പൊന്നിയിൻ സെൽവനിൽ കൂടുതൽ പ്രതിഫലം ഐശ്വര്യക്കല്ല; താരങ്ങളുടെ പ്രതിഫലമിങ്ങനെ

സംവിധായകൻ മണിരത്നത്തിന്റെ ഏറ്റവും പുതിയ ചിത്രമാണ് പൊന്നിയിൻ സെൽവൻ. തെന്നിന്ത്യൻ പ്രേക്ഷകർ ഒന്നാകെ കാത്തിരിക്കുന്ന ചിത്രത്തിൽ ഐശ്വര്യ റായ്, വിക്രം, തൃഷ, കാർത്തി, ജയം രവി, പ്രഭു, റഹ്മാൻ, ശോഭിത ധുലിപാല, ഐശ്വര്യ ലക്ഷ്മി തുടങ്ങിയ വമ്പൻ താരനിരയാണ് അണിനിരക്കുന്നത്. ഇത്രയും വലിയ താര നിര അണിനിരക്കുന്ന ഈ ബ്രഹ്മാണ്ഡ ചിത്രത്തിന്റെ ബഡ്‌ജറ്റ്‌ 500 കോടിയാണെന്നാണ് പറയപ്പെടുന്നത്.

വിക്രം - തമിഴകത്തിന്റെ സൂപ്പർ താരം വിക്രമാണ് ചിത്രത്തിൽ മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. കാരികാലൻ എന്ന കഥാപാത്രത്തെയാണ് വിക്രം അവതരിപ്പിക്കുന്നത്. ചിത്രത്തിനായി 12 കോടിയാണ് വിക്രം വാങ്ങുന്നത് എന്നാണ് വിവരം.

തൃഷ - പ്രശസ്ത തെന്നിന്ത്യൻ നടി തൃഷ കൃഷ്ണൻ കുന്ദവ രാജകുമാരിയുടെ വേഷത്തിലാണ് എത്തുന്നത്, ഈ ചിത്രത്തിന് 2.5 കോടിയാണ് തൃഷയുടെ പ്രതിഫലം എന്നാണ് പറയുന്നത്.

ഐശ്വര്യ ലക്ഷ്മി - മലയാളി താരം ഐശ്വര്യ ലക്ഷ്മി പുങ്കുഴലിയായിട്ടാണ് ചിത്രത്തിൽ അഭിനയിക്കുന്നത്. ചിത്രത്തിൽ ഒന്നരക്കോടി രൂപയാണ് താരത്തിന്റെ പ്രതിഫലം എന്നാണ് വിവരം.

പ്രഭു - തെന്നിന്ത്യൻ താരം പ്രഭു പെരിയ വേളാർ ബൂത്തി വിക്രംകേസരിയായിട്ടാണ് അഭിനയിക്കുന്നത്. ചിത്രത്തിനായി താരം 1.25 കോടി രൂപ വാങ്ങിയതായാണ് വിവരം.

പ്രകാശ് രാജ് - സുന്ദർ ചോള എന്ന കഥാപാത്രത്തെയാണ് പ്രകാശ് രാജ് ചിത്രത്തിൽ അവതരിപ്പിക്കുന്നത്. ഒരു കോടി രൂപയാണ് ചിത്രത്തിനായി താരം വാങ്ങുന്നതെന്നാണ് റിപ്പോർട്ട്.