പാപ്പൻ മുതൽ തല്ലുമാല വരെ... മലയാളികൾക്ക് ഓണം ആഘോഷിക്കാൻ ഒടിടിയിൽ സൂപ്പർ റിലീസുകൾ

തിയേറ്ററിൽ മികച്ച പ്രതികരണം നേടിയ അനവധി സിനിമകളാണ് ഇത്തവണ മലയാളികളുടെ ഓണത്തിന് മാറ്റുകൂട്ടാൻ ഒടിടിയിൽ റിലീസിന് ഒരുങ്ങുന്നത്. സുരേഷ് ഗോപി മുതൽ ടോവിനോ വരെ കേരളക്കരയിൽ റിലീസിന് വരികയാണ്.

മലയാളത്തിലെ മികച്ച കൂട്ടുകെട്ടിൽ ഒന്നാണ് സുരേഷ് ഗോപി-ജോഷി എന്നത്. അനവധി ഹിറ്റുകൾ തന്ന കൂട്ടുകെട്ട് വർഷങ്ങൾക്ക് ശേഷം വന്നപ്പോൾ തിയേറ്ററിൽ പൂരപ്പറമ്പക്കിയ സിനിമയിരുന്നു പാപ്പൻ. സുരേഷ് ഗോപി പോലീസ് വേഷത്തിൽ വന്നു എന്നതും വലിയ പ്രത്യേകതയായ സിനിമ മികച്ച കളക്ഷൻ നേടിയിടുന്നു. ചിത്രം സെപ്റ്റംബർ 7ന് സീ5ലാണ് റിലീസ് ചെയ്യുന്നത്.

കുഞ്ചാക്കോ ബോബൻ നായകനായ ന്നാ താൻ കേസ് കൊട് ആണ് അടുത്ത റിലീസുകളിൽ ഒന്ന്. തിട്ടുവോണതിന് ഹോട്ട്സ്റ്റാറിലാണ് ചിത്രം വരുന്നത്. രതീഷ് ബാലകൃഷ്ണ പൊതുവാൾ സംവിധാനം ചെയ്ത സറ്റയർ ആയ ചിത്രം കുഞ്ചാക്കോ ബോബന്റെ ഏറ്റവും കളക്ഷൻ നേടിയ സിനിമയായിരുന്നു. ഇപ്പോഴും തീയേറ്ററിൽ നിറഞ്ഞ സദസിൽ കളിക്കുന്ന സിനിമയാണ് ന്നാ താൻ കേസ് കൊട്.

ദുൽഖർ സൽമാന്റെ ഈ വർഷത്തെ സൂപ്പർ ഹിറ്റായിരുന്നു സീത രാമം. ഹനു രാഘവപുടി തെലുങ്കിൽ അണിയിച്ചൊരുക്കിയ പിരീഡ്-റൊമാന്റിക് ഡ്രാമയാണ് ഈ ചിത്രം. മികച്ച കളക്ഷൻ നേടിയ സിനിമ വലിയ പ്രേക്ഷക ശ്രദ്ധയും നേടിയിരുന്നു. ചിത്രം സെപ്റ്റംബർ 9ന് ആമസോൺ പ്രൈമിൽ റിലീസ് ചെയ്യും.