക്കോ ബോബന്‍ തിരികെ വന്ന ചിത്രം എല്‍സമ്മ എന്ന ആണ്‍കുട്ടിയായിരുന്നു. ഇന്ന് തന്റെ ചോക്ലേറ്റ് ബോയ് ഇമേജിന് അപ്പുറത്ത് മലയാള സിനിമയിലെ മിന്നും താരമാണ് കുഞ്ചാക്കോ ബോബന്‍.

ആദ്യ ചിത്രത്തിന്റെ പരാജയത്തോടെ നാടു വിട്ട ഫഫദ് ഫാസില്‍ തിരികെ വരുന്നത് കേരള കഫെയിലൂടെയായിരുന്നു. ചാപ്പാ കുരിശാണ് ഈ തിരിച്ചുവരവിലെ ഏറ്റവും നിര്‍ണായകമായ ചിത്രം. പിന്നീട് മലയാള സിനിമയുടെ പുതിയ മുഖമായി മാറുകയായിരുന്നു ഫഹദ്.