താരമാക്കിയത് കുടുംബമല്ല, ആരാധകര്‍! ഒറ്റയ്ക്ക് വന്ന് സൂപ്പര്‍ താരമായവര്‍

ബോളിവുഡിലെ ഏറ്റവും വലിയ താരമാണ് ഷാരൂഖ് ഖാന്‍. താരകുടംബത്തിന്റെ പാരമ്പര്യമില്ലാതെയാണ് കിങ് ഖാനായി ഷാരൂഖ് വളര്‍ന്നത്. ടെലിവിഷനിലൂടെയായിരുന്നു ഷാരൂഖ് ഖാന്‍ കരിയര്‍ ആരംഭിച്ചത്.

കരിയറിന്റെ തുടക്കത്തില്‍ നിരന്തരം പരാജയങ്ങള്‍ ഏറ്റുവാങ്ങിയിട്ടും തളാരാതെ പോരാടിയാണ് വിദ്യ ബാലന്‍ സൂപ്പര്‍ താരമാകുന്നത്. ഇന്ന് പുരുഷ സൂപ്പര്‍ താരങ്ങളുമായി ബോക്‌സ് ഓഫീസില്‍ മത്സരിക്കാന്‍ സാധിക്കുന്നവരില്‍ ഒരാളാണ് വിദ്യ. 

ബോളിവുഡിലെ സൂപ്പര്‍ താരങ്ങളില്‍ ഒരാളാണ് അക്ഷയ് കുമാര്‍. കുടുംബ പാരമ്പര്യമില്ലാതെയാണ് അക്ഷയ് കുമാര്‍ ബോളിവുഡിലെത്തുന്നതും താരമായി മാറുന്നതും.

തന്റെ 25-ാം വയസില്‍ നിര്‍മ്മാണ കമ്പനി തുടങ്ങിയ സൂപ്പര്‍ താരമാണ് അനുഷ്‌ക ശര്‍മ. താരമെന്നത് പോലെ തന്നെ നിര്‍മ്മാതാവ് എന്ന നിലയിലും ബോളിവുഡിലെ ശക്തമായ സാന്നിധ്യമാണ് അനുഷ്‌ക.

മികച്ച നടിക്കുള്ള ദേശീയ പുരസ്‌കാരം അടക്കം നേടിയ നടിയാണ് കങ്കണ റണാവത്. വിവാദ നായികയായ കങ്കണ നിരന്തരം നെപ്പോട്ടിസത്തിനെതിരെ സംസാരിക്കുകയും ചെയ്യാറുണ്ട്.

തന്റെ കഠിനാധ്വാനത്തിലൂടെ ഗ്ലോബല്‍ ഐക്കണായി മാറിയ താരമാണ് പ്രിയങ്ക ചോപ്ര. യാതൊരു കുടുംബ പാരമ്പര്യവും അവകാശപ്പെടാനില്ലാത്ത പ്രിയങ്കയുടെ തുടക്കം മോഡലിംഗിലൂടെയായിരുന്നു

ബോളിവുഡില്‍ പാരമ്പര്യത്തിന് പകരം കഴിവുകൊണ്ട് തന്നെ അടയാളപ്പെടുത്തിയ താരമാണ് നവാസുദ്ദീന്‍ സിദ്ധീഖി. ഒടിടിയുടെ വളര്‍ച്ച നവാസുദ്ദീനെ സൂപ്പര്‍ താരങ്ങള്‍ക്കൊപ്പം എത്തിക്കുകയും ചെയ്തു.